Create successful ePaper yourself
Turn your PDF publications into a flip-book with our unique Google optimized e-Paper software.
programmatesch, politesch oder och nëmme<br />
statistesch, datt kee ka realistesch unhuelen,<br />
datt och nëmmen eng Chance besteet, fir déi<br />
Ziler iwwerhaapt ze erreechen. E gutt Beispill<br />
heifir sinn d‘„millennium development goals“.<br />
Si gi mat Sécherheet net bis 2015 erreecht. Jo,<br />
si kënnen iwwerhaapt net erreecht ginn! Déi<br />
Fro, ob déi Ziler iwwerhaapt sënnvoll definéiert<br />
goufen, stellt awer bal keen.<br />
Mir bei der ADR géifen eis awer wënschen,<br />
datt, ier mir drun denken, fir eis Efforten nach<br />
ze verstäerken, virun allem och emol d‘Effortë<br />
vun deene Länner, wou d‘Hëllef higeet, verstäerkt<br />
ginn. Zur Illustratioun hei just een Zitat<br />
vum Begrënner vun der Cap Anamur - also net<br />
vun der ADR: „Die Entwicklungshilfe der vergangenen<br />
Jahrzehnte hat keine positive Wirkung<br />
gehabt, sie hat im Gegenteil die Ineffizienz<br />
und Korruption meistens gefördert, korrupte<br />
Machthaber finanziert und stabilisiert<br />
und damit eine negative Wirkung auf Afrikas<br />
Entwicklung ausgeübt. Das System der Entwicklungshilfe<br />
hat es den Regierungen ermöglicht,<br />
politische, soziale und wirtschaftliche Reformen<br />
zu unterlassen, Armut und Not zu festigen und<br />
die Mehrung eigener Macht und persönlichen<br />
Reichtums zu betreiben.“<br />
Dat ass vläicht och fir eis eng Iddi ze vill kategoresch<br />
formuléiert, awer ganz sécher net<br />
falsch. Jiddefalls awer ass déi do Kritik méi wéi<br />
eng Iwwerleeung wäert.<br />
A wa mer schonns vun der Korruptioun schwätzen,<br />
da si mer och scho beim Thema vun der<br />
Budgetshëllef, Madame Minister. Dat ass en interessante<br />
Sujet. An ech wëll mat engem<br />
Auszuch aus engem Interview vum „Lëtzebuerger<br />
Wort“ ufänken, deen d‘Madame Jacobs de<br />
15. September ginn huet. D‘Fro vun der Journalistin:<br />
„Frankreich wird im Augenblick von<br />
einem Skandal erschüttert. Wie es heißt, sollen<br />
Gelder aus verschiedenen afrikanischen Ländern<br />
direkt in die Taschen einiger Politiker geflossen<br />
sein. Wäre ein solcher Fall in Luxemburg<br />
denkbar?“ D‘Madame Jacobs äntwert: „Luxemburg<br />
hat sich immer geweigert, direkte Haushaltshilfe<br />
zu leisten. Wir geben kein Geld an die<br />
Regierungen. All unsere Mittel sind unmittelbar<br />
an Projekte gebunden. Das heißt, die Gelder<br />
kommen dort an, wo sie auch gebraucht werden.“<br />
Haut hutt Der awer hei de Contraire gesot. Dir<br />
hutt jo gesot: „Mir taaschten eis virsiichteg<br />
erun un déi Saach.“ An an eiser Kommissiounssitzung,<br />
Madame Jacobs, hat Der nach ganz<br />
anescht geschwat, well do hat Der gesot, Lëtzebuerg<br />
géif zënter enger gewëssener Zäit och<br />
Budgetshëllef ginn. Dat ass anescht wéi dat,<br />
wat Der den Zeitungen erzielt a wat Der hei sot<br />
an an der Kommissiounssitzung.<br />
Also, boert Geld an de Budget oder d‘Fonge vu<br />
verschiddene Länner, an zwar jiddefalls emol<br />
un de Cap-Vert. Do hu mer dat jo gemaach.<br />
Natierlech soll dat Geld u gewëssen Zwecker<br />
gebonne sinn - Dir hutt gesot: d’Beruffsausbildung<br />
- an natierlech soll d‘Utilisatioun vun<br />
deene Mëttelen och duerch e gemëschtene<br />
Grupp kontrolléiert ginn.<br />
Dir sot an der Kommissioun, wann ech mech<br />
richteg erënneren, datt d‘Erfahrung awer gewisen<br />
hätt, ech zitéieren: „datt een net soll verstäerkt<br />
op dee Wee goen“ - Enn Zitat -, an datt<br />
Dir, och wann ech mech richteg erënneren, Ënnerstëtzung<br />
fir dédiéiert extrabudgetär Fonge<br />
géift ginn, zum Beispill am Gesondheetssecteur<br />
an Nicaragua, an dann nach en Appui sectoriel<br />
am Statsbudget an anere Länner, mat engem<br />
Mécanisme de suivi. Wat also ass wouer, Madame<br />
Jacobs? Vläicht kéint Dir eis dat dann<br />
haut erklären.<br />
Den Här Neudeck - fir deen nach eng Kéier ze<br />
zitéieren - sot iwwregens zu dem Thema Budgetshëllef:<br />
„Das soll dem Prinzip der Ownership<br />
und der Verantwortung des Empfängerlandes<br />
am besten entsprechen. Aber dafür muss ein<br />
<strong>La</strong>nd eine wirklich nicht korrupte Führung und<br />
Finanzverwaltung haben, was in den wenigsten<br />
Ländern der Fall ist. Stattdessen werden damit<br />
Korruption und Unterschlagung erleichtert.“<br />
Iwwert d‘Kontrollméiglechkeete sollte mir eis<br />
net ze vill Illusioune maachen, et sief dann, mir<br />
huelen déi Fiduciaire, déi och bei ProActif esou<br />
gutt geschafft huet.<br />
(Hilarité)<br />
Mä loosse mir just emol méi e kritesche Bléck<br />
op e puer vun eise Partnerlänner werfen, andeem<br />
mir eis hiren net esou terribel respektable<br />
Ranking am international percevéierte Korruptiounsindex<br />
vun Transparency international<br />
ukucken. Cap-Vert: 45, Senegal: 105, Mali:<br />
116, Niger: 123, Burkina Faso: 98, El Salvador:<br />
73, Nicaragua: 127, <strong>La</strong>os: 154 a Vietnam: 116.<br />
14<br />
Séance 2 MeRcRedi, 12 OcTOBRe 2011<br />
www.chd.lu<br />
Här President, mir gi gär zou, datt deen Index<br />
vun Transparency international selwer an héijem<br />
Mooss kritikabel ass, mä hei ass de Message<br />
awer kloer: Mir gi Lëtzebuerger Steiersuen<br />
op Plazen, wou d‘Kontroll eng reng Illusioun<br />
ass. D‘Madame Jacobs kann eis vläicht herno<br />
detailléiert opzielen, wéi vill Geld vum Lëtzebuerger<br />
Steierbezueler schonn iwwert de Wee<br />
vun esou Budgetshëllef duerch de Kamäin<br />
gaangen ass. Mat deem Geld hätt een och do<br />
op der Plaz oder och hei am <strong>La</strong>nd ganz sécher<br />
vill méi Sënnvolles kënne maachen!<br />
Loosst mech kloer soen: Wann d’ADR och mat<br />
konkrete Projeten am Déngscht vun der Populatioun,<br />
vun deenen aarme Leit, selbstverständlech<br />
ënner strenge Konditiounen a mat enger onofhängeger<br />
Kontroll, kann d’accord sinn, dann<br />
awer ganz sécher net mat esou enger Budgetshëllef.<br />
Mir hunn zum Beispill eng Budgetshëllef<br />
un de Cap-Vert ginn - Nummer 45 am Korruptiounsindex<br />
-, an e sougenannte Groupe technique<br />
soll dann elo kucken, wou dat Geld<br />
hikomm ass. Mir wënschen hinne vill Gléck. Et<br />
ass et bëssen d’„Jäger des verlorenen Schatzes“.<br />
D’Madame Jacobs mengt, esou sot si an enger<br />
Kommissiounssitzung, datt d’Budgetshëllef och<br />
soll dozou déngen, datt déi Leit solle léieren,<br />
mat Suen ëmzegoen. Also, gemengt sinn déi<br />
Länner, wou mer d’Suen higinn. Mä, Madame<br />
Minister, dann awer wann ech gelift net mat de<br />
Sue vum Lëtzebuerger Steierbezueler. Dir sidd<br />
jo net an der Regierung, fir Monopoly mat eise<br />
Suen ze spillen!<br />
(Interruption)<br />
Här President, loosst mech vläicht och soen,<br />
datt vill vun eise Partnerlänner och nach genuch<br />
Sue rescht hunn, fir sech en anstännege<br />
Militärbudget ze leeschten. De Senegal: ronn<br />
100 Milliarden CFA am Joer 2010, de Cap-Vert<br />
713 Milliounen Dollar, de Mali 87 Milliarden<br />
CFA, an esou virun. Dat sinn d‘Donnéeë vum<br />
SIPRI. Natierlech sinn esou Zuele schwéier mateneen<br />
ze vergläichen, mä mir däerfen eis jo<br />
awer och froen, ob déi Länner, deene mir hëllefen<br />
a wou mir Suen hischécken, och zum Deel<br />
mat direkter Budgetshëllef, wéi Der elo wësst,<br />
mat hiren eegene Suen ëmmer vernünfteg<br />
genuch ëmginn an ob si déi richteg Prioritéite<br />
setzen.<br />
Här President, vill Jore laang krute mir d‘Virdeeler<br />
vun der Mikrofinanz opgezielt, besonnesch -<br />
esou huet et geheescht - fir d‘Fraen ze stäerken.<br />
Eis gouf hei erzielt, mat deem plakative Sexismus,<br />
deen dee moderne politeschen Discours<br />
kennzeechent, datt d‘Männer systematesch<br />
géifen d‘Sue versaufen an d‘Frae géife sech ëmmer<br />
virbildlech ëm alles këmmeren. Dont acte.<br />
D‘Madame Jacobs huet zum Beispill enger Organisatioun<br />
mam Numm „Women‘s World<br />
Banking“ zwou Milliounen Euro gi fir Mikrofinanzprojeten,<br />
an dat och nach zu engem Zäitpunkt,<br />
wou erauskoum, datt an Indien am Uttar<br />
Pradesh mat Mikrofinanzgelder Televisioune<br />
kaaft goufen.<br />
D‘Realitéit am Beräich vun der Mikrofinanz<br />
stellt eis awer virun eng ganz Rei vu Froen, well<br />
de Mëssbrauch an d‘Gefore vun de Mikrokreditter<br />
sinn op enger ganzer Rei vu Plazen dokumentéiert<br />
ginn. Am Dezember 2010 huet<br />
Norwegen - an dat si jo och där Gudder - eng<br />
Rei vun Enquêtë géint d‘Grameen Bank vum<br />
Professer Muhammad Yunus opgemaach. De<br />
Minister Erik Solheim sot: „It is totally unacceptable<br />
that aid is used for other purposes than<br />
intended.“<br />
En Documentaire op der norwegescher Televisioun<br />
huet etabléiert, datt ëmmer méi Leit<br />
duerch Mikrokreditter a Bangladesch, Indien a<br />
Mexiko an eng schwéier Scholdesituatioun<br />
gerode sinn. De Journalist sot op der BBC:<br />
„I found out that poor people are getting into<br />
more an more debt because of micro-credit<br />
loans.“<br />
Den „Spiegel“ schreift am Mäerz 2011: „So<br />
habe die Grameen Bank zweckgebundene Entwicklungsgelder<br />
aus Norwegen, Deutschland,<br />
den Niederlanden, Schweden und aus den USA<br />
ohne Wissen der Geber in andere Projekte gesteckt.“<br />
Do stelle mir eis natierlech Froen: Sinn<br />
eventuell och Suen aus Lëtzebuerg an déi Bank<br />
gefloss? A wa jo, ass kontrolléiert ginn, wat mat<br />
deem Geld geschitt ass?<br />
Trotz alle Problemer, loosse mer hei festhalen:<br />
Alles dat sinn Initiativen, iwwert déi ee kann<br />
nodenken, déi een eventuell och kann ënnerstëtzen,<br />
wa wierklech garantéiert ass, datt esou<br />
Initiative seriö sinn, datt si de Leit, de Leit alleguer<br />
- de Leit alleguer, Madame Jacobs! - konkret<br />
hëllefen an datt se net nei Aarmut verursaachen.<br />
Ob et awer un eis ass, fir anere Länner mat<br />
anere Kulturen an aneren Traditiounen no westleche<br />
Moossstief wëlle gesellschaftlech Reformen<br />
opzedrängen an e sougenannten „society<br />
building“ ze maachen, ass awer eng ganz komplizéiert<br />
Fro, déi och eng ganz Rei ethesch<br />
Aspekter huet.<br />
D’ADR plädéiert jiddefalls géint eng westlech<br />
kolonialistesch Mentalitéit an der Entwécklungshëllef,<br />
a fir de Respekt virun de Mënschen<br />
an hire Kulturen an deem materiell manner<br />
räichen Deel vun der Welt.<br />
Niewent enger ethescher Fro ass et och eng<br />
politesch a strategesch. Aner Länner, déi ouni<br />
vill Préconditioune grouss Infrastrukturen an<br />
Afrika bauen, kréien do Afloss, Muecht a Buedemräichtum,<br />
vun deem mir eis vläicht privéieren.<br />
Och dat ass eng Fro vu Kohärenz an<br />
der Entwécklungspolitik, an zwar eng besonnesch<br />
wichteg: Muss d’Entwécklungshëllef net<br />
och, a vläicht fir d’Alleréischt, am Déngscht vun<br />
eise baussepoliteschen, ekonomeschen a kommerziellen<br />
Interesse stoen? Ass et net nëmmen<br />
esou, wéi dat villt Geld, wat mir do ausginn, ka<br />
virun dem Steierbezueler justifiéiert ginn? Firwat<br />
ass haut den Här Krecké net och hei?<br />
Et ass och eng politesch Fro, ob grad mir Lëtzebuerger<br />
méi gescheit an der Entwécklungs hëllef<br />
si wéi aner europäesch Natiounen. Wa Länner<br />
wéi Schweden sech aus Partnerstaten zréckzéien,<br />
well si der Meenung sinn, datt déi Länner<br />
d’Konditioune fir d’Entwécklungshëllef net<br />
méi erfëllen, wéi zum Beispill am Vietnam, firwat<br />
solle mir da grad dohi goen? Eise Bäitrag<br />
fir esou Länner soll net e PIC de consolidation<br />
sinn, mä et gudden Handelsvertrag an eng Missioun<br />
vum Commerce extérieur, zum Beispill zu<br />
Hanoi oder zu Saigon.<br />
Sécher gëtt et nach vill Aarmut an deene Länner,<br />
mä dorëm soll sech déi lokal Regierung<br />
këmmeren; ëmmerhin ass et jo am Vietnam<br />
och eng kommunistesch. Ähnlech Iwwerleeunge<br />
gëlle fir de <strong>La</strong>os, wou och eis Benelux-<br />
Partner sech bal ganz zréckgezunn hunn. Natierlech<br />
solle mir deene Länner weider hëllefen,<br />
zum Beispill doduerch, datt mir hirer Leit op<br />
eiser Uni, op der School of Finance oder an der<br />
Hotelschoul ophuelen. Mä mir mussen awer<br />
och wëssen, wéini et endlech un der Zäit ass,<br />
fir Entwécklungshëllefpartnerschaften definitiv<br />
op en Enn ze bréngen.<br />
D’ADR hat hei schonn an der Vergaangenheet<br />
kritiséiert, datt mir am <strong>La</strong>os e Spidol op eng<br />
falsch Plaz gesat hunn. Eis Press huet dat net<br />
opgegraff, an ausser der ADR schéngt kee Politiker<br />
sech Froen iwwert d’Verschwendung vun<br />
eise Steiergelder fir schlecht geplangte Projeten<br />
an der Entwécklungshëllef ze stellen. A leider<br />
iwwerhëlt keen déi politesch Verantwortung fir<br />
esou Saachen.<br />
Mir recommandéieren awer d’Lecture vun esou<br />
Artikelen, wéi dee vum Här Jos Spartz vum<br />
Oktober 2010 mam Titel: «Gaspillage irresponsable<br />
de notre aide publique au développement»,<br />
wou hien ënner anerem kritiséiert,<br />
datt mir ze vill Projeten an ze ville Länner hunn,<br />
ze vill Frais de fonctionnement, vill falsch Projeten,<br />
notamment am <strong>La</strong>os, keng onofhängeg<br />
Evaluatioun vun de Projeten an esou virun.<br />
D’ADR stellt och fest, datt een an deem Rapport<br />
vum Ministère… - dee jo net duerch seng<br />
Transparenz a seng Objektivitéit glänzt, mä<br />
éischter duerch de Pabeier, op deem e gedréckt<br />
gouf -, datt mir mat deene Suen aus der Entwécklungshëllef<br />
dozou bäidroen, d’Paie vu<br />
70.000 Fonctionnairen an de besate palästinenseschen<br />
Territoiren ze bezuelen. Dat sinn der<br />
dräimol méi wéi Lëtzebuerg der huet, Madame<br />
Jacobs.<br />
Här President, d’Madame Minister huet jo och<br />
eng grouss Gender-Dimensioun an hirer Politik,<br />
woumat si awer konkret d’Fraerechter mengt.<br />
Vläicht ka si eis och eemol soen, wou si sech a<br />
leschter Zäit fir Männer agesat hätt, zum Beispill<br />
fir Sklavenaarbechter oder Kannerzaldoten,<br />
déi jo zu iwwer 95% Jonge sinn.<br />
Mä wat sinn am Kontext vun eisem Thema vun<br />
haut Fraerechter? Prinzipiell a ganz selbstverständlech<br />
si mir all heibannen d’accord, datt<br />
mir d’Gesondheet vun der Mamm a vum Kand<br />
während der Schwangerschaft an duerno<br />
musse schützen. Datt dofir Mëttele vun der<br />
Entwécklungshëllef gebraucht ginn, fënnt bestëmmt<br />
och eisen eestëmmegen Accord. Awer<br />
bei der Ofdreiwung gëtt et op d’mannst eng<br />
Géigestëmm, an zwar meng!<br />
Dofir d’Fro: Wat genee mengt d’Regierung mat<br />
esou engem Wuert wéi „Santé reproductive“<br />
vun de Fraen? Heescht dat fir si vläicht och<br />
Ofdreiwung? D’Fro ass berechtegt, well déi kathoulesch<br />
Noriichtenagentur „kath.net“ huet<br />
de 6. August 2011 en Artikel publizéiert ënnert<br />
dem Titel: „Europäische UN-Delegationen setzen<br />
<strong>La</strong>teinamerika unter Druck“, an deem et<br />
housch: „Luxemburg drängt El Salvador, den<br />
Zugang für Frauen zu Rechten und Einrichtungen<br />
sexueller und reproduktiver Gesundheit zu<br />
verbessern.“<br />
Doropshin hat ech eng parlamentaresch Fro<br />
gestallt, an an hirer Äntwert huet d’Madame<br />
Minister gesot, datt Lëtzebuerg de Sujet géif<br />
thematiséieren a Fäll, wou d’Liewe vun der<br />
Mamm a Gefor wär. Domadder kann och meng<br />
Partei selbstverständlech d’accord sinn, well hei<br />
ass ee Liewen, dat muss geschützt ginn, eventuell<br />
op d‘Käschte vun engem anere Liewen.<br />
Trotzdeem, d‘Madame Minister huet och zouginn,<br />
datt Lëtzebuerg El Salvador recommandéiert<br />
hat, fir «améliorer l‘accès des femmes<br />
aux services de santé sexuelle et génétique ainsi<br />
que l‘exercice de leurs droits dans ce domaine».<br />
Do kann ee sech awer nees Froe stellen. Wat<br />
heescht hei „santé génétique“ an der Madame<br />
Jacobs hiren Aen? Dat ass jo jiddefalls...<br />
Ech wollt just soen, Här President, wou Dir fort<br />
waart hat ech eng länger Fro an d‘Madame<br />
Polfer, déi deen Abléck presidéiert huet, hat<br />
mer versprach, si géif dat considéréieren.<br />
w M. le Président.- Et sinn 20 Sekonnen, déi<br />
Der bäikritt.<br />
w M. Fernand Kartheiser (ADR).- Jo, Merci.<br />
Dat ass ganz generéis, Här President. D‘Leit doheem<br />
kënnen dat och nomoossen.<br />
Do kann ee sech awer nees Froe stellen. Dat ass<br />
jo jiddefalls medezinesch net datselwecht wéi<br />
eng liewensbedrohlech gesondheetlech Situatioun<br />
fir d‘Kand. Wann een dofir plädéiert, wéi<br />
eis Regierung dat ze maache schéngt, opgrond<br />
vu genetesche Kritären - also „santé génétique“<br />
- Liewen ze selektionéieren, da kann ee jo och<br />
Situatioune favoriséieren, wou - och dat sief hei<br />
gesot - Kanner zum Beispill en fonction vun hirem<br />
Geschlecht kënnen ofgedriwwe ginn. Oder<br />
wéi eng genetesch Selektioun ass erlaabt a wéi<br />
eng net? Kënnen an den Ae vun eiser Regierung<br />
Kanner mat bestëmmte Krankheeten<br />
ofgedriwwe ginn?<br />
Ech muss Iech soen, datt ech als Katholik strikt<br />
refuséieren, eng genetesch Selektioun vu<br />
Liewen iwwerhaapt an d‘Aen ze faassen. An<br />
eng Ministesch, déi fir eng anscheinend<br />
chrëschtlech Partei an der Regierung sëtzt,<br />
kann eis hei ganz sécher e puer interessant Informatioune<br />
ginn.<br />
(Interruption)<br />
Här President, eng weider Fro, déi sech stellt,<br />
ass déi, wéi ee politesche Stellewäert mir de bilaterale<br />
Relatioune mat eise Partnerlänner ginn.<br />
Et ass eis opgefall, datt, wou de Cap-Vert de<br />
35. Gebuertsdag vu senger Onofhängegkeet<br />
gefeiert huet, Lëtzebuerg duerch d‘Madame<br />
Minister fir Entwécklungshëllef vertruede war.<br />
Dat ass an eisen Aen net déi richteg Décisioun.<br />
Fir esou feierlech politesch Zeremonië soll Lëtzebuerg<br />
duerch säi Bausseminister vertruede<br />
sinn.<br />
Här President, Dir Dammen an Dir Hären, ech<br />
wéilt - an do, fir Är 20 Sekonnen optimal ze<br />
notzen, sidd Der bestëmmt d‘accord - der Madame<br />
Minister och e Luef ausschwätzen.<br />
(Brouhaha)<br />
Elo kréien ech der bestëmmt nach méi.<br />
De Projet „emergency.lu“, Madame Minister,<br />
deen zesumme vum Stat a vu privaten Entreprisen<br />
op d‘Bee gesat gouf, deen huet och eis voll<br />
Ënnerstëtzung. Mir hoffen, datt dës Infrastruktur<br />
kann dozou bäidroen, ville Leit an Nout eng<br />
séier an effikass Hëllef zoukommen ze loossen.<br />
Ech soen Iech Merci - no 20 Minutten, 26<br />
Sekonnen -, villmools Merci, Här President.<br />
w M. le Président.- Merci, Här Kartheiser. Als<br />
nächste Riedner ass den Här André Hoffmann<br />
agedroen. Här Hoffmann, Dir hutt d‘Wuert.<br />
w M. André Hoffmann (déi Lénk).- Här President,<br />
léif Kolleeginnen a Kolleegen, ech hoffen,<br />
dass ech och e puer Froe gestallt kréien<br />
zwëschenduerch,...<br />
(Hilarité)<br />
...fir meng Zäit ze verlängeren.<br />
Ech wëll zréckkommen op d‘Fro vun der Kohärenz,<br />
well dat ass fir mech eng entscheedend<br />
Fro an der Fro vun der Entwécklungspolitik. Dat<br />
heescht, d‘Fro, ob déi verschidde Politiken an<br />
deene verschiddene Beräicher mat den Ziler<br />
vun der Entwécklungspolitik vereinbar sinn, se<br />
souguer ënnerstëtzen, oder awer am Contraire<br />
deenen Ziler widderspriechen.<br />
Déi Fro gëllt net nëmme fir d‘Politiken am enke<br />
Sënn vum Wuert. Déi Fro gëllt och vill méi allgemeng<br />
fir eise Wirtschaftssystem, fir eis europäesch<br />
Agrarpolitik, fir eis Handelsbezéiungen<br />
an iwwerhaapt ganz allgemeng fir eise Gesellschaftsmodell.<br />
An déi Froe stelle sech souwuel<br />
um nationale Plang wéi och um europäesche<br />
Plang wéi och, wéi den Här Braz et ganz richteg<br />
ervirgehuewen huet, um Niveau vun den<br />
internationalen Institutiounen, wou mir Member<br />
sinn a wou mer eis mussen d‘Fro stellen, ob<br />
d‘Politik vum Weltwährungsfong oder vun der<br />
Weltbank kompatibel ass mat den Ziler vun der<br />
Entwécklungspolitik.<br />
Awer wann een no Äntwerten op déi Froe vun<br />
der Kohärenz sicht, da stéisst een direkt emol<br />
op eng äusserst mangelhaft Transparenz. E Beispill:<br />
A wéi engem Ausmooss dass eis Finanzplaz<br />
implizéiert ass a Steierflucht aus den Ent-
Change language