Against communalism of the best-loser system - Lalit Mauritius

More documents

Recommendations

Info

Ras, enn argiman turn-an-ron Dan lepase, plizyer serser e syantis ki etidye sosyete imen finn fer tu kalite letid sirtu dan sa lepok kot pe ena lamonte fasism, pu montre diferans ant “ras”. Ena usi dimunn ki kwar ki ena bann diferans de nesans, diferans zenetik ant bann “kast”. Ena Angle ki kwar dan “rwayote”, kuma enn kast “ne pu reyne”. Sa ideolozi-la telman for ki avek 21em syek pre la [NR: pe ekrir an 1995], pa finn resi fer rwayote vinn kuma sitwayen ordiner. Dan Moris, ena Goswami Sewtohul parmi lezot, ki kwar ki ena bann diferans zenetik ant diferan “kast” dan Moris. Anu gete kimanyer bann serser e syantis prosede pu zot etidye diferans ras. Sipoze ena enn akademik ki ule etidye diferans ant “ras Endyen Lamerik”, “ras Afriken” ek “ras Eropeen” - mem si li zis pu get diferans dan to dyabet. Nu mem pa pu get sa bann letid danzere ki rod pruv sanse diferan I.Q. (sanse mezir entelizans) . Sa akademik-la pu tutswit tap ar bann argiman turn-an-ron. (Sa vedir letid-la pu vag, pa syantifik ek deklarer. Okenn rezilta enn tel letid pa pu itil pu fer enn klasifikasyon zeneral ras u kategorizasyon imen). Sa akademik-la desid pu prosed par rod 100 dimunn swadizan “ras Endyen Lamerik”, 100 dimunn ki swadizan “ras Afriken” e 100 dimunn ki swadizan “ras Eropeen”. Anu swiv so travay. Li al get premye “Endyen Ameriken”. Dizon li selekte dimunn lor rezis elektoral par get nom ki sonn Endyen Ameriken. Alor nu serser swazir so premye Endyen Ameriken avek enn nom ki ena enn resanblans Hopi. Li tap sa dimunn so laport. Nu serser kapav kumans avek enn kestyon kuma “Eski u enn Endyen Ameriken?”. Dimunn-la kapav klak laport dan so figir e li pu ena rezon. Me dizon, li resi truv enn fason pu poz so kestyon. La, li pu finalman bizen etablir si dimunn-la anfet enn “Endyen Ameriken”. Alor li kapav poz kestyon “Eski u mama ti enn 'Endyen Ameriken'?” Dimunn-la kapav reponn, “Wi, li ti enn Siwu”. Lot kestyon, “Eski u papa ti enn “Endyen Ameriken”, dimunn-la kapav reponn “Mo konn zis mo boper ki ti deklar mwa kan mo ti ne.” Sa enn argiman turn-an-ron. Serser-la finn rod kikenn ki li kwar enn “Endyen Ameriken” apartir enn nom, me li pa kapav al pli lwen apart ki li pu kone ki dimunn ki li pe intervyuwe kwar ki so mama enn Siwu. Deza fini tap ar de problem . Premye, kifer sa serser-la kapav kumans so letid par deside ki ena enn laliyn demarkasyon ki permet li truv enn ras ki apel “Endyen Ameriken”? Sirtu kan serser-la so bi se pu definir ki ete enn “ras”? Ena diferan sosyete ki tom su sa nom “Endyen Ameriken” ki inklir Hopi ek Siwu. Kot sa fos lide-la sorti? Kifer par ekzamp pa asime ki “Enka”, “Hopi”, Siwu, zot sakenn enn “ras”? Dezyem, serser-la kapav zis ariv kone, preske sir, kisannla kikenn so mama. Baze lor sa sipozisyon la, ki li kontinye so resers pu dekuver diferans ant enn “ras” ek “enn lot ras”. Lor ki eski sa tez-la pu baze? Li pena swa apart baz limem lor bann sipozisyon ideolozik ase vag lor nom, lor laparans, ek enn lide ase vag lor “way <strong>of</strong> life” (mod de vi). Pu kestyon “ras Afriken”, serser-la pu tap avek bann mem problem. Li pu bizen fye lor so prezize lor ras. Lafrik enn konsep zeografik, pran depi Lezip, Tinizi, Alzeri ziska Keptawn via Namibi, Lwes Lafrik, Lafrik Santral ek Les Lafrik. Parmi bann lepep dan Lafrik, ena dimunn de plizyer kalite diferan laparans: kurt, long, kler, nwar, e tu kalite diferan tre. Ek sak sa bann laparans-la ena tu kalite nyans depi enn ziska lot. Lafrik li an parti enn konsep zeografik (enn kontinan) e an parti enn konsep politik (rezilta envazyon kolonyal lor 400 banane). Li pratikman enposib pu kone kisannla enn “Afriken” zis par get li. Ubyen kone si kikenn enn desandan Afriken zis par so laparans. Sa osi, li zis ideolozi. Ena dimunn lor planet ki zot lapo kontenir plis melaninn, enn proteksyon kont soley, sirtu dan bann rezyon tropik lor glob. Ena lezot dimunn ki ena mwens melaninn e zot zot res sirtu dan rezyon poler. Me partu ena enn spektrum, enn sanzman gradyel. Me pena enn diferans kler kuma konsep “ras” su rezim aparteid ti sey fer kwar. Mem problem poze kan nu get konsep “Bantu”, enn konsep ki ti servi su rezim Aparteid dan Sid Afrik. Azute ar sa, ena enn problem esantiyon, e ena mem enn problem paternite. U kapav konn kikenn so mama - ena lakorite sosyal depi so lanturaz ki kapav konfirme plizumwen korekteman kisannla so mama. La usi pa kapav 100% sir parski ena adopsyon, ena zanfan abandone, ena ka kot mama deklar zanfan so tifi ki tro zenn, ena ka kot zanfan ariv sanze dan lopital (kuma ena dan sertin fim Endyen). Dizon, u arive konn so mama, u pu kapav usi konn so granmer kote mama. Pli lwen dan lepase, serser-la pa pu kapav kone. Eski so aryer granmer ti konsidere “Afriken”? Pa pu kapav konn okenn papa u granper sir-sir.
Alor, serser-la pu bizin debruye avek so prop prezize, sey devine e fye lor lezot dimunn zot prezize lor “ras”. Problem idantik poze lor “ras Eropeen”. Depi Sid Itali ziska Lenor Norwez, depi frontyer Lasinn ziska frontyer Lend e Mwayen Oryan ziska Kornworl, partu ena nyans. Sanzman gradyel dan sa spektrum-la. Ena pli buku diferans ant dimunn alenteryer swadizan su- kategori “ras Eropeen” ki ena avek lezot “ras”. De tut fason, pu plis 400 banane finn ena migrasyon imans depi Lafrik, Lend ek Mwayen Oryan ver Lerop. San kont ansyen migrasyon. Anplis, pu tu serser, paternite res enn problem eternel. Teknikman ek syantifikman kapav chek paternite (si papa u granpapa ankor vivan) me li pa pu etik pu fer li. Li pu enposib pu al pli lwen ki granpapa mem si ena enn rezim fasist pu sutenir sa kalite resers-la. Alor nu bizen dimann numem lakestyon, ki ete sa ki dan nu latet ki fer nu kwar ki “ras” enportan? Kifer nu “kwar” ladan? Kifer nu kontinye reprodwir sa bann lide-la? Kifer nu kontinye propaz bann krwayans vid? Limanite ena miltitid idantite: nimport ki enn dimunn kapav ena idantite kuma enn fam, enn siklist, enn kikenn ki byen relizye, enn mama, enn santer, enn manejer, enn zardinye, kikenn ki desandan enn maren, enn koleksyoner tem, enn serfer, enn rakonter zistwar, enn gran manzer, enn aktivist politik, enn bon kwizinye. Sakenn dant nu deside ki idantite nu anvi plis e nu osi swazir ki idantite lezot dimunn nu anvi met lanfaz. Dan MAK, nu panse ki bizen met lanfaz lor idantite ki kreatif e lor idantite ki amenn progre pu limanite. Lot kote, fode pa donn pye sa bann idantite ki ena tandans destrikter e ki al kont progre sirtu dan bann domenn kot tel-tel idantite pena zot plas. “Ras”: enn ideolozi ki servi par lextrem drwat usi byen ki par bann santrist Nu finn demontre ki lentere bann rezim de drwat ena dan servi “ras” ek rasism pu zot prop lentere politik. Depi Le Pen ziska PMSD, depi rezim Aparteid ziska Nazi, depi Klu Klux Klan ziska National Front, zot tu ralye dimunn kont enn menas “andeor” depi kit “ras” (u “kiltir”) ki pe sanse anvair u afebli lanasyon. Seki pli difisil pu rekonet se dan fason ki dan Lamerik ek Lerop sirtu, muvman santrist ki pretann zot plis eklere finn persiste servi klasifikasyon kominal ek rasyal pu swadizan fini kominalism ek rasism. Buku dimunn ki finn enflianse par argimantasyon ideolozik sa muvman santris finn fek kumans “returne” pu viv dan Moris. Dr Rajabally, ki ekrir dan lagazet Star, prodir bann lide ki tipifye sa kalite kominalism virilan ek danzere (get Star 6 Ut 1995). Bizin analiz klerman ki bi politik bann tel muvman santrist: zot nek ule redistribye inegalite e zot pa enterese pu eradik inegalite. Opizale, zot bi se redistribye inegalite egalman parmi tu bann kategori ki zot dir existe. Me an realite, zot ule ki kontinye ena inegalite. Tan ki dimunn, enklir numem, nu kontant nu avek enn bi feb, enn bi kapon, enn bi ki apenn kasyet so imoralite, lerla klasifikasyon kominal ek rasist pu kontinye mem. An zeneral dan Moris, konsep “ras” finn sirtu servi par ladrwat. Ti servi konsep “ras” pu zistifye esklavaz, lerla apre abolisyon esklavaz finn servi sa konsep-la pu kontinye zistifye inegalite . Rasism “Anti-Afriken” ankor byen kuran. Prezize Anti-Endyen ek anti-Sinwa inn vini avek langazman e sa bann prezize ankor prezan ziska zordi. Rasis anti-blan finn osi servi par politisyen dedrwat ek ankor prezan zordi. Anplis, li drol, me ena enn ideolozi anti-Semit parmi buku dimunn dan Moris e sa malgre ki dan Moris apenn ena dimunn ki swiv relizyon Zwif. Enn ideolozi ki re-kree zur apre zur. Sa li ankor enn prev ki “ras” li enn ideolozi e napa enn fe - rasism anti-semit dan labsans enn “ras Jwif”. Ras ti vinn pwen raliman pu muvman “Malez Kreol”. Comité Premier Fevrier vini avek enn lalis demand kareman kominal, kot : * zot dir fale ena enn “Kreol” vinn Prezidan Larepiblik * zot dir fale ena otan “Kreol” kandida lor lalis sak parti politik * zot dir fale ena nominasyon “Kreol” alatet bann Minister * zot dir fale ena tan nomb ambasader “Kreol” * zot dir fale ena reprezantan “Kreol” ki kapav vinn prezidan bann komisyon tel ki Public Service Commission, Police Service Commission ek LGSC. Pu montre kimanyer sa kalite platform kominalis li iresponsab, se Gaetan Duval ki byen vit, vinn portparol sa platform la. Li anonse ki si limem vinn prezidan a lonterm (La, Gaetan Duval enpe plis poli ki Comité Premier Fevrier anver Prezidan an ezersis), si Hervé Duval vinn alatet PSC, si so ser vinn ambasader, e si so garson vinn enn senyor minister, lerla “Malez Kreol” pu disparet. E byen sir enn tel kanpayn finn fer PMSD tir lavantaz politik e kumsa PMSD rant dan guvernman.
Page 1: Lalit EGALITE LIBERTE LIMANITE LIBE
Page 4 and 5: Kont Kominalism dan sistem Bestluze
Page 6 and 7: Preface Communalism, racism, castei
Page 8 and 9: The Forces Against the Communal Bes
Page 10 and 11: In a long interview in Le Mauricien
Page 12 and 13: REJECTING COMMUNAL, RACE & RELIGIOU
Page 14 and 15: General Population. We call ourselv
Page 16 and 17: “communalisme de défense”. If
Page 18 and 19: and even compared it with the Nazis
Page 20 and 21: 1861 White and Coloured Indian Chin
Page 22 and 23: Mauritius is perhaps the most flagr
Page 24 and 25: after day. This really is a proof t
Page 26 and 27: We also have to oppose racism. We h
Page 28 and 29: STAR BLITZ LE DIMANCHE MAURITIUS TI
Page 30 and 31: E asterla, 30 banane plitar, nu kot
Page 32 and 33: Otur mem peryod, nu finn truv Komis
Page 34 and 35: Lane Klasifikasyon ki ti servi 1735
Page 38 and 39: Kumadir Gaetan Duval fer nu tu rape
Page 40 and 41: Ena usi enpe endividi e grup ti-bur
Page 42 and 43: si bann sirkonskripsyon ase tipti,
Page 44 and 45: eal) equality before the law are th
Page 46 and 47: mind at the time he/she wishes to r
Page 48 and 49: W: party Honourable members Party Y
Page 50 and 51: If add 1 to each category Then each
Page 52 and 53: “In the event that any of the 8 s
Page 54 and 55: It is up to those who suffer most f
Page 56 and 57: Pwazon la Sistem Bestluzer kominal,
Page 58 and 59: Premye zafer katastrofik ki remarke
Page 60 and 61: Tab nimero 1 Kategori B C D A Resan
Page 62 and 63: Tab nimero 6 Si re-azut 1 Manb Onor
Page 64 and 65: Alor wityem bestluzer pu dan Parti
Page 66 and 67: Ragini Kistnasamy ek Jean-Claude Bi
Page 69 and 70: Keep the best loser system, but kic
Page 71 and 72: will not be considered for such all
Page 73 and 74: Nomination Papers in 1976 (413 cand
Page 75 and 76: But a good political system, of cou
Page 77 and 78: LALIT’s position and proposals ON
Page 79 and 80: a) the auto-classification of all c
Page 81 and 82: that it allows various currents to
Page 83 and 84: Seki Lalit pe propoze dan kad eleks
Page 85 and 86: pu bizin al anrezistre so nom kot b
Page 87 and 88:
Mo dord: Ki u relizyon? Pa pu dir u
Page 89 and 90:
“Some 33 years after the Constitu
Page 91 and 92:
STOP COMMUNALISM CAMPAIGN SPORTSPEO
Page 93:
APPENDICES
Page 96 and 97:
(1) Every candidate for election at
Page 99 and 100:
SUPREME COURT JUDGEMENT Delivered b
Page 101 and 102:
system. At the time the Constitutio
Page 103 and 104:
Philip Baker in his book KREOL (A D
Page 105:
EXCERPTS ON THE BEST LOSER SYSTEM F
show all

Against communalism of the best-loser system - Lalit Mauritius

Create successful ePaper yourself

Delete template?

Save as template?