Create successful ePaper yourself
Turn your PDF publications into a flip-book with our unique Google optimized e-Paper software.
vivendi fënnt, fir dat nach besser ze organiséieren.<br />
Dat nämlecht gëllt fir d’PICen.<br />
Ech wollt nach eng lescht, e puer lescht Remarquë<br />
maachen. Ech hu vill iwwert d’Cohérence<br />
des politiques geschwat, an da kënnt ëmmer<br />
d’Beispill vun den Inkohärenzen. Mä Cohérence<br />
des politiques ass a mengen Aen och, wann ee<br />
versicht, nei Synergien ze schafen, wann eppes<br />
gemaach gëtt, dass et och fir déi aner gutt ass.<br />
An ech wollt drop hiweisen - dat hunn ech immens<br />
interessant fonnt: Ech hunn en Artikel gesinn,<br />
d’lescht Woch am „Tageblatt“, vun der<br />
ACSAL, dat ass d’Agence pour la coopération<br />
scientifique Afrique-Luxembourg, déi elo muer<br />
an iwwermuer, mengen ech, och e Seminär<br />
hunn hei zu Lëtzebuerg. Wat einfach flott ass,<br />
dat si Fuerscher, Lëtzebuerger Fuerscher an afrikanesch<br />
Fuerscher aus der Diaspora, déi versichen,<br />
dass een och an der Fuerschung, duerch<br />
Fuerschung, duerch Technologietransfer kann<br />
hëllefen an Afrika bei der Entwécklung.<br />
An da wollt ech och nach... Ech hunn Iech och<br />
virdru gesot, dass mer an der Kommissioun<br />
ganz vill COM-Dokumenter, déi d’Kommissioun<br />
vu Bréissel schéckt, a SEC-Dokumenter,<br />
déi se eis schéckt, ënnert der Opsiicht vum Ben<br />
Fayot ëmmer ganz seriö duerchhuelen. An do<br />
war eent, do ass och eng Evaluatioun vu Lëtzebuerg,<br />
an déi ass jo relativ positiv. Ech fannen<br />
dat gutt. Mir gi gelueft, dass mer hëllefe bei<br />
der „domestic ressource mobilisation“, dat<br />
heescht, dass mer Programmer hunn, wou mer<br />
hëllefen, d’Douane, „judiciary“, d’Steierverwaltungen<br />
an den Entwécklungslänner, op verschiddene<br />
Kontinenter do hëllefen. Dat ass eng<br />
gutt Saach, dass mer och d’Promotioun maache<br />
vun de Prinzipië vun der „good governance“,<br />
an alles, wat de Volet „taxes“ ass. Dat<br />
ass ganz positiv.<br />
Ech hunn awer an deem Dokument och eng...<br />
An da gi mer och gelueft, dass mer verschidde<br />
Konventioune géint Korruptioun - Merida an<br />
esou weider -, dass mer iwwerall do matgemaach<br />
hunn. Et ass just eppes, wou ech wollt<br />
froen: Do schreiwe se och, wéi Lëtzebuerg<br />
d’Ratifikatioun oder d’„adherence“, also d’Adhérence<br />
zu internationale Konventiounen an<br />
Initia tiven iwwer Steieren ugeet. Do gëtt et<br />
dann zum Beispill „IMF Regional Technical Assistance<br />
Centres“ oder „International Tax Dialogue“,<br />
„International Tax Compact“, „African<br />
Tax Administration Forum“, do steet dann ëmmer<br />
„no“, „no“, „no“ hannendrun. Do si mer<br />
nach net derbäi. Ech wollt froen: Gëtt do dru<br />
geduecht, och do vläicht an deene Gremië méi<br />
aktiv matzemaachen?<br />
Da wollt ech eng lescht Remarque maachen,<br />
eng Fro stellen iwwert de Cap-Vert. Dir wësst,<br />
dat ass e <strong>La</strong>nd, dat mer besonnesch um Häerz<br />
läit a wou ech weess, dass d’Ministesch an och<br />
d’ganzt Lëtzebuerger Vollek an och d’Lëtzebuerger<br />
Politik vill Attachen huet zu deem<br />
<strong>La</strong>nd. Mir hu jo do ugefaange mat Appui-budgétaire-Programmer,<br />
an ech wollt froen, wéi<br />
Der do virukommt, ob déi Projeten Iech zefridde<br />
stellen an ob mer dat net nach weider<br />
mat engem <strong>La</strong>nd, wou mer esou déif a laang<br />
frëndschaftlech an och politesch Bezéiungen<br />
hunn, ob een do net nach kann drun denken,<br />
dat nach weider auszebauen.<br />
Dat gesot, wëll ech natierlech all deene Merci<br />
soen, déi nogelauschtert hunn. Ech wëll awer<br />
och all deene Leit, déi der Lëtzebuerger Kooperatioun<br />
um Terrain e Gesiicht ginn, déi an den<br />
ONGen, déi am Ministère, déi uechter d’Länner,<br />
wou mer schaffen, eis vertrieden, vun hei<br />
aus am Numm vun der LSAP villmools Merci<br />
soen.<br />
Merci!<br />
w Plusieurs voix.- Très bien!<br />
w Mme le Président.- Ech soen dem honorabelen<br />
Här Angel och Merci, an ech géif dann<br />
als nächstem Riedner dem honorabelen Här<br />
Braz d’Wuert ginn.<br />
w M. Félix Braz (déi gréng).- Merci, Madame<br />
Presidentin. Ech wëll fir d’Éischt zwee Mercië<br />
lassginn, deen éischten un d’Madame Ministesch<br />
an hir Mataarbechter fir déi flott Aart a<br />
Weis, wéi mer, zënter dass si dëse Ressort<br />
iwwer holl huet, mateneen diskutéiere kënnen,<br />
och an der Kommissioun, fir d’Disponibilitéit a<br />
besonnesch och de Rapport, deen all Joers gemaach<br />
gëtt, dee wierklech, wéi ech fannen, e<br />
virbildleche Rapport ass: komplett, detailléiert.<br />
Et mécht Spaass, deen ze hunn. An dofir e<br />
Merci!<br />
Merci awer och un d’ONGen, deeselwechte<br />
Luef verdéngen och d’ONGen an deem heite<br />
Beräich. Och déi leeschten e Bäitrag zu der Aarbecht<br />
vun der Kommissioun. Och déi leeën e<br />
Rapport op den Dësch, deen och ganz exhaus-<br />
12<br />
Séance 2 MeRcRedi, 12 OcTOBRe 2011<br />
www.chd.lu<br />
tiv an och léierräich ass, fir vläicht en anert<br />
Liicht och op d’Kooperatiounspolitik ze werfen.<br />
Ouni hiren Apport, mengen ech, wär d’Diskussioun<br />
eng aner. An déi zwee Rapporten zesummen<br />
erlaben eng anstänneg Diskussioun.<br />
Ech sinn och frou doriwwer, dass mer déi Diskussiounen<br />
hei an engem Dag féieren. Dat ass<br />
net ëmmer de Fall gewiescht, dass also direkt<br />
no der Interventioun vun der Ministesch d’Parlament<br />
kann drop reagéieren. Ech wäert dat<br />
och probéieren ze maachen, op dat anzegoen,<br />
wat Dir virginn hutt, an eis Meenung dozou<br />
soen.<br />
Wann een d’Haaptenjeue vun der Kooperatiounspolitik<br />
weltwäit kuckt an et considéréiert<br />
een dat, wat déi gréisst Ambitioun war an der<br />
weltwäiter Kooperatiounspolitik, nämlech<br />
d’„millennium goals“, da muss ee soen, dass<br />
déi weltwäit Kooperatiounspolitik kee Succès<br />
ass. D’„millennium goals“ sinn net erreecht.<br />
Am Contraire, den Trend geet souguer éischter<br />
erëm zréck!<br />
Den Honger an der Welt ass an de leschte Joren,<br />
no ufängleche Succèsen, nees leider an<br />
enger Courbe ascendante. Et muss een, an et<br />
kann een et net anescht soen, dass déi Efforten<br />
net zum Erfolleg gefouert hunn. Et ass eng dramatesch<br />
Feststellung, well directement do hannendru<br />
sech och Mënscheliewe befannen.<br />
An déi Satisfaktioun, déi ee gäre wéilt - grad<br />
aus Lëtzebuerger Vue - am Beräich vun der<br />
Kooperatiounspolitik äusseren, déi muss ee leider<br />
dämpfen a konstatéieren, dass se am<br />
Concert vun de groussen Natiounen op der<br />
Welt net dozou gefouert hunn, dass mer Succès<br />
hunn. Vill Länner hu sech engagéiert, déi<br />
0,7% vun hirem PIB an d’Entwécklungshëllef ze<br />
stiechen. Och do muss ee feststellen, dass d’Efforten<br />
net nëmmen net iwwerall agehale gi<br />
sinn - déi allermannst hu se agehalen -, schlëmmer<br />
ass, dass vill Länner souguer am Moment<br />
hiren Effort zréckgeschrauft hunn ënnert dem<br />
Afloss vun der Kris.<br />
Eppes, wat hei zu Lëtzebuerg net gemaach<br />
ginn ass. Hei ass nach virun de leschte Chamberswahlen<br />
eng Motioun eestëmmeg ugeholl<br />
ginn, deemools nach mam Accord vum ADR,<br />
dee jo zënterhier op Irrungen an Irrwegen op<br />
dësem Dossier ënnerwee ass. Mä zu Lëtzebuerg<br />
hu mer awer nach ëmmer eng ganz breet Ënnerstëtzung<br />
fir eng voluntaristesch Kooperatiounspolitik<br />
a fir den Effort net zréckzeschrauwen,<br />
am Géigendeel, fir en op engem héijen<br />
Niveau ronderëm 1%, also wäit méi wéi déi<br />
0,7%, ze halen. An dat ass och nach ëmmer<br />
d’Positioun vun der grénger Fraktioun haut.<br />
Mir wëllen, dass déi Effortë gemaach ginn! Et<br />
ass richteg, dass mer déi maachen!<br />
Madame Minister, an Ärer Interventioun hutt<br />
Dir eng Rei Hommagë gemaach an Dir hutt<br />
och eng Rei Satisfaktiounen ausgedréckt. Hommagen<br />
notamment u Lux-Dev, awer ech wéilt<br />
do ausdrécklech och gären eng ganz Rei ONGe<br />
mat abannen an dee Merci, déi wierklech eng<br />
exzellent Aarbecht maachen, an huelen da<br />
Lux-Dev stellvertriedend dann och fir all déi<br />
ONGen, déi mat hinne schaffen.<br />
Dir hutt och eng Rei Satisfaktiounen ausgedréckt.<br />
Dir hutt eng Rei Länner genannt, wou<br />
mer aktiv sinn a wou mer un enger Rei vu konkrete<br />
Projete kënne Succès vermellen, a mir<br />
schléissen eis där Satisfaktioun och gären un.<br />
Wat gutt ass, soll een och net schlechtrieden an<br />
zerrieden. Gutt gemaachen Aarbecht ass eng<br />
gutt gemaachen Aarbecht, an dobäi soll et<br />
bleiwen.<br />
Dir hutt awer, Madame Minister, net wierklech<br />
Iech mat de Problemer och beschäftegt, déi<br />
mer an der Kooperatioun hunn, oder mat de<br />
Saachen, déi vläicht manner gutt lafen. Ech<br />
wëll dat dofir an Ärer Plaz kuerz maachen, well<br />
et gëtt och Problemer an der Aide publique au<br />
développement.<br />
Éischte Punkt, dat ass deen, deen ech déi lescht<br />
Joren ëmmer nees opgeworf hunn, dat ass dee<br />
vun der Cohérence des politiques. Dat ass a<br />
bleift eng Schwieregkeet. Dat ass a bleift e Problem,<br />
en ongeléiste Problem. An Dir hutt an<br />
Ärer Interventioun och e bësse virgebaut, wou<br />
Der ënnerstrach hutt, dass fir eng ganz Rei Instrumenter<br />
zu Lëtzebuerg - ob dat elo den Aussenhandel<br />
ass oder d’Gestioun vum Kyoto-Fong<br />
oder d’Stéchwuert vun der Problematik vun de<br />
Flüchtlingen -, dass do aner Leit oder zumindest<br />
aner Departementer, bei deem enge Beispill,<br />
zumindest aner Departementer an aner<br />
Ministèrë responsabel wären. Dir hutt do wëlle<br />
virbaue fir de Reproche, dass net genuch géif<br />
am Beräich vun der Cohérence des politiques<br />
zesummegeschafft ginn.<br />
Ech muss trotzdeem dee Reproche maachen,<br />
och wann Der virgebaut hutt. Dat ass ee vun<br />
den ongeléiste Problemer zu Lëtzebuerg. Dir<br />
hutt och gesot, Dir géift schonn en vue vum<br />
Rapport d’nächst Joer vum Comité d’assistance<br />
au développement vun der OECD mat enger<br />
konstruktiver Spannung waarden.<br />
Ech muss soen als gréng Fraktioun, wann de<br />
CAD seng Aarbecht anstänneg mécht, dann<br />
dierft et zumindest op engem Punkt net terribel<br />
spannend sinn: Um Punkt vun der Cohérence<br />
des politiques misste mer nees eng Kéier - well<br />
et wär net fir d’Éischt - vum CAD kritiséiert<br />
ginn. Mir hunn do keng Fortschrëtter gemaach,<br />
iwwerhaapt keng par rapport zu hirem leschte<br />
Rapport, wou mer scho kritiséiert gi sinn. Dat<br />
ass a bleift a mengen Aen den Haaptschwaachpunkt.<br />
An ech erwähnen dat, Madame Minister,<br />
well an Ärem Projet de loi, deen Der am<br />
Moment an der zoustänneger Kommissioun an<br />
der Diskussioun hutt, sinn a mengen Ae keng<br />
Elementer dran, fir de Problem ze behiewen.<br />
D’Cohérence des politiques ass awer extrem<br />
wichteg. Well et mécht jo kee Sënn, dass mer<br />
mat enger Hand fir deiert Geld probéieren ze<br />
hëllefen op der Plaz a sënnvoll Projete realiséieren,<br />
a gläichzäiteg hei doheem de Problem<br />
weider verschäerfen - Stéchwuert Klimawandel,<br />
Stéchwuert Réchauffement climatique, CO2- Emissiounen. Et hëlleft net vill, wann ee mat<br />
Projeten op Plazen an der Welt, wou et wéineg<br />
Moyenë gëtt, probéiert ze hëllefen, fir CO2- Emissiounen ze spueren, wann op där anerer<br />
Säit mer hei zu Lëtzebuerg am Beräich vun der<br />
Mobilitéit oder vun der Industriepolitik justement<br />
de Contraire maachen.<br />
Mir suergen hei fir e Problem, net eleng bien<br />
entendu, mä och Lëtzebuerg suergt derfir, dass<br />
e Problem weltwäit geschafe gëtt, an engem<br />
Mooss, wat wäit iwwert dat erausgeet, wat mat<br />
der Kooperatiounspolitik op deenen anere Plazen<br />
an der Welt kann agespuert ginn. Dee Bilan<br />
ass a bleift extrem negativ. An dat mécht, wann<br />
een éierlech ass, net terribel Sënn.<br />
Et geet och nach méi wäit: Mir maache vun<br />
deene Projeten, déi mer weltwäit realiséieren,<br />
och net wierklech e Bilan vun hirem Impakt.<br />
Mir observéieren natierlech déi Projeten, mir<br />
hunn och e Suivi dovun an et gëtt och op verschidden<br />
Aart a Weise bilanzéiert, finanziell an<br />
och op aneren Aspekter. Den exakten Impakt,<br />
notamment fir d’Ëmwelt, d’Klimaproblematik,<br />
ass awer haut nach ëmmer näischt, wat seriö a<br />
kontinuéierlech géif bei all de Projeten analyséiert<br />
ginn. An dat ass an eisen Aen definitiv<br />
eppes, wat verbessert misst ginn.<br />
Dréi- an Aangelpunkt bei där Diskussioun ass<br />
awer och dee Comité interministériel pour la<br />
coopération au développement. Den CICD ass<br />
an de leschte Joren ëmmer nees an d’Kritik geroden,<br />
wann ee sech méi genee domadder beschäftegt.<br />
An déi ONGen, déi bei eis an der<br />
Kommissioun waren, hunn dat jo och gemaach.<br />
Si hunn zimlech genee observéiert, wat<br />
den CICD mécht. Si hunn och do scho mat de<br />
Virschléi sech presentéiert, wéi een et kéint verbesseren.<br />
A mir hunn an der Kommissioun<br />
héieren, wat de Bilan ass. En ass och do zimlech<br />
ernüchternd.<br />
Den CICD funktionéiert net. E funktionéiert net<br />
nëmmen net gutt, e funktionéiert praktesch<br />
net. Ech wëll de Bilan net schéirieden. Deen ass<br />
einfach net positiv, an dat ass a mengen Aen e<br />
ganz seriöe Problem. Ofgesi vun de Présencen<br />
oder den Netprésencen oder de wéinegen Aktivitéiten<br />
- et geet wierklech drëms, wéi strukturéiert<br />
deen CICD ze schaffen hätt an et bis haut<br />
eigentlech net mécht.<br />
Dobäi hätt e genuch Aarbecht. D’ONGen<br />
hunn, wéi gesot, schonn eng ganz Rei Virschléi<br />
jo och gemaach, mat deene sech den CICD<br />
sollt beschäftegen, ob dat ass am Beräich vun<br />
de Marchés publics, vun den CDMen, den<br />
„clean development mechanisms“, bei den<br />
Agrocarburanten, dem Fonds de compensation,<br />
wat jo och schonn op anere Plazen e<br />
wichtegt Thema war, an där Beispiller nach, do<br />
ass an eisen Aen eng dréngend Reform gebueden.<br />
D’Gesetz vun ‹96 huet op deem dote Punkt<br />
<strong>La</strong>cunen. Äre Projet de loi, Madame Minister,<br />
huet op deem dote Punkt leider keng Verbesserungen<br />
dran. Mir haten et schonn eng Kéier<br />
regrettéiert, dass mer eis net méi inspiréiert<br />
hunn um Projet de loi (veuillez lire: un der<br />
Proposition de loi) vun der Madame Err a vum<br />
Här Angel. Mir fannen als gréng Fraktioun dee<br />
Projet nach ëmmer…, déi Propositioun nach<br />
ëmmer ganz gutt.<br />
Mir hu bedauert, dass d’Regierung e Géigentext<br />
mécht, deen och manner wäit geet, dee<br />
wierklech an eisen Ae keng Reform duerstellt,<br />
dee kleng Punkten nëmmen upeekt. Dat geet<br />
an der Ambitioun an an der Envergure an eisen<br />
Aen net duer.<br />
Mir hätten et léiwer gesinn, wann d’Regierung<br />
d’Proposition de loi Err/Angel amendéiert hätt<br />
op deene Punkten, wou en net gutt ass, well<br />
mir halen deen Text nach ëmmer fir eng exzellent<br />
Basis fir en neit Kooperatiounsgesetz zu<br />
Lëtzebuerg. A mir ginn d’Hoffnung net op, dass<br />
mer an der Kommissioun an den nächste Wochen<br />
a Méint, wa mer driwwer diskutéieren,<br />
ënnert dem Stréch awer herno en Text wäerte<br />
kënne verabschieden, dee sech ganz enk un déi<br />
initial Propositioun vun der Madame Err an<br />
dem Här Angel kann uleeën. Deen Text ass<br />
nämlech an eisen Aen net schlecht.<br />
Dozou géif gehéieren, dass um Punkt vun dem<br />
CICD an deem dann neie Gesetz, wéi mir eis et<br />
virstellen, notamment um Punkt vun der Cohérence<br />
des politiques do wierklech eng Haaptroll<br />
géif an deem CICD do leien, fir e Suivi ze maachen,<br />
fir eng Evaluatioun ze maache vun de<br />
Projeten, fir eng wierklech Analys ze maachen<br />
iwwert den Impakt, den Impact développemental,<br />
awer net nëmmen, an dat wierklech an<br />
enger Logik vun engem Suivi an och do mat<br />
engem Rapport annuel.<br />
Well mir si jo bal iwwerall ëmmer mat enger<br />
gewëssener Kontinuitéit engagéiert, an dat ass<br />
jo och richteg. Da soll och dovunner e Suivi gemaach<br />
ginn, wat den Impakt betrëfft, an der<br />
Logik vun der Kohärenz. Net nëmme vun der<br />
isoléierter Kooperatioun, mä an der Logik vun<br />
der Kohärenz vun de Politiken. A mir mengen,<br />
dass déi richteg Plaz dofir den CICD wär.<br />
Dofir muss een net all d’Ministeren do um<br />
Dësch sëtzen hunn. De Statsrot huet jo e Virschlag<br />
gemaach, deen an déi Richtung geet.<br />
Dass bien entendu ënnert dem Stréch déi eenzel<br />
Ministere mussen d’Verantwortung dofir<br />
droen, dat ass kloer. Mä ech mengen net, dass<br />
et eng sënnvoll Iddi wär, fir déi doten Analys<br />
um Niveau vun de Ministere maachen ze loossen.<br />
Dat soll duerno vläicht do validéiert ginn,<br />
fir dass si och befaasst sinn domadder a sech<br />
responsabiliséiert spieren. Mä ech denken, am<br />
Alldag, wann déi Aarbecht soll seriö gemaach<br />
ginn, dann ass et vill Aarbecht, an da mussen<br />
och Leit kënnen zum Deel ofgestallt ginn, fir<br />
déi Aarbecht do ze maachen.<br />
Zu der Kohärenz gehéiert awer och, dass ee<br />
sech mat den Themen - Dir hutt se erwähnt,<br />
Madame Minister - beschäftegt vun der Efficacité<br />
de l’aide an der Efficacité du développement.<br />
Bei der Efficacité de l’aide, ech mengen, dat ass<br />
méi eng Effizienzfro, wou ee probéiert, mat<br />
esou mann wéi méiglech Moyenen esou vill<br />
wéi méiglech Resultater ze erreechen. Dass een<br />
d’Visiten op de richtege Minimum reduzéiert<br />
kritt, dass een eng besser Koordinatioun<br />
tëschent de Bailleurs de fonds organiséiert, an<br />
där Beispiller nach, dat ass haaptsächlech dee<br />
Volet.<br />
Wat an eisen Ae méi interessant ass, ass d’Efficacité<br />
du développement, dass een also kuckt,<br />
och do, no der Cohérence des politiques. Wat<br />
ass dat, wat reell als Impakt dobäi erauskënnt?<br />
An dass een och wierklech do zilorientéiert<br />
schafft an net e bësse wéi an deem Beispill<br />
ëmmer vun der Iechternacher Sprangprëssessioun,<br />
wou d’Richtung net ëmmer déiselwecht<br />
ass; dass een och eigentlech mat der Ambitioun<br />
schafft, méiglechst séier déi Hëllefe kënnen ofzeschafen.<br />
D’Zil vun der Hëllef vun der Kooperatioun ass<br />
jo, derfir ze suergen, dass een déi hoffentlech<br />
relativ séier nees kann astellen, well d’Leit eleng<br />
eens ginn, well een hinnen d’Moyenë ginn<br />
huet, fir an enger méi souveräner Approche<br />
kënne sech selwer ze hëllefen. Dat misst permanent<br />
mat auditéiert ginn. Si mer, bewege<br />
mer eis op engem Wee, wou mer „Hilfe zur<br />
Selbsthilfe“ leeschten, oder bewege mer eis op<br />
engem Wee, praktesch engem missionaresche<br />
Wee, wou een eigentlech ëmmer nëmmen<br />
d’Leit mat der Hand hëlt an d’Hand net dierf<br />
lassloossen? Wat dee falsche Wee wär! Dat<br />
muss och richteg a permanent auditéiert ginn.<br />
Dat huet mat Efficacité du développement ze<br />
dinn.<br />
Och mat Efficacité du développement huet et a<br />
mengen Aen ze dinn, wéi eng Stëmm Lëtzebuerg<br />
anhëlt an enger Rei internationale Gremien:<br />
FMI, OMC. Mir kënnen hei mat engem<br />
Prozent vun eisem PIB relativ - relativ - vill<br />
Moyenen débloquéieren. Mir kënnen och probéieren,<br />
déi méiglechst effikass an intelligent<br />
an ouni „hidden agenda“, contrairement zu villen<br />
anere Länner, unzebréngen. Wa mer awer<br />
gläichzäiteg keng kritesch Stëmm hunn an<br />
engem Gremium wéi dem Fonds monétaire<br />
international, wann do déi äermste Länner gerode<br />
kréien, all hir Taxes douanières ofzebauen,<br />
wou ee weess, dass dann déi Marchéë schutzlos<br />
ausgeliwwert sinn deenen, déi wierklech organiséiert<br />
Ekonomien hunn, wou déi Länner op<br />
e Gros vun hire Recettë verzichten!<br />
Déi Taxes douanières, domadder kréien d’Staten,<br />
d’Regierungen an deene Länner Moyenen<br />
zur Verfügung, fir kënne bestëmmte Politiken<br />
och ze finanzéieren, mat enger gewëssener<br />
Souveränitéit a mat enger Chance eben, sech<br />
ze entwéckelen.<br />
Dat wat geschitt um Niveau vum FMI, wann ee<br />
wëllt Sue kréien, dass ee muss en contrepartie -<br />
idealerweis, wann een e gudde Schüler wëllt<br />
sinn - all seng Taxes douanières ofbauen, do<br />
huet een déi Länner mëttellos gemaach a wehrlos<br />
gemaach. Dat muss een einfach esou gesinn!