You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Här President, d’Entwécklungszesummenaarbecht<br />
ass an däerf kee Selbstzweck sinn. Esou<br />
wichteg et och ass, datt mer zesummen als<br />
international Gemeinschaft an och heiheem op<br />
nationalem Plang déi richteg Regelen a Referenzen,<br />
déi néideg Moyenen a Kontrollen definéieren,<br />
duerch déi mer no méi Effikassitéit a<br />
besser Effizienz vun der Kooperatioun striewen,<br />
däerfe mer awer net iwwert de Prozesser vergiessen,<br />
fir wie mer schaffen.<br />
Ob mer an Afrika, Asien oder <strong>La</strong>täinamerika<br />
mat de Partnerlänner iwwer hir Entwécklungsprioritéite<br />
schwätzen, ob mer eis zu New York,<br />
Genève oder Paräis fir méi a besser Hëllef asetzen<br />
oder ob mer deemnächst dat neit Gesetz<br />
finaliséieren a stëmmen, et mussen zu all Ablack<br />
d’Kanner, d’Fraen an d’Männer, déi Dag fir Dag<br />
ënnert den terribele Konsequenze vun der Aarmut<br />
leiden, am Mëttelpunkt vun eisen Iwwerleeungen,<br />
Décisiounen an Aktioune stoen. All<br />
deenen, déi sech duerfir asetzen an all Dag<br />
duerfir schaffen, mäi groussen an éierleche<br />
Merci! An dozou gehéieren och meng Mataarbechterinnen<br />
a Mataarbechter aus der Kooperatioun<br />
am Ausseministère.<br />
Ech soen Iech Merci fir Är Opmierksamkeet.<br />
w Plusieurs voix.- Très bien!<br />
w M. le Président.- Merci, an ech ginn der<br />
Madame Kooperatiounsministesch Marie-Josée<br />
Jacobs Akt vun hirer Deklaratioun. Mir kommen<br />
elo zur uschléissender Debatt. D’Riedezäit ass<br />
hei nom Modell 2 festgesat, an et hu sech bis<br />
elo ageschriwwen: d’Madame Arendt, den Här<br />
Bettel, den Här Angel, den Här Braz, den Här<br />
Kartheiser an den Här Hoffmann. Als éischt Riednerin<br />
ass déi honorabel Madame Nancy Arendt<br />
agedroen. Madame Arendt, Dir hutt d’Wuert.<br />
Débat<br />
w Mme Nancy Arendt (CSV).- Merci, Här<br />
President. Här President, Excellences, Madame<br />
Ministesch, Dir Dammen an Dir Hären, am Lidd<br />
„Imagine“ séngt den John Lennon, mir sollten eis<br />
virstellen, wéi et wier, wann et keng Länner géif<br />
ginn, keng Reliounen, näischt fir een ëmzebréngen,<br />
kee Besëtz, kee Grond fir gaaschteg oder<br />
hongreg ze sinn. „Stellt Iech vir“, séngt dee legendären,<br />
leider verstuerwene Beatles-Sänger, „all<br />
d’Mënsche géifen einfach am Fridden zesumme<br />
liewen an all eng Welt zesummen deelen“.<br />
A gläich drop séngt en: „You may say I’m a<br />
dreamer, but I’m not the only one!“ Natierlech...<br />
w M. le Président.- Här Kartheiser? Erlaabt<br />
Der, Madame Arendt, datt den Här Kartheiser<br />
Iech eng Fro stellt?<br />
w Mme Nancy Arendt (CSV).- Jo natierlech,<br />
Här Kartheiser.<br />
w M. Fernand Kartheiser (ADR).- Merci.<br />
Ech sinn e bësschen iwwerrascht. Ech wollt just<br />
d’Madame Arendt froen, ob si am Numm vun<br />
der CSV elo schwätzt: „Stellt Iech vir, et gëtt<br />
keng Reliounen, da géifen d’Leit am Fridde<br />
liewen.“ Ech wier frou, wa si eis dat do nach<br />
kéint e bësse méi erklären, well dem John Lennon<br />
säi Lidd ass jo ganz schéin, mä et stellt<br />
awer eng ganz Rei Froen, déi vläicht sollte<br />
gekläert ginn. Ass d’CSV der Meenung: „Stellt<br />
Iech vir, et géife keng Relioune ginn an da géife<br />
mer all am Fridden zesumme liewen?“<br />
Merci.<br />
w Mme Nancy Arendt (CSV).- Ech hunn net<br />
gesot, wat d’CSV gesot huet. Ech hunn e<br />
Sänger zitéiert, dee säi Lidd hei gesongen huet.<br />
(Interruptions)<br />
w M. le Président.- Sou, elo schwätzt ganz<br />
eleng d’Madame Arendt. <strong>La</strong>uschtert emol der<br />
Madame Arendt no, Här Kartheiser.<br />
(Brouhaha)<br />
w Mme Nancy Arendt (CSV).- A vläicht, fir<br />
den Här Kartheiser direkt ze berouegen, si<br />
meng nächst Wierder: Natierlech leien tëschent<br />
deem, wat gesonge gëtt an der Wierklechkeet<br />
dacks Welten.<br />
(Interruption)<br />
Mä mir däerfen dësen Dram an d’Hoffnung, fir<br />
de Mënschen, deenen et net esou gutt geet, ze<br />
hëllefen net opginn! Grad elo, a wirtschaftlech<br />
gesi méi schwéieren Zäiten, ass et wichteg,<br />
posi tiv an d’Zukunft ze kucken. Grad elo musse<br />
mer dee Wee vun der Entwécklungshëllef, dësen<br />
esou wichtege Beräich fir eist <strong>La</strong>nd, deen<br />
eis och an Zwëschenzäit richteg un d’Häerz<br />
gewuess ass an op dee mer och houfreg kënne<br />
sinn, entschlosse weidergoen.<br />
Grad elo si mer eis och bewosst, datt mer riicht<br />
weider sensibiliséiere musse fir dës esou wichteg<br />
Thematik.<br />
8<br />
Séance 2 MeRcRedi, 12 OcTOBRe 2011<br />
www.chd.lu<br />
Dofir si mir als CSV dankbar, datt hei an der<br />
Chamber eemol am Joer eng méi laang Debatt<br />
iwwert d’Entwécklungshëllef stattfënnt. Dës<br />
Debatt gëtt eis d’Méiglechkeet, ëmmer nees op<br />
en Neits drop hinzeweisen, ënner wéi engen<br />
dramatesche Konditiounen nach ëmmer Millioune<br />
vu Leit liewe mussen, an et erlaabt eis<br />
och, e Bilan vun den internationalen an nationalen<br />
Ziler ze zéien, déi um Niveau vun der<br />
Entwécklungshëllef festgehale gi sinn.<br />
Mir sinn och frou iwwer eisem Finanzminister,<br />
dem Luc Frieden, seng Ausso net méi spéit wéi<br />
d’lescht Woch beim Dépôt vum Budget, datt<br />
mer eben „net nëmmen eleng op dëser Welt<br />
sinn“ an datt mer weider un eisem 1% vum BIP<br />
vun der Entwécklungshëllef festhale wëllen, a<br />
wou 314.000 Euro méi ageplangt sinn, wat e<br />
Plus ass vu 5%, wat eisen Engagement am<br />
welt wäite Spëtzepeloton bestätegt.<br />
Léif Frënn, ech fannen et traureg, wa mer eisen<br />
Engagement fir d’Entwécklungshëllef verteidege<br />
mam Argument, net nach méi Flüchtlinge<br />
bei eis op Lëtzebuerg ze kréien, an esou den<br />
traurege Message vermëttelen, datt mir Entwécklungshëllef<br />
maachen, fir schlussendlech eis<br />
selwer alt net erëm ze vill ze schueden.<br />
Entwécklungshëllef soll gemaach ginn, well mer<br />
et einfach ongerecht fannen, datt d’Plaz, wou<br />
een op d’Welt kënnt, driwwer décidéiert, ob<br />
een eng Perspektiv am Liewen huet oder net,<br />
well mer net gären an enger verrécktener Welt<br />
liewen, wou op där enger Säit Mënsche sech<br />
Fett ofsauge loossen, well se ze vill giess hunn,<br />
an op där anerer Säit all Dag Mënsche stierwen<br />
an erhéngeren, well se net genuch hunn.<br />
An Entwécklungshëllef soll gemaach ginn, well<br />
mer dach eis allze modern Welt gären a Fro<br />
stellen - wa mer et fäerdegbréngen, Mënschen<br />
op de Mound ze schécken a geschwënn Tourismus<br />
am All ze entwéckelen, mä wa mer awer<br />
net genuch fir all Kand parat hunn, fir datt et<br />
iwwerliewe kann.<br />
Léif Kolleegen, a menger Ried wollt ech fir<br />
d’Alle réischt am Detail op zwou vun den Haapterausfuerderungen,<br />
déi sech an der Entwécklungshëllef<br />
stellen, agoen: déi ongerecht Verdeelung<br />
an de Bevölkerungszouwuess. Da wéilt<br />
ech kuerz op verschidde Millenniumsobjektiver<br />
ze schwätze kommen. An engem drëtten Deel<br />
wollt ech mech mat der europäescher Entwécklungshëllef<br />
auserneesetzen, fir schliesslech da<br />
kuerz och nach op den nationale Kontext vun<br />
eiser Entwécklungshëllef ze kommen.<br />
Niewent dem Bevölkerungszouwuess, dem<br />
Klima wiessel, de klammende Pëtrolspräisser an<br />
de Spekulatioune mat Liewensmëttel bleift an<br />
ass et virun allem déi ongerecht Verdeelung an<br />
eiser Welt, déi deenen engen et erlaabt, hir<br />
Piscinë mat Waasser ze fëllen, während déi aner<br />
kee Waasser hunn, fir ze drénken. Dëst kann an<br />
däerf eis net egal sinn, geneesou wéineg wéi<br />
déi batter Realitéit, datt 1% vun der Weltbevölkerung<br />
40% vum weltwäite Räichtum gehéieren<br />
an datt déi 20% Räich eleng 80% vun<br />
de weltwäit produzéierte Gidder konsuméieren.<br />
Dat wierklech Paradoxt un dëser Situatioun ass<br />
awer, datt eis Äerd méi wéi genuch z’iesse fir<br />
jiddwer Mënsch bitt. Allerdéngs muss ee<br />
wëssen , datt e groussen Deel vun den ugebautenen<br />
Nahrungsmëttel net fir den Honger ze<br />
stëlle benotzt gëtt, mä fir an deene räiche<br />
Länner souwuel d’Mënsche wéi d’Déieren am<br />
Iwwerfloss ze fidderen respektiv an d’Dreckskëscht<br />
ze geheien.<br />
Esou gi 40% bis 50% vun de Kären an de<br />
Fësch produiten, genee wéi och 90% vum ugebautene<br />
Soja a 25% bis 40% vun deene verschiddene<br />
Mëllechproduiten als Fudder fir eis<br />
sougenannten „Notzdéieren“ - d’Mënschen an<br />
d’Déiere vun eiser Säit also - benotzt.<br />
Nach méi schockant wéi dat ass d’Tatsaach,<br />
datt d’Produktioun vu Fleesch a Mëllech oder<br />
Eeër eng zimlech ineffizient Aart a Weis ass, fir<br />
natierlecht Eewäiss ze kréien, well do enorm vill<br />
Planze gebraucht ginn. Et brauch een zum Beispill<br />
16 Kilo Weess, fir nëmmen ee Kilo Fleesch<br />
ze produzéieren. Schonn eleng déi 1,5 Milliarde<br />
Ranner, déi et op dëser Welt gëtt, verbrauchen<br />
esou vill Fudder, datt mer domadder bal zweemol<br />
där ganzer Weltbevölkerung kéinten z’iesse<br />
ginn.<br />
An dësem Kontext schreift den Direkter vum<br />
amerikaneschen „Institute for Food and Development<br />
Policy: „Fastfood und die Gewohnheit<br />
des Fleischverzehrs unter den Reichen auf dem<br />
Planeten unterstützen ein globales Nahrungssystem,<br />
das Nahrungsmittelressourcen von den<br />
Hungernden abzieht.“<br />
An Äthiopien zum Beispill leiden Zéngdausende<br />
vu Mënschen ënner enger Hongersnout. Am<br />
nämlechte Moment planzt dat total veraarmtent<br />
<strong>La</strong>nd awer Käre fir eis an Europa un a verpacht<br />
seng Terrainen, déi exklusiv der Regierung<br />
gehéieren, léiwer fir iwwer 50 Joer un<br />
auslännesch Groussentrepreneuren amplaz u<br />
seng eege Klengbaueren.<br />
Här President, mir mussen eis Liewensgewunnechten<br />
änneren, wa mir deenen Aarmen an<br />
eiser Welt tatsächlech hëllefe wëllen. Net<br />
nëmme si musse sech änneren, och mir mussen<br />
eis änneren!<br />
Nieft der <strong>La</strong>ndwirtschaft an der Handelspolitik<br />
ass och an anere Beräicher, wéi zum Beispill<br />
dem Klimawandel, eng Ännerung vun eise Konsumgewunnechten<br />
dréngendst noutwendeg.<br />
Et sinn emol keng esou riseg Ustrengunge verlaangt,<br />
fir fir eng méi gerecht Verdeelung vum<br />
Räichtum ze suergen.<br />
Hei ass et just wéi beim Klimawandel: kleng<br />
Gesten, vläicht och kleng Affer am Alldag kënne<br />
global ganz vill erreechen, wéi zum Beispill<br />
manner Fleesch iessen, ouni direkt musse Vegetarier<br />
ze ginn. En plus kënnt dëst Behuelen<br />
dann och dem Klimaschutz an hannen um Enn<br />
och eiser eegener gudder Gesondheet zegutt.<br />
Si mir nämlech net prett, un eiser Liewensweis<br />
eppes ze änneren, da si mer enger Etüd vun<br />
der Däitscher Bank no praktesch gezwongen,<br />
bis d’Joer 2050 d’Produktioun vun eisen Iessmëttel<br />
ze verduebelen, an dëst eleng, fir<br />
kënnen der Demande vun enger weider steigender<br />
Weltbevölkerung gerecht ze ginn.<br />
Just fir ee Beispill ze nennen, soll sech d’Weltbevölkerung<br />
an de Länner südlech…, d’Bevölkerungszuel<br />
- entschëllegt - an de Länner südlech<br />
vun der Sahara, wou elo schonns d’Fraen<br />
am Duerchschnëtt bal sechs Kanner kréien, vu<br />
767 Milliounen an der nämlechter Period méi<br />
wéi verduebelen. Et ass kloer, dass den enorme<br />
Bevölkerungszouwuess an deenen aarme Länner<br />
deene verschiddene positiven Entwécklungen<br />
oft e Stréch duerch d’Rechnung mécht.<br />
Léif Kolleegen, d’Weltbevölkerung wiisst all Joer<br />
ëm 80 Millioune Mënschen, allerdéngs och hei<br />
net iwwerall gläichméisseg. 98% vum Bevölkerungszouwuess<br />
betrëfft d’Entwécklungslänner.<br />
Do, wou déi gréisste Fortschrëtter an deenen<br />
äermste Regioune gemaach gi sinn, dat ass do,<br />
wou et fäerdegbruecht gouf, d’Gebuerteraten<br />
ze kontrolléieren. Et ass och do, wou op eemol<br />
d’Kanner genuch z’iessen hunn, wou se eng<br />
Éducatioun kréien a wou et Zougank zu engem<br />
eegene Gesondheetssystem gëtt.<br />
Kee Wonner, datt d’Vereenten Natioune virun<br />
allem op méi Verhiddungsmëttel a Sexualberodung<br />
pochen. Weltwäit gëtt et all Joer iwwer<br />
80 Milliounen ongewollte Schwangerschaften<br />
an den Entwécklungslänner. Heivunner si ganz<br />
vill jonk Frae betraff, déi selwer nach Kanner<br />
sinn. Ronn 215 Millioune Fraen op dëser Welt<br />
si gewëllt ze verhidden, kënnen awer net, well<br />
se keen Zougank zu Kondomer oder der Pëll<br />
hunn, seet d’Geschäftsführerin vun der däitscher<br />
Stëftung vun der Weltbevölkerung, d’Renate<br />
Bähr.<br />
w M. André Hoffmann (déi Lénk).- Dir sidd<br />
also net mam Poopst averstanen?<br />
w Mme Nancy Arendt (CSV).- Neen, an<br />
deem heite Sujet net.<br />
w M. Xavier Bettel (DP).- Dir selwer oder Är<br />
Partei?<br />
w Mme Nancy Arendt (CSV).- Ech selwer.<br />
Ech schwätzen dann an deem Fall perséinlech.<br />
w M. Xavier Bettel (DP).- Genial!<br />
w Mme Nancy Arendt (CSV).- Et stécht ganz<br />
kloer eraus, datt do…<br />
(Hilarité et interruption)<br />
Et stécht ganz kloer eraus, datt do, wou d’Frae<br />
selwer entscheede kënnen, wéini a wou se<br />
schwanger wëlle ginn, manner ongewollte<br />
Schwangerschafte virkommen an d’Gebuerten<br />
och vill méi komplikatiounslos oflafen. Esou<br />
kann och d’Mammestierflechkeet, wat jo e weidert<br />
Zil ass vun den „millennium goals“, bis zu<br />
30% gesenkt ginn. Just fir ze soen, datt an<br />
deenen äermste Länner nach ëmmer deeglech<br />
bis zu 1.000 Fraen - deeglech bis zu 1.000<br />
Fraen! - u Komplikatioune während der Schwangerschaft<br />
oder bei der Gebuert stierwen, an dëst<br />
meeschtens bei ongewollte Schwangerschaften.<br />
Keng Sexualopklärung an net genuch Ver hiddungs<br />
mëttel dreiwen net nëmmen d’Bevölkerungszuel<br />
an d’Luucht, mä och d’Zuel - an<br />
d’Madame Ministesch huet et virdru gesot,<br />
wou zwar schonn e grousse Succès ze verzeechnen<br />
ass - vun HIV-Infektiounen. Ver hiddungs<br />
mëttel a ganz virop de Kondom, gradesou<br />
wéi - an dat ass e ganz wichtegt Element -<br />
d’Mat abanne vun de Männer bei der Op klärung,<br />
bei der Verhiddung, mussen nach vill méi<br />
promouvéiert ginn.<br />
Dir Dammen an Dir Hären, d’lescht Joer am<br />
September gouf um UN-Sommet zu New York,<br />
zéng Joer nodeems d’„millennium goals“ an<br />
d’Liewe geruff goufen, en éischten Tëschebilan<br />
gemaach. Deen Tëschebilan ass méi wéi mitigéiert.<br />
Et gëtt Ziler, déi méi wäit erreecht gi si<br />
wéi anerer, an et gëtt Länner, an deenen d’Ziler<br />
besser konnten ëmgesat gi wéi an deenen aneren.<br />
Ech wollt just kuerz zwee vun deenen aacht<br />
Millenniumsziler méi genee ënnert d’Lupp huelen,<br />
fir ze gesinn, wou mer dann haut stinn.<br />
Dat wär fir d’Alleréischt emol dat éischt Zil, dat<br />
seet, datt bis 2015 d’Zuel vun deene Mënschen,<br />
déi mat manner wéi mat engem Dollar<br />
am Dag liewe mussen, gradesou wéi d’Zuel<br />
vun deene Mënschen, déi un Honger leiden,<br />
ëm d’Halschent ze reduzéieren ass.<br />
An hirem Rapport aus dem Joer 2009 stellt<br />
d’UNO fest, datt d’Zuel vun deenen, déi an extremer<br />
Aarmut liewen, vun 1,8 Milliarden op<br />
1,4 Milliarden erofgaangen ass. Dëst ass virun<br />
allem e Succès, wann ee bedenkt, datt d’Weltbevölkerung<br />
jo vu 5,3 op 6,5 Milliarden eropgaangen<br />
ass. Leider fält dëse Bilan fir déi<br />
äermste Regioune wéi d’Subsahara awer éischter<br />
schlecht aus. Hei ass den Deel vun deenen,<br />
déi mat manner wéi mat engem Dollar den<br />
Dag liewe mussen, just vu 57% op 51% gefall.<br />
Dramatesch gëtt et bei der Bekämpfung vum<br />
Honger op der Welt: Am Joer 2009 ass et<br />
nämlech fir d’éischte Kéier zënter et doriwwer<br />
Statistike gëtt, also zënter 1970, datt méi wéi<br />
eng Milliard Mënschen un Honger leiden.<br />
Dat seet keng aner wéi d’Madame Josette Sheeran,<br />
d’Directrice vum UN-Welternährungsprogramm,<br />
déi och op Besuch war bei eis hei virun<br />
e puer Wochen op den Assisen.<br />
Eng Milliard Mënschen, déi un Honger leiden,<br />
dat ass all sechsten Äerdebierger. Den Haaptgrond<br />
fir dës Hongersnout sinn déi kombinéiert<br />
Effekter vun der weltwäiter Rezessioun an déi<br />
drastesch steigend Liewensmëttelpräisser. Derbäi<br />
kommen a verschiddenen afrikanesche<br />
Länner eng Dréchent, esou wéi mer se am Moment<br />
um Horn vun Afrika erliewen, manner<br />
Geld aus dem Handel an der Entwécklungshëllef<br />
a manner Iwwerweisunge vu Sue vun Immigranten<br />
an hir Heemechtslänner an och - an<br />
dat ass e ganz wichtege Punkt, wou de Fernand<br />
Boden ëmmer drop opmierksam mécht - eng<br />
vernoléissegt <strong>La</strong>ndwirtschaftspolitik.<br />
Wa mer de Kampf géint den Honger an extrem<br />
Aarmut gewanne wëllen, dann nëmmen, wann<br />
d’Industrielänner nees méi an d’<strong>La</strong>ndwirtschaft<br />
an an déi ländlech Entwécklung investéieren,<br />
wou vill méi Suen nees erëm an dëse Secteur<br />
fléisse mussen.<br />
Dat verlaangt ënner anerem och der UNO hir<br />
Organisatioun fir d’Liewensmëttel an d’<strong>La</strong>ndwirtschaft.<br />
An dësem Kontext erënnert d’FAO<br />
nämlech drun, datt am Ufank vun den 90er<br />
Joren nach vill méi Mënsche sech an den Entwécklungslänner<br />
sat iesse konnten, well ebe vill<br />
Suen an den Agrarsecteur vun dëse Staten<br />
inves téiert gi sinn. Dofir ass et wichteg, datt<br />
d’Klengbaueren aus deene klengste Regioune<br />
vun dëser Welt nees bessert Geseems, Dünger,<br />
Fudder fir d’Déieren an och Maschinne solle<br />
kréien.<br />
1980 sinn nämlech bal 20% vun der weltwäiter<br />
Entwécklungshëllef an d’<strong>La</strong>ndwirtschaft gaangen,<br />
fir dann 2004 op nëmme 4% an hautdësdags<br />
souguer knapp op 2% erofzefalen.<br />
Doniewent mussen Agrarreformen ënnerstëtzt<br />
ginn, fir deene Leit erëm d’Méiglechkeet ze<br />
ginn, fir selwer ze produzéieren an esou en<br />
eegent Akommes ze kréien. An et mussen nei<br />
Regele fir d’Agrarmäert agefouert ginn, fir datt<br />
déi schwaach Konkurrenten an der <strong>La</strong>ndwirtschaft<br />
virum Dumping a staarke Präisschwankunge<br />
geschützt ginn. Nëmmen esou kënnen<br />
déi sëlleche Baueren am Süden nees Hoffnung<br />
kréien a kann d’Veraarmung konkret bekämpft<br />
ginn.<br />
An Europa erhalen d’Erzeuger am Allgemenge<br />
staatlech Hëllefen a Form vun Ausgläichsbezuelungen,<br />
déi bei ville bis zu 60% vum Akommes<br />
ausmaachen, déi déi Baueren an deenen aarme<br />
Länner natierlech net kréien. Et gëtt kritiséiert,<br />
datt d’Industrielänner mat Subventiounen eis<br />
Präisser fir d’<strong>La</strong>ndwirtschaftsprodukter esou<br />
nid dreg halen, datt déi aarm Länner net méi<br />
mathale kënnen an hir eege Produktioun méi<br />
déier op de Marché bréngen, wéi mir eis.<br />
En plus huet déi schnell Afouer vu Liewensmëttel<br />
déi lokal Produktioun an den Abseits gedrängt<br />
an d’Existenz vu Millioune Baueren zerstéiert.<br />
D’Dumpingpräisser hunn zwar vläicht<br />
dem Konsument an de Stied Virdeeler bruecht,<br />
mä si hunn déi national Produzenten extrem<br />
benodeelegt, well se ëmmer manner Keefer fir<br />
hir eege Wuere fonnt hunn.<br />
Här President, léif Kolleegen a léif Kolleeginnen,<br />
dat véiert Jordausendzil ass dat, wat mir perséinlech<br />
am meeschten um Häerz läit, an dat<br />
ass, derfir ze suergen, datt tëschent 1990 an<br />
2015 d’Zuel vun de Kanner, déi ënner fënnef<br />
Joer stierwen, vun 10,6% op 3,5% erofgesat<br />
gëtt.<br />
Och bei dësem Punkt huet sech d’Situatioun an<br />
eenzelne Länner verbessert, mä a ville Regiounen<br />
- an do gehéiert nees déi ganz Subsahara<br />
derzou - bleiwen d’Zuele schlecht. De Risiko fir<br />
d’Kanner, u vermeidbare Krankheeten ze stier-