Against communalism of the best-loser system - Lalit Mauritius
Against communalism of the best-loser system - Lalit Mauritius
Against communalism of the best-loser system - Lalit Mauritius
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Trak <strong>Lalit</strong> sirkile avan resansiman 1983<br />
RESANSIMAN POPILASYON: REFIZ DIR RELIZYON<br />
LALIT pe milite a tu nivo pu inifikasyon klas travayer lor baz de klas. Nu rezet tu tantativ pu<br />
diviz klas travayer lor baz kominal ubyin relizye. Travayis e PMSD ti tultan diviz klas travayer<br />
lor baz kominal; zordi li pe vinn enn realite obzektiv ki MSM e MMM pe re-diviz klas travayer<br />
lor baz kominal.<br />
Dan konteks lalit pu diminye divizyon kominal dan klas travayer, LALIT pe lans enn mo-dord<br />
pu resansiman popilasyon ki pu fer kumansman Ziyet, 1983.<br />
Mo dord LALIT adrese a tu bann travayer e dimunn kont kominalis, li kler:<br />
Dan kolonn 11, kot dimann relizyon, dir swa :<br />
“Pa pu dir”<br />
Ubyen<br />
“Pena” .<br />
Li tut-a-fe nu drwa. An 1972 , nomb dimunn ki ti dir “Pa pu dir” ti 1699 e seki ti dir “Pena” ti<br />
923. (An Angle, “Religion not stated” ek “No religion”). Enn total de 2622 pa ti kapav klasifye<br />
par relizyon. Sa vedir ena dimunn ki deza ena enn konsyans anti-kominal byin devlope. Sa<br />
resansiman-la, nu pu lite pu ogmant sa nomb dimunn ki refiz les okenn guvernman gayn akse a<br />
linformasyon lor lekel kapav diviz klas travayer, e permet klas patron kontinnye so dominasyon.<br />
Relizyon enn dimunn na pa konsern leta.<br />
Kestyon lor “kominote” dan resansiman inn reye<br />
Kan guvernman MMM-PSM-OPR inn rey kestyon dan resansiman lor kominote, li finn pretann<br />
ki li enn gran viktar lalit kont kominalism. Me, li fos: finn plito sem konfizyon. Dan resansiman<br />
pu tuzur dimann u u relizyon. Dan LAGAZET LALIT no 33 nu ti deza met an gard ki kestyon<br />
larelizyon kapav vinn anpir sityasyon kominal ankor plis, olye fer kominalism rekile, parski li<br />
pu amenn pli gran fragmantasyon a linteryer klas travayer.<br />
Nu pe lite pu KONSYANS DE KLAS ogmante e pu rekil bann lezot KONSYANS SEKTARIS:<br />
swa konsyans kominal, swa konsyans relizye, ubyin konsysans ras. Nu pe osi lite pu separasyon<br />
ant leta e larelizyon. Sakenn ki lor later gayn drwa a so krwayans relizye ubyin a so nonkrwayans,<br />
e li pa konsern leta.<br />
Enn-de rezon kifer pe dimann nu nu relizyon se pu donn sibsid a lotorite relizye. Nu tu pe pey<br />
taks pu relizyon, e guvernman diviz sa larzan taks-la an proporsyon nomb dimunn dan diferan<br />
relizyon dapre resansiman popilasyon. Nu truv sa enn abi puvwar, e enn aksyon arbitrer.<br />
Nu tu pe pey taks pu relizyon<br />
Kuma li ete zordi, nu tu pe pey taks pu guvernman donn bann lotorite relizye enn sibsid. Si nu<br />
dakor ubyin nu pa dakor, nu tu pe peye: kan nu pey sales taks, kan nu pey stamp duty, nu tu pe<br />
peye. Mem si nu ti pu prefer nu larzan taks al pu pey bann pansyoner enn tigit plis, ubyin pu fer<br />
diri pli bonmarse, taks-la pe al kot relizyon. Lerla kan lotorite relizye-la depans kas-la, li na pa<br />
kuma lezot depans leta parski pena okenn kontrol demokratik lor la.<br />
Nu dir : NON A TAKS SAN KONTROL DEMOKRATIK! Nu kwar ki li ti a bon si sak individi<br />
gayn drwa swazir si li ule pey tax pu relizyon ubyin non. Si li ule peye, lerla guvernman pran so<br />
kas<br />
e donn sa kas-la ek lotorite relizye ki li finn nome. Sa vedir, kan resansiman kumanse, nu dir ki<br />
zis dimunn ki ule pey taks pu relizyon, ti bizin dir so relizyon, pu guvernman kone kombyin<br />
dimunn anvi pey taks pu relizyon. Deza ena sertin pei kot ena sa kalite taks pu relizyon lor enn<br />
baz opsyonel (e.g. Lalmayn Federal). Nu porpoze ki sa taks-la ti pu pli fasil integre dan sistem<br />
Income Taks: seki deza pey income tax, li pey enn sir-sarz (x% so income taks); seki pa peye,