Against communalism of the best-loser system - Lalit Mauritius

nome
Apre ki Komisyon Elektoral finn fini gete ki kategori bizin gayn komye bestluzer, li fer lalis tu
kandida bati depi tu parti ki ena manb eli par sirkonsripsyon:
Parti V 30 eli 32 kandida bati
Parti W 20 eli 42 kandida bati
Parti Y 12 eli 50 kandida bati
Lakantite depite ki ti kapav nome kom bestluzer, li 124 (32 + 42 + 50). Nu pe asime ki sak parti
finn prezant 3 kandida dan sak sirkonskripsyon dan lil Moris ek 2 dan lil Rodrig.
Diviz tu kandida bati lor sa lalis-la an 4 kategori A, B, C, D dapre seki zot finn deklare lor zot
form kandidatir. Aster-la, gete ki pursantaz vot zot finn gayne dan eleksyon, ek klas lalis-la
dapre pursantaz vot par sak kategori. Savedir pu sak kategori, pu gayn kandida bati avek plis
pursantaz vot lao, ek mwins pursantaz vot anba.
Kategori A 0
Kategori B 2
Kategori C 2
Kategori D 0
Enn fwa ki fini nom premye 4 bestluzer kot finn get zis kominote, Komisyon Elektoral aster
gete depi ki parti politik zot sorti:
Parti V 2
Parti W 2
Parti Y 0
Pu seleksyon 2yem seri bestluzer, get kominote ek parti politik osi. Seksyon 5 (4) Premye Sedil
dir leswivan:
“Kan finn alwe premye 4 syez (uswa otan syez ki posib), bizin gete ki nomb syez finn alwe
a dimunn ki dan enn parti, me ki pa parti ki finn gayn plis depite. Otan ki posib, dezyem 4
syez pu alwe a kandida bati avek meyer skor ki dan parti ki finn gayn meyer rezilta, ek ki
dan kominote ki apropriye, si ena. Si pena kandida bati dan kominote apropriye, syez pu
alwe a meyer kandida bati dan parti ki finn sort premye, san get kominote.”
Pwiske Parti W finn gayn 2 bestluzer dan premye seri 4, Parti V pu gayn sinkyem ek sizyem
bestluzer akoz li parti ki finn fer pli byin dan eleksyon.
Setyem bestluzer pu alwe dapre Seksyon 5 (5) Premye Sedil ki dir leswivan:
“Si res syez vid dan sa 8 syez la, lerla otan ki posib pu swiv prosedir swivan ziska tu le 8
syez, uswa otan syez ki posib finn alwe. Setadir enn syez pu alwe a kandida bati ki finn
gayn pli bon skor (si ena) ki dan parti ek plis kandida eli ki pa finn gayn okenn dan sa 8
syez-la ek ki dan kominote apropriye. Prosenn syez (si ena) pu alwe a kandida bati ki ena
meyer skor (si ena) ki dan dezyem parti ki finn fer pli byin ek ki osi dan kominote
apropriye. Pu kontiyn alwe dan mem fason si ena syez reste ek si ena parti ki pa finn gayn
syez bestluzer.”
Alor setyem bestluzer pu dan Parti Y akoz sa parti-la pankor gayn bestluzer.
Nominasyon wityem bestluzer li fer dapre Seksyon 5 (6) Premye Sedil ki dir leswivan:
“Si ankor ena syez dan sa 8 syez-la ki res vid, lerla pu prosed dan manyer swivan, ek pu
kontiyn prosed kumsa ziska tu le 8 syez (uswa otan ladan ki posib) finn alwe. Setadir, enn
syez pu alwe a kandida bati ki ena meyer skor (si ena) ki e dan dezyem parti ki finn fer pli
byin dan rezilta eleksyon, e ki dan kominote apropriye. Prosenn syez pu alwe a kandida bati
ki finn gayn meyer skor (si ena) ki dan trwazyem parti ki finn fer pli byin (si ena) ek ki dan
kominote apropriye. Bizin kontinye alwe dan mem fason anseki konsern syez ek parti ki
reste.”