You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
maach. Dat soll dann an d’Chamber kommen,<br />
datt mer am <strong>La</strong>f vun 2014 net ufänke mat plangen,<br />
mä datt de Bau ugefaange ka ginn, datt<br />
d’Pläng fäerdeg sinn. Datselwecht gëllt fir Déifferdeng.<br />
An deem Kontext hunn ech och kee Problem,<br />
déi Motioun unzehuelen, déi Der iwwer Mondorf<br />
hei déposéiert hutt, well ech menge wierklech,<br />
datt d’Planificatioun och elo soll iergendwou<br />
gemaach ginn, datt mer, wa mer d’Finanzméiglechkeeten<br />
hunn, och direkt kënnen<br />
ufänke mat deem Bau, sou datt ech dann hei<br />
de Fraktioune proposéieren, datt mer déi, esou<br />
wéi se elo formuléiert ass... ausser, Här Etgen,<br />
„Clerf“ misst Der „Clervaux“ schreiwen.<br />
(Hilarité)<br />
w M. Fernand Etgen (DP).- D’accord.<br />
w M. Claude Wiseler, Ministre du Développement<br />
durable et des Infrastructures.- Da sinn<br />
ech d’accord dermat, okay!<br />
(Interruptions et hilarité)<br />
An da seet den Här Etgen - ech muss dat awer<br />
och verbesseren - Prioritéite setzen ass net, déi<br />
Projeten erauswielen, déi net solle gebaut ginn.<br />
Ech wëll just soen, dat kann ech unhuelen, mä<br />
Prioritéite setzen ass awer och décidéieren, wat<br />
fir eng gebaut ginn a wat fir eng net gebaut<br />
ginn. Prioritéite setzen heescht awer och, datt<br />
een décidéiere muss - a Prioritéite setzen<br />
heescht awer net, datt een d’Lëscht vun alle<br />
Projeten, déi ee sech nëmme kann erdenken,<br />
opzielt a seet, dat do wären déi, déi mir gebaut<br />
hätten -, well si sinn alleguer prioritär! Dat<br />
heescht awer och, kloer an däitlech, datt ee<br />
muss eng Kéier soen, wat ee wëllt bauen a wat<br />
een net wëllt bauen, well een et net ka bauen<br />
dëse Moment, mä datt een et op spéider verschiebt.<br />
Dat heescht awer Prioritéite setzen,<br />
précisément.<br />
Dann zu der Madame Lorsché, e puer Punkten,<br />
déi ech awer wëll kloerstellen. Dir hutt gefrot:<br />
„Wéi kann ee kontrolléieren, wann eng Entreprise<br />
eppes baut, datt et och duerno esou ass?“<br />
Do gëtt et am Prinzip de Cahier des charges.<br />
Wann ee prezis genuch ugëtt, da baut d’Entreprise,<br />
an d’Entreprise, déi muss dann..., da<br />
gëtt duerno am Fong dat, wat agebaut ginn<br />
ass, ofgeholl, an dat muss deene Konditiounen<br />
entspriechen, déi am Cahier des charges<br />
stinn.<br />
Dat ass am Fong déi eenzeg Aart a Weis, déi<br />
een huet, fir ze kontrolléieren, ob et effektiv am<br />
Bau esou ass, wéi dat wat geliwwert ginn ass.<br />
An duerno mussen d’Resultater natierlech gekuckt<br />
ginn, au fur et à mesure vun dem Gebrauch<br />
vun engem Gebai. Mä et ass ëmmer<br />
d’Prezisioun vun engem Cahier des charges,<br />
déi engem d’Méiglechkeet gëtt, eng minimal<br />
Kontroll ze maachen. Eppes anescht huet een<br />
net.<br />
Wat d’Energiespueren ugeet, do ass et ganz<br />
kloer esou, datt mer eis an deene Projeten, déi<br />
mer ëmmer maachen, am Fong en Energiesystem<br />
erauswielen, deen esou einfach wéi méiglech<br />
ass. Genau well mer wëssen, datt déi Leit,<br />
déi domat schaffen, d’Portieren oder anerer,<br />
déi dat musse kënne bedéngen, natierlech heiansdo<br />
Schwieregkeeten hunn - wann s de muss<br />
Ingenieur sinn, fir de System ze bedéngen!<br />
Duerfir: esou einfach wéi méiglech, natierlech<br />
Belëftung, natierlech Ofkillung, natierlech Erwiermung,<br />
datt am Fong esou mann wéi méiglech<br />
muss gehandhaabt ginn an datt et esou<br />
einfach wéi méiglech - haaptsächlech, wann<br />
och nach Schüler dra sinn -, esou einfach wéi<br />
méiglech ka gemaach ginn.<br />
An déi zwee Projeten, déi mer hunn, den Ettelbrécker<br />
LTPS an d’Naturverwaltung, sinn energiepositiv<br />
Gebaier, mä si wäerten awer eis elo<br />
emol haaptsächlech déngen, wa mer se bauen,<br />
datt och d’Administratioun kann Experienze<br />
kréien, wéi et geet a wéi mer dat sollen uerdentlech<br />
ëmsetzen. A wa mer déi Experienzen<br />
hunn, hoffe mer automatesch, datt eis Entreprisen<br />
d’Experienz kréien, a sécherlech hunn<br />
och d’Entreprisë vu sech aus Formatioune genuch<br />
gemaach, fir op déi do Saachen awer hir<br />
eenzel Membere virzebereeden. Et ass sécherlech<br />
een Challenge, a mir mussen och kucken,<br />
datt d’Lëtzebuerger Entreprisen an deem ähnleche<br />
Rhythmus kënne mathalen, datt mer dat<br />
kënnen ëmsetzen.<br />
Zum Här Henckes e puer Saachen. D’Kasären<br />
um Härebierg musse gebaut ginn - mä d’Ka sären<br />
um Härebierg, Här Henckes, sinn am gaang<br />
ëmgebaut ze ginn! Et ass elo de toute façon<br />
schonn de ganzen Ëmbau vun de Kanalisatiounen,<br />
vun dem ganze System, deen amgaangen<br />
ass gemaach ze ginn. Duerno sinn an<br />
der Planificatioun déi ganz Projeten, wat den<br />
Hall logistique ugeet, an da kommen och déi<br />
26<br />
Séance 3 JeUdi, 13 OcTOBRe 2011<br />
www.chd.lu<br />
Projeten, wa mer vun de Kasäre selwer, dem<br />
Bau selwer schwätzen, et ass e ganzen Ensemble<br />
a fënnef Etappen, wou mer amgaange sinn,<br />
wou eng no där anerer selbstverständlech muss<br />
ëmgesat ginn.<br />
Dir hutt vum Tram geschwat a vun den Études<br />
environnementales, déi do gemaach ginn. Dat,<br />
wat domat gemengt ass, Här Henckes, dat ass<br />
eng normal Prozedur. Mir nennen dat am technesche<br />
Jargon 97/11/CE-Prozedur, wat eng<br />
europäesch Direktiv ass, an déi Direktiv gesäit<br />
vir, datt s de bei all groussem Projet, deen iergendwelchen<br />
Impakt huet, muss déi Etüd maachen.<br />
A mir maache se net hei, well et nécessairement<br />
en Impakt op den Environnement<br />
naturel huet,...<br />
w M. le Président.- Här Minister, Dir misst<br />
zwar lues awer sécher zum Schluss kommen!<br />
w M. Claude Wiseler, Ministre du Développement<br />
durable et des Infrastructures.- Lues,<br />
awer sécher!<br />
(Interruptions)<br />
Neen, loosst mech elo dem Här Henckes äntwerten.<br />
Dir hutt mech elo aus dem Konzept<br />
bruecht, Här President.<br />
w M. Jacques-Yves Henckes (ADR).- Mir<br />
ginn him nach e bësse Riedezäit vun ons!<br />
w M. le Président.- Dir maacht déi Etüd,<br />
fir...<br />
w M. Claude Wiseler, Ministre du Développement<br />
durable et des Infrastructures.- Mir maachen<br />
déi Etüd net onbedéngt, well et sech ëm<br />
den Environnement naturel handelt - ausser bei<br />
enger klenger Partie hanne bei dem Bësch, do,<br />
wou mer de Centre de remisage bauen -, mä<br />
haaptsächlech, well d’Direktiv och virgesäit,<br />
datt mer mussen agoen op den Environnement<br />
humain. An evidenterweis huet natierlech en<br />
Tram an enger Stad eng Influenz op déi Leit,<br />
déi do wunnen, an op hir Ëmwelt. An duerfir<br />
muss studéiert ginn, wat dat ass.<br />
An et ass gesot ginn, an et ass och hei virgesinn,<br />
datt déi ganz Prozedur - an dat gëtt 2012<br />
da gemaach - eng gréisser Publizitéit muss<br />
hunn, datt muss kënne consultéiert ginn an<br />
datt d’Leit musse kënnen an all Detail informéiert<br />
ginn, an dat ass eben dat, wat 2012<br />
usteet.<br />
(Interruptions diverses)<br />
w M. Gast Gibéryen (ADR).- ...well déi geet<br />
laanscht de Rousegäertchen op der Paräisser<br />
Plaz.<br />
w Une voix.- Déi aner wär méi schlëmm gi<br />
wéi déi hei!<br />
w M. Claude Wiseler, Ministre du Développement<br />
durable et des Infrastructures.- Däerf ech<br />
weiderfueren?<br />
w M. le Président.- Här Minister, fuert virun!<br />
w M. Claude Wiseler, Ministre du Développement<br />
durable et des Infrastructures.- Okay, dee<br />
leschte Punkt ass fir den Här Negri, deem ech<br />
wollt soen, datt evidenterweis - Dir hutt vun<br />
der Gare Zéisseng geschwat a vun der Streck<br />
Esch-Lëtzebuerg - d’Streck Esch-Lëtzebuerg<br />
mo mentan wierklech net dee Besoin ass, dee<br />
mer prioritär hunn. Duerfir, et ass eng vun<br />
deene Saachen, déi elo net um Programm momentan<br />
stinn. D’Gare Zéisseng ass an den<br />
Dimen siounen, esou wéi se geplangt war, eng<br />
Gare, déi sënnvoll ass, wann ukënnt do op där<br />
enger Säit natierlech déi Escher Streck, op där<br />
anerer Säit awer och den Tram, dee jo an enger<br />
zweeter Etapp soll dohinner gebaut ginn, esou<br />
datt mir der Iwwerzeegung sinn, datt déi Hollerecher<br />
Gare elo fir déi nächst 10, 15, 20 Joer<br />
sënnvoll ass, an den Ausbau.<br />
An da muss ee sech iwwerleeën, wann den<br />
Tram eng Kéier bis dorower kënnt - mä dat ass<br />
dann an enger zweeter Etapp, wann déi ganz<br />
Hollerecher Strooss nei gebaut ass, wann dee<br />
ganze Quartier ëmgebaut ass, dat brauch nach<br />
eng Rei Joren! -, da musse mer erëm iwwert déi<br />
Zéissenger Gare schwätzen, wéi wäit se sënnvoll<br />
ass an a wat fir engem Kontext mer se da<br />
bauen.<br />
An dat Lescht, dat ass, déi lescht Saach, dat ass<br />
déi - neen, den Här Hoffmann huet och nach<br />
eng, dann ass dat hei déi virlescht -, dat ass déi<br />
Geschicht vun dem Zuch ënnert der Rouder<br />
Bréck, wann en do hält, a mir huelen déi Zich<br />
aus Frankräich, der Belsch an deelweis aus<br />
Däitschland dohinner, do huet d’CFL ganz genau<br />
gekuckt, wat d’Planificatioun ka sinn. Et<br />
kann ee sechs Zich d’Stonn dohinner leeden,<br />
an d’Fro ass: Wou kënne se gedréit ginn? Dat<br />
ass och gekuckt ginn: Et sinn Dummeldeng,<br />
Luerenzweiler a Miersch, wou op deene Garë<br />
Raum genuch ass, fir déi Zich kënne stoen ze<br />
loosse respektiv zréckzehuelen. Éier mer esou<br />
eppes avancéiert hunn, huet d’CFL dee ganze<br />
Plang eng Kéier duerchgekuckt, fir eis déi Méiglech<br />
keeten do ze soen. Ech krut gesot, dat géif<br />
kloer an däitlech goen, soss hätte mer dat<br />
heiten net avancéiert als Projet, an ech ginn<br />
dovunner aus, datt dat och da klappt.<br />
An dat Lescht, dat ass déi Fro, déi den Här Hoffmann<br />
gestallt huet. Ech verstinn, datt dat fir<br />
hien a fir ganz vill aner Leit eng ganz wichteg<br />
Fro ass, well et einfach eng ass, déi vu Sensibilitéit<br />
ofhänkt. Mir hu se momentan net am Programm<br />
stoen, mir musse kucken, wéini et<br />
finan ziell méiglech ass. Ech kann Iech awer momentan<br />
keng Äntwert doriwwer ginn. Ech huelen<br />
deen do Wonsch an déi do Ugeleeënheet,<br />
déi Iech um Häerz läit, als lescht Ugeleeënheet<br />
da mat.<br />
Merci.<br />
w M. André Hoffmann (déi Lénk).- Merci.<br />
w M. le Président.- Merci dem Här Nohaltegkeetsminister.<br />
Domadder wier d’Diskussioun<br />
ofgeschloss.<br />
Motions<br />
Mir kommen elo zur Ofstëmmung iwwert<br />
d’Motiounen. Fir d’Éischt d’Motioun N°1, déi<br />
vum Här Fernand Boden agereecht ginn ass.<br />
Motion 1<br />
Kënne mer do à main levée ofstëmmen?<br />
Vote sur la motion 1<br />
Wien ass mat där Motioun d’accord?<br />
Wien ass do dergéint?<br />
Wien enthält sech?<br />
Domadder wär déi Motioun mat enger grousser<br />
Majoritéit ugeholl.<br />
Motion 2<br />
Da kënnt nach d’Motioun N°2 vum Här<br />
Fernand Etgen. Do hunn ech verstanen, datt<br />
den zoustännege Minister déi kéint unhuelen.<br />
Kann ech dann och dovunner ausgoen?<br />
Den Här Fayot freet awer nach dozou d’Wuert.<br />
w M. Ben Fayot (LSAP).- Här President, ech<br />
wollt just eng Fro stellen iwwert deen éischte<br />
Considérant. Do seet d’Motioun: «saluant la<br />
décision du Gouvernement de lever la mise en<br />
suspens des projets de lycées prévus à Clervaux<br />
et à Differdange;». Mir si selbstverständlech<br />
frou, wann d’Aarbechten dorunner viruginn,<br />
mä ech hat verstanen, wann ech dat elo richteg<br />
gesinn hunn, dass mer e Plan sectoriel<br />
hätten , an deem waren déi Lycéeën do an der<br />
zweeter Rei, no där éischter Rei, wou Jonglënster<br />
- wat nach? - do war. Elo froen ech, déi<br />
Formulatioun: «lever la mise en suspens», ob<br />
dat ganz stëmmt.<br />
w M. Claude Wiseler, Ministre du Développement<br />
durable et des Infrastructures.- Also, ech<br />
woen net, wann den Här Fayot d’Interpretatioun<br />
an engem franséischen Text mécht -<br />
dee fréier mäi Franséischproff war -, him ze<br />
soen, wéi ech et interpretéiert hunn, wann dat<br />
liicht anescht war, wéi dat wat hie gemaach<br />
hätt.<br />
Elo soen ech emol, wéi ech et verstanen hunn.<br />
Ech hunn et esou verstanen, datt mer... Mir<br />
sinn de toute façon amgaangen, bei deenen do<br />
zwee Lycéeë weider ze plangen. Do ass schonn<br />
- ech hunn Iech et virdru gesot - den APS bei<br />
Clierf fäerdeg, den APD ass amgaange gemaach<br />
ze ginn. Mä den Här Frieden huet gesot,<br />
si sinn elo fix 2014 och an de Programm,<br />
de finanzielle Programm ageschriwwe ginn. An<br />
ech hunn dat einfach als eng Interpretatioun<br />
vun deem, wat den Här Frieden esou gesot<br />
huet, verstanen. Wann et anescht gemengt<br />
war, dann hätt den Här Fayot recht. Wann et<br />
esou gemengt ass, mengen ech, kann een et<br />
esou a priori stoe loossen.<br />
w M. le Président.- Gutt, kënne mer dann à<br />
main levée iwwert déi Motioun ofstëmmen?<br />
Vote sur la motion 2<br />
Wien ass domadder d’accord?<br />
Dat schéngt mer d’Unanimitéit vun dësem<br />
héijen Haus ze sinn. Domadder wär déi Motioun<br />
ugeholl.<br />
Fir haut de Mëtteg huet d’DP-Fraktioun eng<br />
Aktualitéitsstonn iwwert d’Sécherheet vun der<br />
Atomzentral zu Cattenom ugefrot. D’Riedezäit<br />
ass hei nom Artikel 84 Alinéa 2 vum Chambersreglement<br />
festgehalen a gesäit Folgendes vir:<br />
Där Fraktioun, déi d’Aktualitéitsstonn ugefrot<br />
huet, stinn zéng Minutten zou, deenen anere<br />
Fraktioune jeeweils fënnef Minutten, de Sensibilités<br />
politiques zwou Minutten an der Regierung<br />
eng Véirelstonn. Et hu sech bis elo ageschriwwen:<br />
déi Hären Negri, Gibéryen an Hoffmann.<br />
D’Wuert huet elo den honorabelen Här Eugène<br />
Berger als Vertrieder vun der DP-Fraktioun.<br />
w Une voix.- An de Buergermeeschter hei vu<br />
Réimech.<br />
w M. le Président.- Et ass gutt, da schreiwe<br />
mer den Här Buergermeeschter vu Réimech<br />
nach derbäi.<br />
4. Heure d’actualité du groupe DP<br />
sur les normes de sécurité de la centrale<br />
nucléaire de Cattenom et la politique<br />
d’information de l’exploitant<br />
de la centrale en question<br />
Exposé<br />
w M. Eugène Berger (DP).- Merci, Här President.<br />
Léif Kolleeginnen a Kolleegen, den 11.<br />
Mäerz 2011 huet definitiv och dee leschte<br />
Frënd vun der Atomenergie missen agesinn<br />
hunn, datt et keng absolut Sécherheet bei<br />
Atomkraaftwierker gëtt. Och wann - ech géif<br />
bal soe leider - Fukushima net méi all Dag an<br />
der Medienaktualitéit ass, strahlt et weider a Japan,<br />
an d’Schied fir d’Ëmwelt an d’Leed fir<br />
d’Mënsche sinn enorm!<br />
De Misär fir d’Mënschen a Japan, mä och op<br />
anere Plaze vum Planéit - well mir wësse jo och,<br />
datt déi Strahlung, déi weidergeet, net nëmmen<br />
eleng sech dohannen op Japan begrenzt,<br />
mä praktesch iwwer all d’<strong>La</strong>ndesgrenzen ewech<br />
um Planéit sech ausdehnt -, dat wäert nach<br />
laang undaueren, an et kann een och net ofschätzen,<br />
mat wat fir enge <strong>La</strong>angzäitfolgen een<br />
alles muss rechnen. Eppes also ass definitiv<br />
kloer ginn: D’Atomenergie ass net sécher! Si<br />
wäert et och ni ginn, an dofir musse mer alles<br />
maachen, fir definitiv aus dëser Energie erauszeklammen.<br />
D’DP huet an deene leschte Joren a Méint ëmmer<br />
erëm Propositioune gemaach, wéi een dat<br />
ka maachen. Mir wëssen dat och alleguerten.<br />
Mir hunn och do schonn e relativ grousse Konsens,<br />
net nëmmen hei zu Lëtzebuerg, mä praktesch<br />
weltwäit. D’Förderung vun erneierbaren<br />
Energien, Energieeffizienz, an och besonnesch<br />
hei zu Lëtzebuerg kéint ee ganz vill beim Energiespueren<br />
am Hausbau maachen. Ech wëll och<br />
nach eng Kéier vun der Geleeënheet profitéieren,<br />
wéi ech dat all Kéier maachen, fir och nach<br />
eng Kéier eise Modell vun enger Klimabank ze<br />
rappeléieren.<br />
Mir wëssen, et gëtt de Moment eng ganz Rei<br />
Zentralen, déi a Betrib sinn, wou een net mëttelfristeg<br />
mä kuerzfristeg eng Solutioun muss<br />
fannen an am beschten och déi Zentralen esou<br />
schnell wéi méiglech muss vum Netz huelen.<br />
Dat sinn net Zentralen, déi wäit ewech leien, a<br />
Japan oder iergendwou wäit a Russland, mä<br />
ganz no bei eis: déi verschidden Atomzentralen<br />
an der, géif ech soen, Groussregioun, déi ganz<br />
problematesch sinn, wéi Chooz, Fessenheim,<br />
Biblis - ech wëll se elo net alleguerten opzielen<br />
-, a besonnesch jo och eng direkt niewent eiser<br />
Hausdier hei, zu Cattenom.<br />
(Mme Lydie Polfer prend la présidence.)<br />
Ouni elo wëllen den Däiwel un d’Mauer ze molen<br />
- mir haten am Fréijoer jo eng Debatt -, mä<br />
mir sinn eis all bewosst, wann do eng Kéier<br />
wierklech géif e Super-GAU zu Cattenom passéieren,<br />
da géif Lëtzebuerg wuel vun der <strong>La</strong>ndkaart<br />
verschwannen. Mir mussen eis also dofir<br />
kloer derfir asetzen, datt all déi Zentralen, a besonnesch<br />
Cattenom, esou schnell wéi méiglech<br />
zougemaach ginn.<br />
Ech wëll drun erënneren, datt och e groussen<br />
nationalen Aktiounscomité géint d’Atomkraaft<br />
sech staark dofir asetzt. Bal 23.000 Bierger<br />
hunn hei zu Lëtzebuerg - dat sinn der eng ganz<br />
Rei! - eng Petitioun ënnerschriwwen a fuerderen<br />
och, datt dës Zentralen, besonnesch Cattenom,<br />
zougemaach solle ginn. D’lescht Woch ass jo<br />
och déi Petitioun déposéiert ginn. Ech gesinn<br />
och hei, de Gesondheetsminister ass jo do, an<br />
hien hat jo och do d’Éier oder d’<strong>La</strong>ascht, fir déi<br />
schwéier Këscht do dann an de Ministère eranzedroen.<br />
D’Regierung ass also gefuerdert, fir<br />
dësem Optrag esou schnell wéi méiglech dann<br />
nozekommen, oder dëser Petitioun nozekommen.<br />
Et ass jo och kloer: Cattenom däerf och elo net<br />
eng Verlängerung vun hirer <strong>La</strong>fzäit kréien. Si<br />
huet schonns vill Joren um Bockel. An et gëtt<br />
dann och ëmmer erëm nach Tëschefäll zu<br />
Cattenom. Tëschefäll, wou et schwéier ass,<br />
richteg erauszefannen, wéi eng Gravitéit se<br />
hunn, a wou - et muss ee soen - d’Informatiouns<br />
politik vun de Bedreiwer, der EDF, an och<br />
vun den zoustännegen Autoritéiten a Fran kräich<br />
ferm ze wënschen iwwreg léisst.<br />
Sou gouf et fir d’Lescht den 19. Juli an der Zentral<br />
en Tëschefall, wou anscheinend duerch e<br />
Montagefeeler de Killsystem am Reakter 2 net<br />
fonctionnéiert huet. Säit Fukushima wësse mer,<br />
och alleguerten d’<strong>La</strong>ie wëssen, wann de Killsystem<br />
ausfält, dat kann extrem problematesch<br />
ginn.<br />
Ech wëll elo net gesot hunn, datt hei elo wierklech<br />
e seriöen Accident geschitt war, mä wat<br />
mech, wat d’DP stéiert, dat ass, datt d’Informatioun<br />
iwwert deen Inzident eréischt den 28.<br />
Juli, also zéng Deeg duerno an d’Öffentlechkeet<br />
komm ass. Och wann et vläicht e ganz klengen<br />
Inzident war, deen net schlëmm war, ass et