La chambre Des Députés

Ech mengen, dat ass e seriöe Problem zu Lëtzebuerg,
iwwert dee mer ons Gedanke musse
maachen. Ech sinn och der Meenung, dass mer
als Chamber do héchstwahrscheinlech net ganz
vill kënne maachen. Mä ech mengen, d‘Regierung
muss wierklech och oppassen, dass mer
net der Spekulatioun Opdrifft gi mat der gudder
Absicht, fir en anstännegen Aménagement
du Territoire ze maache mat Plan-sectorielen,
déi Kapp a Schwanz hunn. Mir mussen déi
Spekulatioun do ënnerbannen.
Merci.
Ah! Entschëllegt, elo hat ech mat deem ganzen
Déngen nach bal ons Motioun vergiess.
w M. François Bausch (déi gréng).- Wéi?
Maacht Dir eng Motioun?
w M. Ben Fayot (LSAP).- Ech wollt soen, dass
mer als Majoritéitsfraktiounen eng Motioun virleeën,
déi grosso modo dat enthält, wat ech a
mengen Ausféierungen hei gesot hunn. An ech
géif Iech also bieden, och där Motioun do Är
Approbatioun ze ginn.
Motion 3
La Chambre des Députés,
- au vu du programme gouvernemental qui retient
que «le Gouvernement, en accord avec les
principes de l‘aménagement du territoire, a désigné
Livange comme lieu d‘implantation du stade
national de football dans le cadre d‘un nouvel
ensemble commercial. Le Gouvernement accompagnera
la Fédération de Football pour ses arrangements
conventionnels avec le promoteur qui
mettra le stade à la disposition de la FLF»;
- considérant que le Conseil de Gouvernement a
approuvé en date du 23 juillet 2010 le masterplan
de Livange, en faisant référence dans le résumé
public de ses travaux à un accord trouvé
entre le Gouvernement et le promoteur, à savoir
une planification intégrée en vue de la réalisation
d‘un projet d‘ensemble sur le site en question
autour d‘un nouveau stade national de football
avec les infrastructures commerciales nécessaires
à la viabilité financière du projet de stade. À la
même occasion, le Conseil de Gouvernement constate
que le plan tient compte de toutes les
contraintes du site: insertion paysagère, gestion
du bruit en provenance de l‘autoroute, gestion de
l‘eau, insertion par rapport à la structure villageoise;
- considérant que le Conseil de Gouvernement a
réitéré son soutien à la réalisation du projet en
conformité avec le masterplan et dans le respect
de toutes les dispositions légales et réglementaires
concernées en date du 8 juillet 2011, suite à une
discussion menée au sujet du projet d‘ensemble
autour du stade national de football prévu à
Livange dans le contexte de la parution de l‘avis
de la commission d‘aménagement concernant la
modification projetée à cet effet du plan d‘aménagement
général de la commune de Roeser et à
l‘occasion de la présentation publique du masterplan
de Livange;
- soucieuse d‘une planification transparente et
d‘une prise de décision basée sur des critères objectifs;
- soucieuse de respecter la volonté des citoyens
concernés et de recueillir leur avis, le cas échéant
par la voie d‘un référendum consultatif communal
à décider par les responsables de la commune de
Roeser;
invite le Gouvernement,
- en ordre principal, de poursuivre le contact avec
les responsables communaux de la commune de
Roeser et avec les promoteurs en cause, en vue de
la réalisation d‘un stade de football et des commerces
nécessaires à sa viabilisation, en prenant
en compte les considérations ci-dessus;
- à reconsidérer, dans l‘optique du respect de
l‘équilibre commercial sur le plan régional, les
dimen sions de l‘infrastructure commerciale qui
doit permettre la viabilisation du stade de football;
- en ordre subsidiaire, au cas où une décision négative
du conseil communal, un référendum négatif
ou des incompatibilités avec les dispositions
légales et réglementaires en vigueur qui apparaîtraient
au cours de la procédure d‘autorisation ne
permettraient pas la réalisation du projet à Livange
tel que prévu par le masterplan, à rechercher
un site alternatif pour la construction d‘un
stade de football national.
(s.) Ben Fayot, Fernand Diederich, Norbert Haupert,
Ali Kaes, Roger Negri.
w Une voix.- Très bien!
w M. le Président.- Merci dem Här Fayot.
Elo kritt den Här André Hoffmann d‘Wuert.
w M. André Hoffmann (déi Lénk).- Här President,
elo wësse mer also nach net, ob de Pro-
34
Séance 3 JeUdi, 13 OcTOBRe 2011
www.chd.lu
jet begruewen ass, definitiv oder net, oder ob
en erëm opsteet. Ech wëll zu deem, wat den
Här Fayot gesot huet, direkt…
(Interruption)
Jo, ech wollt dat och soen, awer ech fannen,
dat wär net de goût parfait. Dofir hunn ech et
net gesot. Dat war eng Äntwert op keng Fro,
mä…
w M. le Président.- Ech hunn dat esou verstanen,
Här Hoffmann.
(Hilarité)
w M. André Hoffmann (déi Lénk).- Ech wéilt
awer zu deem, wat den Här Fayot elo hei gesot
huet, vläicht zwou Remarquë maachen.
Fir d’Éischt déi hei: Et ass zwar richteg, dass zu
Réiser kann de Projet gestoppt ginn. Et ass awer
méi richteg, dass d’Haaptverantwortung bei
der Regierung läit. Et ass am Regierungsprogramm,
wou steet, de Stadion géif zesumme
mat engem Centre commercial zu Léiweng gebaut
ginn. Ech weess net, wat deemools zu
Réiser gesot ginn ass, mä dat steet am Regierungsprogramm.
An do läit also d’Haaptverantwortung.
Dat huelen ech awer elo erëm zréck, well soss
géif ech der Séparation des pouvoirs jo net entspriechen.
D‘Haaptverantwortung läit hei an
der Chamber, well d‘Regierung ass en Exekutivorgan.
Mir décidéieren hei am Prinzip, ob a wéi
a wou dass e Stadion gebaut gëtt.
w Une voix.- Richteg!
w Plusieurs voix.- Très bien!
w M. André Hoffmann (déi Lénk).- Zweetens,
déi Fro vun der Prioritéit. Ech sinn och der
Meenung, dass ee misst kënnen driwwer diskutéieren,
ob de Fussballstadion eng Prioritéit ass
oder net. Et muss ee sech dann awer wierklech
entscheeden: Entweder ass de Stadion eng
öffent lech Prioritéit oder net. A wann en eng
öffentlech Prioritéit ass, dann ass et d‘Aufgab
vum Stat als öffentlech Exekutiv, dann an deem
Moment dee Stadion ze realiséieren an net
mussen zréckzegräifen op e private Financier,
well dorobber kënnt et jo eraus.
Och wa mer de Projet opginn, wat jo nach e
bëssen esou am Raum steet, mengen ech, dass
mer domadder d‘Diskussioun net ofgeschloss
hunn, well ech mengen, dass aus där ganzer
Affär hei entscheedend Lektiounen ze zéie sinn.
An dat fänkt u mat dem Respekt vis-à-vis vun
eisen eegenen Dokumenter, eisen eegenen
Texter, souwuel wat d‘Landesplanung betrëfft
wéi och wat d‘nohalteg Entwécklung betrëfft.
Ech géif den Här Wiseler herno gäre froen, ob
si als Nohaltegkeetsministère deenen anere Ministèrë
wierklech an och sech selwer den nationalen
Nohaltegkeetsplang zoukomme gelooss
hunn, an ob en iwwerall och opmierksam gelies
ginn ass. Well wann dat esou wär, dann
hätt dee Projet Léiweng iwwerhaapt net dierfen
op den Dësch kommen, well do gëtt et eng
ganz Rei vun - ech ka se net zitéieren, ech hu
keng Zäit - Unhaltspunkten, wou ee ka soen:
Dat do widdersprécht deem, wat mir selwer als
Dokument erausginn iwwert d‘nohalteg Entwécklung
hei zu Lëtzebuerg.
Deen éischten Deel vun deem Nohaltegkeetsplang
- dat ass jo deen, deen am meeschte gelueft
ginn ass -, dat ass dee vun den negativen
Tendenzen hei zu Lëtzebuerg. An ech soen
Iech, wa mir Léiweng an där doter Form bauen,
da kommen an deem nächsten Nohaltegkeetsplang,
wann e seriö ausgeschafft gëtt, nach e
puer weider negativ Tendenzen derbäi: dat,
wat d‘Landesplanung betrëfft, dat, wat d‘urban
Zentre betrëfft - dat hunn ech schonn hei an
der Kommissiounsréunioun gesot -, dat, wat
den Naturschutz betrëfft, dat, wat d‘Konsumobsessioun
betrëfft an esou weider an esou
fort.
Dann e Wuert och zu den Aarbechtsplazen. Déi
Fro ass schonn hei ugeschnidde ginn. Dat ass
jo nawell gären en Argument, fir all méiglech
Saachen ze rechtfertegen, andeem een op
Aarbechtsplazen hiweist. Da soen ech Iech:
Maacht emol fir d’Éischt Är Aufgab zu Schëffleng
an zu Rodange!
(Interruptions)
Kuckt emol fir d’Éischt do déi Aarbechtsplazen
ze halen, déi a Gefor sinn, a wou ee mat enger
gewësser Wahrscheinlechkeet kann ausgoen,
wann d‘Regierung net do mat der Fauscht op
den Dësch schléit, dass dann déi zwee Siten
ofgebaut ginn an déi Aarbechtsplazen ofgeschaaft
ginn!
Ofgesinn dovunner, an dat ass jo hei scho gesot
ginn, wann ee seet „schafen“, muss een
ëmmer dergéintrechnen, op wéi enger anerer
Plaz dass Aarbechtsplazen ofgebaut ginn. Den
Här Bausch huet dat scho genuch op eng genau
Aart a Weis duergestallt.
Fir mech stellt sech an där ganzer Fro, wat
d‘Relatiounen tëschent Stat a Privatwirtschaft
oder Privatentrepreneuren oder -investisseure
betrëfft, stellt sech fir mech eng prinzipiell Fro
an eng systemesch Fro, déi mer mat der Deontologie
eleng net geléist kréien. Ech sinn also
selbstverständlech d‘accord, dass mer eis och
eng Deontologie gi fir Regierungsmemberen a
Statsbeamten. Et stellt sech hei awer vill méi e
prinzipielle Problem, nämlech dee vun dem allgemenge
Verhältnis tëschent dem Stat als Vertrieder
- prinzipiell, theoretesch - vun der Allgemengheet
op där enger Säit, an der privater
Wirtschaft mat hiren Aktionären op där anerer
Säit.
An da soen ech Iech, et liest ee jo heiansdo, de
Wirtschaftsliberalismus, dee géif verlaangen, de
Stat misst sech aus der Privatwirtschaft erauszéien.
Ce n‘est pas vrai! De Wirtschaftsliberalismus
a sengen extreme Forme verlaangt, dass
de Stat d‘Privatwirtschaft accompagnéiert, an
zwar esou gutt wéi méiglech! Dat heescht, dass
en esou gutt wéi méiglech derfir suergt, dass
d‘Privatwirtschaft floréiert an dass d‘Privataktionäre
selbstverständlech esou vill wéi méiglech
kënnen asäckelen.
An da maache mir dat, wat mer elo maachen.
Da maache mer PPPen, mir maache Privatiséierungen
op europäeschem Niveau an esou weider
an esou fort. An hei loosse mer eis dann e
Stadion bauen, wou mer ganz genau wëssen,
dee gëtt net gebaut aus Sportsinteressen, mä
wou mer ganz genau wëssen, eigentlech geet
et dorëm, Aktionären ënnert d‘Äerm ze gräifen,
fir e gutt Geschäft ze maachen.
Also nach eng Kéier: Ech hoffen, dass mer et
fäerdegbréngen, e Stadion ze bauen, wann et
eng öffentlech Prioritéit ass, an öffentlecher
Hand, an dass mer dee Projet Léiweng opginn,
an dass d‘Regierung en opgëtt oder dass mir
en hei opginn, an dass mer net d‘Verantwortung
einfach ofleeden op d‘Gemeng Réiser.
Merci.
w Plusieurs voix.- Très bien!
w M. le Président.- Merci dem Här Hoffmann.
Elo kritt d‘Regierung d‘Wuert. Wien intervenéiert
fir d‘Éischt?
w M. Jean-Marie Halsdorf, Ministre de l‘Intérieur
et à la Grande Région.- Här President,
ech...
w M. le Président.- Den Här Innenminister.
w M. Jean-Marie Halsdorf, Ministre de l‘Intérieur
et à la Grande Région.- ...hunn déi Éier,
unzefänken, fir Kloerheet ze bréngen op engem
Punkt, deen eis alleguerten interesséiert. Dat
ass deen: Wou si mer drun an der Prozedur vun
der Ännerung vum Bebauungsplang vun der
Gemeng Réiser, wou jo do e Vote provisoire
stattfonnt huet?
Ech kann Iech kloer soen, dass, wat déi Prozedur
ugeet, do déi ganz Dispositiounen alleguerte
respektéiert goufen. Dat heescht, de
Projet ass erakomm an enger Étude préparatoire
an d’Commission d‘aménagement, déi
hiren Avis ginn huet de 17. Juni, an duerno
huet d‘Gemeng hire Vote geholl. Ech hu mech
an déi Prozeduren ageklickt, wat u sech net
normal ass, well et ëmmer esou ass, dass den
Innenminister d‘Legalitéit vun der Prozedur
kuckt beim Vote définitif. Firwat hunn ech dat
gemaach?
Nun, well jo gesot ginn ass an der Press, d‘Madame
Ferro-Ruckert hätt Terrainen. An duerfir
hunn ech dann den Distriktskommissär domat
beoptragt, wat ech och schonn déi leschte
Kéier gesot hunn, eng detailléiert Enquête ze
maachen. A wann ech déi Enquête hunn, da
wäert ech och kënne Kloertext schwätzen.
D‘Fro ass déi, ob d‘Madame Ferro-Knepper...,
Ferro-Ruckert, pardon, déi bei der Prozedur gehollef
huet am Schäfferot, ob hir Präsenz am
Schäfferot unzegesinn ass als eng Décisioun,
eng Aart Délibératioun oder net. Dat ass e juristescht
Gutachten, op dat ech waarden.
Wann et elo nach net do ass, huet dat dermat
ze dinn, dass am Fong geholl elo Gemengewahle
waren an d‘Distriktskommissariater gradesou
wéi de Ministère relativ vill mat där Problematik
vun de Kandidaten an alles beschäftegt
waren. De leschte Sonndeg eleng hu 57
Leit geschafft, sou dass ech dovunner ausginn,
dass entweder muer oder d‘nächst Woch ech
wäert déi detailléiert Enquête hunn an dass ech
da wäert soen, wo es langgeht, ob wierklech
déi Prozedur iwwert de PAG, iwwert de Bebauungsplang,
iwwer eng Modifikatioun dovu ka
weidergoen oder ob déi muss gestoppt ginn.
Wéi gesot, mir mussen eis nach gedëllege bis
d‘nächst Woch.
w M. le Président.- Merci dem Här Innenminister.
Wie schwätzt elo?
(Interruptions)
D‘Madame Mëttelstandsministesch Françoise
Hetto-Gaasch.
w Mme Françoise Hetto-Gaasch, Ministre
des Classes moyennes et du Tourisme.- Majo, ech
si gefrot ginn, ob ech dee Projet... (interférérences
sonores causées par un téléphone portable) ...
autoriséiert hätt oder net. Also, ech wëll Iech
just soen, dass den deemolege Mëttelstandsminister
net mat engem Projet befaasst
war, mat engem konkrete Projet, an den aktuelle
Mëttelstandsminister ass och nach net
mat engem konkrete Projet befaasst, sou dass
mer am Fong geholl kënne weder e Refus nach
eng Autorisatioun ginn.
Ech wëll Iech awer soen - et ass wichteg, dass
Der dat wësst -, dass mir haut dat Argument,
wat mer soss haten, fir ze soen, mir schwätzen
hei vun engem Déséquilibre commercial, dat
Argument, dat kënne mer, wéinst der Direktiv
„services“ an och no der Reform vum Droit
d‘établissement, net méi huelen.
Mir hunn haut just nëmmen d‘Argument, wat
spillt: Wat fir eng Auswierkungen huet dee Projet
do a Saachen Aménagement du Territoire
respektiv och op de Flux de transport? Dat sinn
déi Argumenter, déi mir musse mat considéréieren.
An dat heescht, do kënne mir net méi
vun Déséquilibre commercial schwätzen.
Ech wëll awer och soen, dass mer hei ganz am
Ufank vun enger Prozedur sinn. Mir schwätzen
hei iwwer eppes, wat kéint dohinnerkommen,
mä mir hunn de Projet emol nach net autoriséiert.
D‘Modification partielle ass emol nach
net definitiv gestëmmt.
(Interruptions)
Duerfir, mengen ech, sollt een einfach där ganzer
Saach elo emol hir Zäit ginn an dee ganze
Prozess duerchlafe loossen.
Da wëll ech awer och soen zum Thema Outlet
selwer. Ech sinn iwwerzeegt, dass en Outlet fir
Lëtzebuerg Sënn mécht. An zwar ass dat attraktiv
fir déi Leit, déi hei wunnen. Et ass attraktiv
fir déi Leit, déi permanent op eiser Autobunn
derduerchfueren. Et ass attraktiv fir d‘Touristen,
déi heihinnerkommen. An ech sinn och der
Meenung, dass en Outlet soll komplementär
sinn zu enger städtescher Offre commerciale.
An duerfir wëll ech dovir warnen, dass mer net
erëm et solle verpassen, esou e Magnéit op Lëtzebuerg
ze kréien. Well dat wär nämlech net fir
d‘Éischt. Et wär jo emol flott, wa mer emol eng
Kéier e Magnéit géifen op Lëtzebuerg kréien an
en och hei behalen.
Dann, wëll ech soen, fannen ech déi Motioun,
déi elo just vun der Majoritéit eragereecht ginn
ass, begréissen ech. Ech mengen, dat, wat
deene meeschte Leit jo och um Häerz hei läit,
dat ass de Problem vun der Envergure vun
deem Ganzen, wou dat soll kréien. Duerfir fannen
ech an deem Sënn déi Motioun do begréissenswäert.
Si seet ganz kloer, „à reconsidérer
(...) les dimensions de l‘infrastructure commerciale“,
an ech mengen, do kann ech mech
als Mëttelstandsministesch nëmme ralliéieren.
w M. le Président.- Merci der Mëttelstandsministesch.
Dann huet den Nohaltegkeetsminister,
den Här Wiseler, d’Wuert.
w M. Claude Wiseler, Ministre du Développement
durable et des Infrastructures.- Merci,
Här President. Och zu de Froen, déi u mech elo
direkt adresséiert waren.
Éischtens, déi Fro, déi un d‘Landesplanung
geet, fir ze soen, datt et evident ass, datt mir
op déi Instrumenter vun der Landesplanung,
déi mer brauchen, gradesou ongedëlleg waarden,
wéi d‘Oppositioun dat elo ausgedréckt
huet. Dir wësst, datt mer haaptsächlech d‘Gesetz
iwwert den Aménagement du Territoire
mussen hunn, wou eng Rei wesentlech Prinzipien
drastinn, wéi d‘Prozedure fir d‘Plansectoriele
sinn, mä wou awer och ee grousse
Prinzip drasteet, deen enorm wichteg ass, wa
mer déi Landesplanung da wëllen esou
usichen.
Dat heescht, dat Element, wat eis erlaabt, datt
de Stat kann Expropriatioune maachen, wann
en Terrainen onbedéngt brauch an anescht net
eens gëtt, an d‘Expropriatioune ka maachen zu
engem Präis vun der Valeur vun den Terrainen,
wéi se virun engem Klassement waren. Dat ass
dat wichtegst Element, wat mer brauchen.
Da muss natierlech déi Gesetzesmodifikatioun
kommen. Dir wësst, datt de Conseil d‘État virun
dräi Woche ronn säin Avis ofginn huet. Deen
Avis, dat hunn ech mam Fernand Boden ofgeschwat,
huele mer esou schnell wéi méiglech
elo an d‘Kommissioun, datt mer och an deem
Text do weiderkommen. An da sofort, wann
den Text do ass, kënnen déi Plan-sectorielen op
de Wee geschéckt ginn. Dat gëtt eis dann Instrumenter,
fir déi Landesplanung wesentlech
méi effikass ze maachen. Mir waarden ongedëlleg
dorop.
Da soen ech awer hannendrun: An dësem Projet,
wann ech awer elo kucken, wéi déi Plansectorielen
een an deen anere sinn, an ech sinn
d‘lescht Kéier am Detail drop agaangen, dann,
muss ech soen, ass deen hei Projet awer no
deene Plan-sectorielen, widdersprécht en de