You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
schriwwent Zil vun de Vereenten Natiounen<br />
iwwerschratt. Et gëtt am Moment nëmme fënnef<br />
Länner op der Welt, déi dëst erreecht hunn.<br />
Mat dësen Zuele kënnt eist <strong>La</strong>nd och op déi<br />
éischt Plaz vun de 27 Memberlänner vun der<br />
Unioun, an op der Weltranglëscht si mir op der<br />
zweeter Plaz mat Norwegen.<br />
Eist <strong>La</strong>nd investéiert also trotz schwieregen<br />
Zäite weiderhin an d‘Entwécklungshëllef. De<br />
grousse Konsens en faveur vun der Entwécklungshëllef<br />
an der Lëtzebuerger Gesellschaft<br />
huet dëse Projet all déi Joren iwwer gedroen.<br />
Nom Motto „d‘Haut ass mer méi no wéi<br />
d‘Hiem“ hëlt an der europäescher Moyenne<br />
d‘Wichtegkeet vun der Entwécklungshëllef of,<br />
wéi aus dem Eurobarometer vun 2010 erauskënnt.<br />
Am Géigendeel zu dësem Trend bekenne<br />
sech d‘Leit zu Lëtzebuerg zu eiser Entwécklungspolitik.<br />
Ëm déi 60% ongeféier halen<br />
d‘Entwécklungspolitik fir ganz wichteg.<br />
A mir, op jidde Fall d‘Demokratesch Partei, akzeptéieren<br />
net, dass een a Krisenzäite probéiert,<br />
d‘Entwécklungspolitik als Thema ze benotzen,<br />
fir ze soen: „Kuckt, mir hunn awer och aarm<br />
Leit hei am <strong>La</strong>nd an et muss een deenen hëllefen,<br />
an dat dote si Suen, déi mer nëmme just<br />
duerch d‘Fënster geheien an déi souwisou néierens<br />
ukommen.“ Esou Themen, esou pauschal<br />
Phrasë kënne mir net akzeptéieren! Mir sollen<br />
och wëssen, vu wou mir kommen. A mir waren<br />
och frou, wa Leit eis gehollef hunn, wa mir se<br />
gebraucht hunn!<br />
w Une voix.- Très bien!<br />
w M. Xavier Bettel (DP).- „Tout est au<br />
mieux dans le meilleur des mondes possibles“,<br />
sot Der Iech elo. Mä net ganz, well dës Zuele<br />
brauchen eng aner Approche wéi eng, déi sech<br />
erëm op de Montant, dee mer an d‘Entwécklungshëllef<br />
investéieren, bezitt. Geld eenzeg an<br />
eleng geet also net duer, et sinn och virun<br />
allem d‘Resultater, déi hei zielen. Wat bréngen<br />
also schlussendlech déi Milliounen, déi mer investéieren,<br />
fir deenen Äermste vun den Äermsten<br />
ze hëllefen?<br />
Här President, wat ech domadder mengen,<br />
wéilt ech gäre mat enger aktueller Katastroph<br />
verdäitlechen. Während e puer Wochen hunn<br />
eis ganz schlëmm Biller vun Hongerkatastrophen<br />
a Somalien erreecht. Kee vun eis ka bei<br />
esou Reportagen ewechkucken. Ëm déi zwielef<br />
Millioune Leit aus dem Horn vun Afrika riskéieren,<br />
virun den Ae vun der ganzer Welt ze stierwen.<br />
A wéi dacks bei esou dramatesche Situatiounen,<br />
sinn déi schwaachst vun hinnen<br />
d‘Kanner an d‘Fraen.<br />
Säit e puer Wochen awer mécht dës verzweifelt<br />
Situatioun net méi d‘Schlagzeile vun all den<br />
Zeitungen a vun de Journalen - vläicht kritt se e<br />
puer Zeile gewidmet -, well et aner Sujete gëtt,<br />
déi soi-disant méi wichteg sinn. Contrairement<br />
zu deem, wat een awer kéint mengen, geet<br />
den Horrorzeenario weider. Ëm 30.000 Kanner<br />
sinn eleng an dräi Méint ëm d‘Liewe komm!<br />
D‘Fro, déi mer eis elo musse stellen, ass déi, ob<br />
dës Katastrophen net hätte kënne verhënnert<br />
ginn. De Klimawandel huet sécher säin Deel<br />
dozou bäigedroen. Nach ni hat et an dëse Géigende<br />
schonn esou laang net méi gereent. Et<br />
gouf onméiglech, op dësem <strong>La</strong>nd eppes ze kultivéieren<br />
oder Déieren ze halen. Fakt ass awer<br />
och, dass déi éischt Livraisoun un Aide humanitaire<br />
séier um Terrain war, mä dass rebellesch<br />
Gruppe Problemer gemaach hunn.<br />
Sou schwéier et ass, sech dat anzegestoen, dass<br />
humanitär Katastrophe virauszegesi wieren: Si<br />
huet sech lues awer sécher entwéckelt virun<br />
den Ae vun der internationaler Communautéit,<br />
déi du gemaach huet, wéi wann dës zwielef<br />
Millioune Leit vun haut op muer am schlëmmste<br />
Misär géife liewen! Et ass awer keen Zoufall,<br />
dass am Horn vun Afrika grad déi Regiounen<br />
am schlëmmste betraff sinn, déi och scho virdrun<br />
déi äermst waren.<br />
Här President, och wa Lëtzebuerg elo keng direkt<br />
bilateral Kooperatioun mat Somalien huet,<br />
ass dëst awer eng Lektioun fir d‘Entwécklungshëllef<br />
am Allgemengen. Et geet och net duer,<br />
dass mir elo hei an och op anere Plazen erëm<br />
de Constat maachen, dass dat heiten ni méi<br />
dierf geschéien. Mä et muss ee sech och déi<br />
néideg Moyenë ginn, souwuel um aussepolitesche<br />
Plang wéi selbstverständlech och um entwécklungspolitesche<br />
Plang, mä awer och besonnesch<br />
um Plang vum Klimaschutz.<br />
Hei muss jo keen drun erënnert ginn, dass<br />
d‘Entwécklung vun engem <strong>La</strong>nd e laange Wee<br />
ass. <strong>La</strong>angfristeg Visiounen a global Projete<br />
mussen dofir ëmgesat ginn. Entwécklungshëllef<br />
muss - muss! - weider op nohalteg Projete<br />
setzen . Am Fall vum Horn vun Afrika kann een<br />
op e puer Facteuren hiweisen.<br />
10<br />
Séance 2 MeRcRedi, 12 OcTOBRe 2011<br />
www.chd.lu<br />
Zum Beispill muss een Deel vun der internationaler<br />
Hëllef, deen un d‘<strong>La</strong>ndwirtschaft geet,<br />
nees erweidert ginn. D‘Efforten an deem<br />
Domän si ganz staark zréckgaangen. An 30 Joer<br />
ass d‘international Hëllef an der <strong>La</strong>ndwirtschaft<br />
ëm 75% gekierzt ginn. Dat sinn alarmant Zuelen,<br />
wann ee weess, dass bal 80% an deem<br />
<strong>La</strong>nd vum Secteur vun der Agrikultur ofhängeg<br />
sinn. An a Somalien gëtt awer manner wéi 1%<br />
vun der Hëllef an d‘<strong>La</strong>ndwirtschaft - an an den<br />
Nopeschlänner sinn d‘Zuelen net vill besser -<br />
investéiert.<br />
Derbäi kënnt och nach d‘Éducatioun, wat awer<br />
ee vun deene wichtegste Piliere fir d‘Entwécklung<br />
vun engem <strong>La</strong>nd ass an déi net unzetreffen<br />
ass. En immens héijen Taux vun Natalitéit<br />
verschlëmmert déi scho verzweifelt Situatioun<br />
vu chronesch ënnerernierte Kanner. Et ass<br />
wouer, dass d‘Konditioune fir eng Éducatiounsa<br />
Gesondheetspolitik einfach net do sinn. En<br />
Usaz vu Strukturen an Institutiounen ass da<br />
meeschtens der Korruptioun verfall, a vun Demokratie<br />
brauche mer a verschiddene Länner<br />
guer net ze schwätzen.<br />
Mä och an dësen Domäne muss d‘international<br />
Communautéit duerchgräifen. Mir als kleng<br />
Lëtzebuerger hunn net déi Iwwerzeegungskraaft,<br />
fir do alles ze änneren. Ech wënschen<br />
der Madame Ministesch awer bonne Chance!<br />
Här President, d‘Aarmut an der Welt an och de<br />
Klimawandel, dee sécherlech d‘Konditiounen<br />
net verbessert, mussen am Kader vun enger<br />
nohalteger Entwécklung bekämpft ginn. Individuell,<br />
isoléiert a punktuell Projete sinn do net<br />
déi richteg Äntwert. Eng permanent Nees-<br />
Afrostellung an Upassung ass déi richteg Approche.<br />
Den Triptyque vun der Entwécklung,<br />
deen aus dem wirtschaftspoliteschen, sozialpoliteschen<br />
an ëmweltpoliteschen Element besteet,<br />
muss dobäi fest am A behale ginn. Dëst<br />
muss sech a kohärenten an effektive Projeten<br />
och dann erëmspigelen.<br />
Déi verschidde Ministèren, déi eng Roll an der<br />
Ëmsetzung vum Projet spillen, mussen zesummeschaffen.<br />
Nëmme wann déi jeeweileg Kompetenzen<br />
hiren Deel bäidroen, kënnen och<br />
komplett Projete presentéiert ginn.<br />
D‘DP huet zum Beispill an hirem Positiounspabeier<br />
op d‘Schafung vun enger Klimabank<br />
higewisen. Mir hu proposéiert, ze préiwen,<br />
awéifern och an der Entwécklungshëllef eng<br />
Klimabank eng Roll spille kann.<br />
w Plusieurs voix.- Très bien!<br />
w M. Xavier Bettel (DP).- Do gesinn ech<br />
sécherlech weider Opportunitéiten, déi ee weider<br />
verdéiwe soll.<br />
Ech wëll awer och hei de groussen Engagement<br />
vun deene Leit um Terrain wierklech ervirhiewen.<br />
D‘Aide humanitaire d‘urgence an de Katastrophefäll<br />
ass déi éischt Viraussetzung, fir<br />
weiderhin d‘<strong>La</strong>nd op de Wee vun der Entwécklung<br />
ze bréngen. D‘Lëtzebuerger Regierung<br />
huet eng finanziell Hëllef vun 3,5<br />
Milliounen Euro fir d‘Aide alimentaire am Horn<br />
vun Afrika virgesinn. Mä soubal déi akut Noutsituatioun<br />
behuewe ginn ass, mussen d‘Projeten<br />
d‘Relève huelen, fir do am <strong>La</strong>nd op Dauer<br />
weider Katastrophen évitéieren ze kënnen. Fir<br />
dëst Zil ze erreechen, muss d‘Kooperatioun<br />
héichwäerteg sinn, andeems d‘Projete kënne<br />
laangfristeg a global Resultater matbréngen.<br />
Här President, ech hu virdru vun der Qualitéit<br />
an der Entwécklungshëllef geschwat. D‘Aarbecht<br />
vum Cercle de coopération zur Effikassitéit<br />
vun der Hëllef verdéngt, hei och ugeschwat<br />
ze ginn. Duerch d‘Consultatioune bei<br />
sengen ONGen huet de Cercle en Dokument<br />
vun de Lignes directrices zesummegestallt. Dës<br />
Richtlinië sollen dozou bäidroen, d‘Lëtzebuerger<br />
Engagementer am Kader vun der OCDE an<br />
der Convention de Paris ze verbesseren.<br />
Bei där Konventioun, wéi hiren Numm et och<br />
schonn undeit, geet et haaptsächlech drëms, déi<br />
gemeinsam international Efforten zesummenzebréngen<br />
an dorauser eng kohärent an effikass<br />
Hëllef ze maachen. Den nächste Mount wäerten<br />
a Südkorea jo op deem véierte Forum iwwert<br />
d‘Effikassitéit vun der Hëllef d‘Mängel vun der<br />
Entwécklungshëllef beschwat ginn. Dobäi hoffen<br />
ech selbstverständlech, dass dës gutt Virsätz,<br />
op déi ech elo aginn, och kënnen ëmgesat ginn.<br />
Entwécklungs- a Kooperatiounshëllef soll aus<br />
équi tabelen a solidaresche Partenariate bestoen.<br />
D‘Bedierfnisser vun de Partnerlänner<br />
sollen identifizéiert ginn, Objektiver gesat an<br />
Evaluatiounen duerchgefouert ginn.<br />
Weiderhi läit jo och de Projet de loi um Dësch,<br />
deen d‘Gesetz vu ‚96 iwwert d‘Entwécklung reforméiere<br />
soll. Et gëtt och eng Proposition de<br />
loi jo vum Här Angel a vun der Madame Err.<br />
Dëst aalt Gesetz, also dëst 15 Joer aalt Gesetz<br />
soll elo vun engem Projet de loi complétéiert<br />
ginn, fir et der heiteger Realitéit unzepassen.<br />
D‘Action humanitaire géif doduerch och hir<br />
rechtlech Basis kréien, a verschidde Konditioune<br />
fir d‘Hëllef géifen och preziséiert ginn.<br />
Et soll awer och virun allem drëms goen, den<br />
nohaltege Charakter vun der Kooperatioun ze<br />
verbesseren. An deem Kontext deelt och d‘DP<br />
den Avis vum Statsrot, deen der Meenung ass,<br />
dass dëse Projet net wäit genuch geet. Mir hätten<br />
eis e méi ambitiéise Projet gewënscht, deen<br />
d‘Kritike vun der OCDE - d’„peer reviews“ - berücksichtegt.<br />
Deemno ass am Domän vun der<br />
Kohärenz vun der Hëllef nach en Effort ze maachen.<br />
Een interministerielle Comité sollt dëst<br />
behiewen. De Projet de loi huet dës Recommandatioun<br />
awer net berücksichtegt.<br />
Derbäi kënnt, dass verschidden Definitiounen<br />
net iwwerschafft goufen. Et gëtt och kee Wuert<br />
iwwert den Evaluatiounssystem vun der Entwécklungspolitik<br />
verluer. Och déi nei Roll vun<br />
de Gemengen an dëser Politik gouf net genuch<br />
analyséiert. Zu de Mandater, déi de Ministère<br />
un d‘Organisatioune wéi zum Beispill Lux-Dev<br />
gëtt an déi eng immens wichteg Roll an de bilaterale<br />
Projete spillen, äussert sech de Projet<br />
och net. Et ass wichteg, dass dëst héicht a komplett<br />
iwwerschaffte Gesetz virgeluecht gëtt.<br />
D‘Entwécklungshëllef ass eent vun deene wichtegsten<br />
Elementer vun eiser lëtzebuergescher<br />
Aussepolitik. A souguer déi traditionell Instrumenter<br />
vun enger Aussepolitik spillen do all<br />
eng grouss Roll. Do denken ech zum Beispill un<br />
d‘Arméi, déi am Kader vu Friddensmissioune<br />
vun de Vereenten Natiounen, wéi an Afghanistan,<br />
oder an der Europäescher Unioun am<br />
Kongo Viraussetzunge fir d‘Entwécklungshëllef<br />
schaaft.<br />
Här President, ëmmer nach am Zesummenhang<br />
vun der Qualitéit vun der Hëllef wëll ech<br />
nach zwou Approchen uschwätzen. A mengen<br />
Ae ginn dës nach vill ze mann berücksichtegt,<br />
obwuel een e positivt Resultat erwaarde kéint.<br />
Ouni elo déi eenzeg Form vun Hëllef ze sinn,<br />
ass d‘Aide budgétaire fir e Partnerland en<br />
éischte Schrëtt, fir d‘Versprieche vum Partenariat<br />
anzegoen. Encadréiert vu kloere Kritären,<br />
Rot a gesaten Ziler, soll dës Form vun Hëllef eist<br />
Partnerland responsabiliséieren. D‘Qualitéit vun<br />
der Entwécklungshëllef geet awer och iwwert<br />
d‘Upassung vun de Bedierfnisser vun engem<br />
<strong>La</strong>nd. Hei schwätzen ech vun den Exitstrategië<br />
fir d‘Länner, déi elo eleng hir Entwécklung droe<br />
kënnen. Och hei geet et net drëms, se eleng ze<br />
loossen. Dës Transitioun soll an Etappe geschéien,<br />
an et soll encadréiert esou gutt wéi<br />
méiglech gemaach ginn. Um gudde Wee an<br />
déi Richtung si Länner wéi de Vietnam, El Salvador<br />
oder Namibien. Hir Autonomie kéint als<br />
grouss Réussite fir de Projet vun der Entwécklungshëllef<br />
gëllen.<br />
Här President, niewent senge reng bilaterale<br />
Projeten engagéiert sech Lëtzebuerg an de<br />
groussen internationalen Organisatiounen. Vun<br />
den 303 Millioune vun der Aide publique au<br />
développement ginn ongeféier 36% un d‘multilateral<br />
Kooperatioun. D‘Vereenten Natiounen<br />
an op der zweeter Plaz d‘Europäesch Unioun<br />
zielen zu den zwou groussen Institutiounen,<br />
wou zesummegerechent e Véierel vun der Lëtzebuerger<br />
Aide hifléisst. A wéi ech och schonn<br />
am Ufank vun der Ried ervirgehuewen hunn,<br />
mécht eis Regierung do en exzellente Score.<br />
Mä nees hei: Wat bedeiten dës Zuelen, wann<br />
ee weess, dass a puncto Qualitéit och nach Verbesserunge<br />
kënne gemaach ginn? Oft ris kéieren<br />
déi verschidde Politiken, kontradiktoresch ze<br />
sinn. Entwécklungshëllef dierf net do als elengstoend<br />
Politik betruecht ginn. Et ass nëmmen<br />
duerch eng Zesummenaarbecht mat anere<br />
Politiken, wou déi bescht Resultater och kënnen<br />
erreecht ginn.<br />
Här President, d‘Lëtzebuerger Entwécklungshëllef<br />
ka sech op der ganzer Welt weise loossen.<br />
Konkret Resultater sinn opweisbar, a verschidde<br />
vun eise Partnerlänner kënnen elo scho<br />
quasi op eege Bee stoen. An och duerch eist<br />
Engagement an den internationalen Organisatiounen<br />
huet Lëtzebuerg bewisen, een internationalen<br />
Acteur kënnen ze sinn.<br />
Lëtzebuerg zielt zu deene wéinege Länner, déi<br />
de Prozentsaz vun der Aide publique au développement<br />
vun 0,7 erreecht hunn. An der Europäescher<br />
Unioun hunn eis 1,0% - nee, 1,09% -<br />
déi éischt Plaz verschaf. Esou ee virbildleche<br />
Schüler muss seng Positioun kënnen zu Notzen<br />
zéien. Si erlaabt eis, ee Leader a puncto Entwécklungshëllef<br />
ze sinn an esou aner Länner ze<br />
inspiréieren an ze beroden, fir esou séier wéi<br />
méiglech eisem Beispill ze follegen.<br />
Dobäi denken ech och nach un d‘Opportunitéit,<br />
déi e Sëtz am UNO-Sécherheetsrot kéint<br />
verschafen. Dëst wier eng eemoleg Geleeënheet,<br />
mat eiser Kooperatiounspolitik ee Moossstaf<br />
ze setzen. Dës erfollegräich Politik ass eent<br />
vun den Elementer, dat Lëtzebuerg zum glafwierdege<br />
Member vum UNO-Sécherheetsrot<br />
kéint maachen.<br />
Här President, d‘Zoustëmmung vun eise Bierger<br />
a puncto Kooperatiounspolitik, an dëst och a<br />
manner rosegen Zäiten, gëtt eis recht, mat<br />
dëser Politik weiderzefueren, mä et bréngt och<br />
eng Rëtsch vu Responsabilitéiten. Et wier naiv<br />
an och gelunn, wann ee géif soen, dass d‘Kooperatiounspolitik<br />
am Allgemengen op rengem<br />
Altruismus berout.<br />
Wa mir de Problem vun de Flüchtlingen hei zu<br />
Lëtzebuerg uschwätzen, ass et net, dass mir dës<br />
Leit net wëllen hei hunn. Et ass ganz kloer, dass<br />
politesch Réfugiéë mussen Asyl bei eis fanne<br />
kënnen. Et sinn déi wirtschaftlech Réfugiéiert,<br />
déi mir an eisem <strong>La</strong>nd net kënnen all ophuelen!<br />
Derbäi kënnt och, dass et meeschtens jonk Leit<br />
sinn, déi hiert <strong>La</strong>nd verloossen. Et sinn awer si,<br />
déi grad an hirem <strong>La</strong>nd gebraucht ginn, fir<br />
d‘<strong>La</strong>nd nees kënnen opzebauen!<br />
An deem Kontext wëll ech och op d‘Wichtegkeet<br />
vun der Entwécklungspolitik an eise Partnerlänner<br />
hiweisen. Mir kënnen hinnen eis<br />
gréissten Hëllef ubidden, andeem mir hinnen<br />
hëllefen, hiert eegent <strong>La</strong>nd ze entwéckelen.<br />
Ech begréissen och d‘Ukënnegung vun der Regierung,<br />
fir zesumme mat State wéi Serbien,<br />
wou aktuell déi meeschte Flüchtlingen hierkommen,<br />
ze kucken, wéi een dëse Flux ka<br />
bremsen an d‘Situatioun vun de Sinti a Roma a<br />
Serbien ka verbesseren. Sech eleng op dës Problematik<br />
ze beschränken, wier awer ze kuerzsichteg.<br />
Serbien ass en EU-Bäitrëttskandidat an<br />
e staarke regionalen ekonomeschen a politeschen<br />
Acteur. Et läit eiser Meenung no am<br />
Interessi vu béide Säiten, dass gutt ekonomesch<br />
Lienen tëschent béide Länner entstinn. Well<br />
d‘wirtschaftlech Entwécklung vun engem <strong>La</strong>nd<br />
ass nach ëmmer déi nohaltegst Form vun<br />
Hëllef , déi mir engem <strong>La</strong>nd kënnen ubidden.<br />
Esou „win-win-situations“ sollte mer an Zukunft<br />
nieft der klassescher Entwécklungshëllef méi oft<br />
sichen, fir a Schwellelänner aktiv ze ginn an dobäi<br />
zur wirtschaftlecher Entwécklung vum <strong>La</strong>nd<br />
bäizedroen. Beispiller wéi déi vun der Kooperatioun<br />
tëschent Lëtzebuerg an dem Vietnam um<br />
Niveau vun der Bourse sinn e gutt Beispill.<br />
Här President, Dir gesitt, dass d‘Entwécklungshëllef<br />
sech net eenzeg an eleng op déi Länner<br />
bezitt, déi eis de prime abord géifen als evident<br />
ervirschéngen. Ech hunn an dëser Ried probéiert,<br />
drop hinzeweisen, dass Entwécklungshëllef<br />
am 21. Jorhonnert sech net méi eenzeg<br />
an eleng drop limitéiert, deenen Äermste vun<br />
deenen Äermsten ënnert d‘Äerm ze gräifen.<br />
D‘Entwécklungshëllef ass eng global Erausfuerderung,<br />
déi souwuel eng op eenzel Länner<br />
bezunnen Approche verlaangt, wéi och eng<br />
global Approche verlaangt - zum Beispill Klimawandel.<br />
Et wier mer och wichteg - an dat hutt Der<br />
eraushéieren -, ganz staark op d‘Qualitéit vun<br />
der Entwécklungshëllef hinzeweisen, wou net<br />
nëmme mir, mä och déi Länner, déi sech an<br />
deem Domän engagéieren, nach grouss Effortë<br />
musse maachen.<br />
An deem Sënn soen ech Iech Merci, an Dir<br />
wësst, Madame Ministesch, dass Der op eis<br />
kënnt als faire Partner zielen, wann et drëms<br />
geet, deenen anere Leit ze hëllefen.<br />
w Plusieurs voix.- Très bien!<br />
w M. le Président.- Ech soen dem Här Bettel<br />
Merci. Als nächste Riedner ass den Här Marc<br />
Angel agedroen.<br />
w M. Marc Angel (LSAP).- Här President,<br />
Madame Ministesch, Dir Dammen an Dir<br />
Hären, ech wëll gläich am Ufank soen, wéi frou<br />
ech sinn, dass mer bei dësem Débat ëmmer<br />
d‘Diplomatinnen an d‘Diplomate vun eise Partnerlänner<br />
hei am Sall hunn. Ech mengen, dat<br />
ass e Bewäis derfir, dass si déi Aarbecht wierdegen,<br />
déi net nëmmen d‘Regierung mécht,<br />
mä och, dass se gesinn, dass d‘Chamber e<br />
wichtege Partner ass an der Entwécklungshëllef.<br />
Dat honoréiert eis, an ech soen hinne<br />
villmools Merci, dass se hei sinn. An ech wollt<br />
Iech, Här President, Merci soen, dass Der keng<br />
Käschte scheit, fir och eng Interpretatioun ze<br />
hunn, dass och d’Diplomaten dës Rieden op<br />
Franséisch iwwersat kréien.<br />
(Mme Lydie Polfer prend la présidence.)<br />
Ech si frou, dass mer déi Ried iwwert d‘Entwécklungszesummenaarbecht<br />
elo dëst Joer am Oktober<br />
halen. Ech mengen, dat war eng laang<br />
Demande vun der LSAP-Fraktioun, well mer<br />
ëmmer d‘Gefill haten, dass déi Ried ëmmer méi<br />
zu enger Formsaach ginn ass, déi weder no<br />
baussen nach op d‘Politik vun der Regierung<br />
vill Impakt hat.<br />
Zum Deel hat dat domat ze dinn, dass mer eis<br />
an deene leschte Jore bei dësem Débat op de<br />
Rapport annuel vum virleschte Joer ëmmer<br />
bezunn hunn. Hätte mer wéi soss d‘Kooperatiounsried<br />
dëst Joer, wéi all déi Jore virdrun,<br />
am Mäerz gehalen, hätte mer als leschte<br />
Jores bericht dee vun 2009 virleie gehat. Dat<br />
mécht an eisen Aen net vill Sënn. Et geet jo<br />
awer och drëm, e Lien hierzestellen tëschent<br />
deem, wat bis elo gemaach gouf, an der<br />
Ausriichtung vun der Politik an de kommende<br />
Joren a Méint.