You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
séieren, oder en Terrain zur Verfügung ze<br />
stellen, oder finalement zur gudder Lescht dann<br />
awer ze riskéieren, Schuedensersaz missen ze<br />
bezuelen.<br />
Nom Studéiere vun den Äntwerte vun der Regierung<br />
stelle sech fir eis eng Rei vu Froen:<br />
Huet d‘Regierung de Stat mat deem doten Accord,<br />
mat deem dote confidentiellë Bréif engagéiert?<br />
- Mir mengen, jo. Geet de Bréif iwwer<br />
en „memorandum of understanding“, wéi et<br />
d‘lescht Woch hei duergestallt ginn ass, eraus?<br />
- Mir mengen, jo. Riskéiert de Stat hei finalement<br />
musse Schuedensersaz ze bezuelen? - Mir<br />
mengen, jo. Huet de Stat hei, huet d‘Regierung<br />
hei e finanziellen Engagement geholl, an dat<br />
laanscht d‘Chamber? - Och do menge mer jo.<br />
Fir awer Kloerheet an deenen dote Froen ze<br />
kréien, huet d‘Fraktioun vun der Demokratescher<br />
Partei en Avis juridique an Optrag ginn,<br />
an ech huelen dann un, wa mer dee virleien<br />
hunn, da kënne mer nach eng Kéier iwwert déi<br />
dote Froe weiderhin diskutéieren.<br />
Da war ee vun den Themen, déi mer d‘lescht<br />
Woch hei behandelt hunn, déi mer awer och<br />
an der Finanzkommissioun an an der Comexbu<br />
e Méindeg behandelt hunn, jo d‘Relatioun tëschent<br />
engem vun de besotene Promoteuren,<br />
der Spuerkeess, an och eenzelne private Persounen.<br />
Ee vun de Sujeten do, op deen ech ganz kuerz<br />
nach eng Kéier wëll hei zréckkommen, well<br />
villes vun deem an der Kommissioun, mengen<br />
ech, zum Deel ofschléissend behandelt gi war,<br />
ass deen, ob dann elo d‘CSSF eng Warnung<br />
erausginn huet am Zesummenhang mat den<br />
Engagementer, déi d‘Spuerkeess geholl huet fir<br />
de Promoteur vum Projet Léiweng.<br />
D‘Äntwert vun de Responsabele vun der Spuerkeess<br />
war ganz kloer neen. Ech hunn och nach<br />
eng Kéier nogefrot, ob dat eng Warnung oder<br />
eng Recommandatioun oder soss iergendwéi<br />
en Dokument oder eng Aktioun gewiescht wär<br />
an deem Zesummenhang. D‘Äntwert war ganz<br />
kloer neen.<br />
Wat awer feststeet, dat ass, datt Warnungen<br />
erauskomm sinn iwwert den Immobiliësecteur<br />
am Allgemengen, iwwert déi Risiken, déi hei an<br />
enger Immobiliëblos amgaange sinn ze entstoen.<br />
An dat sollt eis dach, och wann et net<br />
am direkten Zesummenhang mat dësem Dossier<br />
ass, sollt dat eis net egal sinn a sollte mer<br />
dach kucken, eng Kéier seriö doriwwer ze<br />
diskutéieren.<br />
Ech mengen, sënnvoll wär et, do d‘CSSF, déi jo<br />
déi Warnung do ausgeschwat huet, eng Kéier<br />
an der Finanzkommissioun ze gesinn, fir ze<br />
héieren, wéi eescht datt déi Risiken do ze huele<br />
sinn.<br />
Dann an dësem Dossier hu mer iwwer eng Rei<br />
vun Interessenskonflikter misse schwätzen. Datt<br />
de Generaldirekter vun der Spuerkeess Member<br />
ass an dem Conseil d‘administration vun enger<br />
Sociétéit, déi dem Promoteur vum Projet Léiweng<br />
gehéiert. Datt deen Direkter säin Haus<br />
och un deeselwechte Promoteur verkaaft huet.<br />
Datt an deem Haus duerno de fréieren Ëmweltminister<br />
gewunnt huet. Alles eenzel Faiten, déi<br />
sécherlech kee Rechtsverstouss duerstellen, mä<br />
trotzdeem dach eng ganz Rei vun Zoufäll sinn<br />
hei an engem ganz enken Zäitraum, déi dach<br />
matenee jo awer d‘Leit erstaunen dinn.<br />
Duerfir wollte mer dat opgräifen, wat och dee<br />
leschte Mëttwoch hei schonn an der Kommissiounssëtzung,<br />
ënner anerem och vum Premier,<br />
mat proposéiert ginn ass, nämlech sech eng<br />
Kéier seriö Gedanken ze maachen iwwer e<br />
Code de déontologie fir d‘Décideuren hei am<br />
<strong>La</strong>nd, fir Politiker, fir héich Statsbeamten, fir<br />
och Décideuren an där enger oder där anerer<br />
staatlecher Entreprise, fir datt esou Interessenskonflikter<br />
wéi déi doten net an e falscht Liicht<br />
geroden, Phenomeener wéi déi doten, datt ee<br />
kloer och kann tranchéieren, wat geet a wat<br />
geet net.<br />
De Kolleeg Fränz Bausch vun deene Grénge<br />
wäert dann och deementspriechend eng Motioun<br />
herno hei abréngen, déi mer zesumme<br />
mat hinnen ausgeschafft hunn.<br />
Wat awer och opgefall ass d‘lescht Woch hei an<br />
där doter Debatt, dat ass, wéi schlecht eigentlech<br />
d‘Politique foncière vun der Regierung ass.<br />
Wann d‘Ministere sech heihinner erkläre kommen<br />
a soen, fir e Fussballstadion ze baue gëtt<br />
et keng aner Plaz am <strong>La</strong>nd wéi déi doten, dann,<br />
mengen ech, huet d‘Regierung oder vläicht<br />
hunn déi Regierunge virdru versot, fir dach<br />
dem Stat déi néideg Terraine mat Zäiten ze reservéieren,<br />
fir Terrainen opkafen ze goen.<br />
Anscheinend - an och dat ass awer de leschte<br />
Mëttwoch hei an der Kommissiounssëtzung<br />
gesot ginn an eigentlech och confirméiert gi vu<br />
30<br />
Séance 3 JeUdi, 13 OcTOBRe 2011<br />
www.chd.lu<br />
Regierungssäit - si Privatpromoteuren amgaangen,<br />
eng Hällewull vun Terraine ganz no bei de<br />
Perimeteren, déi ganz interessant och leie fir<br />
zukünfteg Développementer hei am <strong>La</strong>nd, opzekafen.<br />
Dat, mengen ech, soll eis wierklech ze<br />
denke ginn, ob net de Stat do méi aktiv misst<br />
virgoen, fir dach op d‘mannst mat deemselwechten<br />
Engagement wéi eenzel Privatpromoteuren<br />
ze kucken, sech eng Rei vun interessanten<br />
Terraine mat Zäiten ze reservéieren.<br />
Wat awer mech am meeschten opgereegt huet,<br />
dat ass, datt mer aus dem Mond vum Wirtschaftsminister<br />
Jeannot Krecké héieren hunn,<br />
datt et offensichtlech eng Fuite gëtt, eng Fuite<br />
vun Dokumenter iwwert d‘Plan-sectorielen,<br />
datt offensichtlech Leit dobausse Bescheed<br />
wës sen, wat fir eng Terrainen dann an Zukunft<br />
wéi hei am <strong>La</strong>nd solle kënne genotzt gi respektiv<br />
wéi solle klasséiert ginn! Dat ass dat, wat de<br />
Jeannot Krecké d‘lescht Woch hei an der Kommissiounssëtzung<br />
gesot huet. An dat ass awer<br />
och eppes, wat eis net dierf kalloossen, iwwert<br />
dat mer net einfach esou däerfen ewechgoen!<br />
Wann dat esou ass, da fannen ech et awer normal,<br />
datt déi zoustänneg Ministeren, déi do<br />
Kompetenzen hu fir déi Plan-sectorielen, sech<br />
drusetzen an eng ganz seriö Enquête interne<br />
do lancéieren, fir erauszefannen, wou déi Fuiten<br />
dann do wann ech gelift sollten hierkommen.<br />
Well wann et esou wär, da wär dat ganz,<br />
ganz grave.<br />
w Une voix.- Très bien!<br />
w M. Claude Meisch (DP).- Dann zu Lescht<br />
awer och nach e puer Wuert zum eigentleche<br />
Projet Léiweng, iwwert dee jo och nach eng<br />
Kéier an deem heiten Zesummenhang geschwat<br />
ginn ass, och wa meng Fraktioun do<br />
scho kloer Positioun virdru bezunn hat.<br />
Mä et huet sech nach eng Kéier erausgestallt,<br />
datt d‘Envergure commerciale vun deem Projet,<br />
déi Surfacen, déi do geplangt sinn, 75.000<br />
Quadratmeter, einfach ze vill importent sinn op<br />
där enger Säit fir dat, wat Lëtzebuerg kéint<br />
packen; op där anerer Säit einfach och doduerjer<br />
hierkommen, well hei d‘Philosophie jo déi<br />
war, datt esou vill Surface commerciale muss<br />
geschafe ginn, fir datt op där anerer Säit duerch<br />
déi Plus-value, déi geschafe gëtt, e Stadion sech<br />
quasi géif matfinanzéieren. Dat ass an eisen Ae<br />
sécherlech dee falsche Wee.<br />
Wa mer Geschäftszentre maachen - a mir sollen<br />
och nach Geschäftszentren zu Lëtzebuerg schafen<br />
-, da musse mer kucken: Wat ass den Équiliber<br />
tëschent Offer an der Demande, dee ka gehale<br />
ginn? Da musse mer kucken: Wat sinn nei<br />
Aarbechtsplazen, déi kënne geschafe ginn? Déi<br />
sinn d‘lescht Woch hei genannt gi vun der Regierung,<br />
awer gläichzäiteg déi och op d‘Wo<br />
leeën op där anerer Säit, déi riskéieren, da verluer<br />
ze goen a bestehende Commercer, a bestehende<br />
Betriber. An och do kucken, ob dat sech<br />
dann op d‘mannst den Équiliber kann halen.<br />
Da musse mer awer och kucken: Wou sinn déi<br />
richteg Plazen, fir esou Surfaces commerciales<br />
hei am <strong>La</strong>nd ze schafen?, virun allem fir dat<br />
mat den Ae vun engem kohärenten Aménagement<br />
du Territoire kënnen ze gesinn.<br />
Hei ass et ebe just dorëms gaangen, en Terrain<br />
ze fannen, deen duerch e Reklassement esou<br />
vill Plus-value géif schafen, fir datt e Stadion<br />
sech einfach géif matfinanzéieren. Dat solle<br />
mer eigentlech an Zukunft net maachen, well<br />
do ass dann och eppes derbäi erauskomm, wat<br />
absolut net méi eisen eegene Regele vun der<br />
<strong>La</strong>ndesplanung entsprécht.<br />
Wa Wickreng, wann d’Regierung seet, de Projet<br />
Wickreng war net IVL-konform, a gläichzäiteg<br />
seet se, de Projet Léiweng, dee wier IVL-konform,<br />
a mer wëssen, datt zu Wickreng awer e<br />
klenge Projet eigentlech sollt realiséiert gi par<br />
rapport zu deem grousse Megaprojet, deen zu<br />
Léiweng sollt realiséiert ginn, dann, mengen<br />
ech, versteet kee méi, wéi dat doten, déi doten<br />
Attitüd vun der Regierung nach konform ass zu<br />
engem IVL, zu de Kritäre vun der <strong>La</strong>ndesplanung.<br />
D’lescht Woch huet dann och an der Chamber<br />
hei de fréiere Sportsminister, de Jeannot Krecké,<br />
erkläert, wéi et dozou komm ass, firwat en op<br />
de Wee gaangen ass, fir zesumme mat privaten<br />
Acteuren esou e Projet ze realiséieren, eng national<br />
Infrastruktur ze realiséieren, well e gesot<br />
huet, en hätt net gemengt, datt d’Chamber<br />
him géif den Optrag ginn an de Go ginn, fir<br />
dat eenzel als Lëtzebuerger Stat kënnen ze<br />
bauen.<br />
Nun, mir mengen awer, datt mer, wann ech<br />
dat doten héieren, dann an der Chamber hei<br />
sollen deen Optrag do ginn an der Regierung<br />
mat op de Wee ginn: Da sicht wann ech gelift<br />
en Terrain, wou mer separat e Fussballstadion<br />
kënne bauen, wa mer deen da brauchen, wou<br />
e gutt läit, wou e gutt ugeschloss ass, wou mer<br />
déi Infrastruktur herno och nach vläicht fir aner<br />
Zwecker kënnen notzen. A mer vergiessen awer<br />
och op där anerer Säit dann déi Kombinatioun<br />
tëschent Fussballstadion a Commerce, déi et jo<br />
offensichtlech onméiglech gemaach huet, hei<br />
en Terrain ze fannen.<br />
Och an deene puer Stonnen, déi mer d’lescht<br />
Woch hei zesummesouzen, hate mer jo eigentlech<br />
herno bal an der Diskussioun, um Enn vun<br />
där Diskussioun e Konsens iwwer e Standuert: Et<br />
ass dee vum „Midfield“ gewiescht, dee sé cher -<br />
lech, mengen ech, nach eng Kéier herno soll<br />
analyséiert ginn, respektiv anerer och nach eng<br />
Kéier solle gekuckt ginn. Mir sinn op jidde Fall<br />
der Meenung, datt dat dee richtege Wee wier.<br />
Wann et dat war, wat d’Regierung dru gehënnert<br />
huet, op deen dote Wee ze goen, datt ebe<br />
just den Accord vun der Chamber gefeelt huet,<br />
da sollte mer haut deen Accord do ginn. Duerfir<br />
hunn och d’Demokratesch Partei, d’Fraktioun<br />
vun der Demokratescher Partei, an déi<br />
gréng Fraktioun zesummen an deem Sënn eng<br />
Motioun hei déposéiert, an ech huelen da jo<br />
un, datt mer eng breet Majoritéit derfir haut<br />
hei wäerte kréien.<br />
Motion 1<br />
<strong>La</strong> Chambre des <strong>Députés</strong>,<br />
- tenant compte de la volonté du Gouvernement<br />
à réaliser un projet de stade de football lié à un<br />
centre commercial à Livange;<br />
- considérant les répercussions négatives sur la<br />
haute qualité écologique et paysagère du site, qui<br />
a amené la commission d’aménagement en 2008<br />
à formuler un avis négatif en vue d’une activité<br />
commerciale;<br />
- considérant les répercussions négatives du projet<br />
sur le commerce existant, tant dans les pôles de<br />
développement de la ville de Luxembourg et<br />
d’Esch-sur-Alzette, que sur le commerce local dans<br />
les villages avoisinants;<br />
- considérant que les coûts d’infrastructure engendrés<br />
par la réalisation du projet de Livange s’élèveront<br />
à quelque 70 millions d’euros;<br />
- considérant les déclarations de Monsieur le Ministre<br />
des Sports lors d’une réunion jointe de la<br />
Commission des Classes moyennes et du Tourisme<br />
et de la Commission du Développement durable<br />
en date du 19 mai 2010, qu’il estimerait les coûts<br />
de construction d’un seul stade de football à<br />
quelque 20 à 25 millions d’euros;<br />
- alarmée par l’évolution des finances publiques<br />
qui ne laissent qu’une marge de manœuvre très<br />
restreinte à la réalisation de tels projets sportifs;<br />
- constatant néanmoins que le Luxembourg ne<br />
dispose actuellement pas d’un stade de football<br />
correspondant aux critères de l’UEFA pour accueillir<br />
des compétitions internationales;<br />
- saluant les déclarations faites par Monsieur le<br />
Ministre de l’Économie et Monsieur le Ministre des<br />
Sports lors de la réunion jointe de la Commission<br />
du Développement durable et de la Commission<br />
de l’Éducation nationale et des Sports du 5 octobre<br />
2011, laissant entrevoir qu’ils seraient favorables<br />
à la réalisation d’un stade de football d’envergure<br />
nationale, sans que celui-ci soit lié pour<br />
autant à la réalisation d’un centre commercial;<br />
invite le Gouvernement:<br />
- à entreprendre les démarches nécessaires en<br />
vue d’une réalisation d’un stade de football<br />
d’envergure nationale;<br />
- à abandonner le projet d’un stade de football lié<br />
à un centre commercial sur le site de Livange.<br />
(s.) Claude Meisch, François Bausch, Eugène<br />
Berger, Fernand Etgen, Camille Gira.<br />
Wat fir e Fazit kënne mer aus där doter Affär<br />
zéien? Et ass, mengen ech, nach net all Fro definitiv<br />
an ofschléissend beäntwert. A wéi ech<br />
virdru gesot hunn, eng Rei vun Äntwerten<br />
hunn nei Froen opgeworf, an eng Rei vun Äntwerte<br />
mussen awer och nach eng Kéier op hir,<br />
jo, op hir juristesch Konsistenz hin iwwerpréift<br />
ginn. Mir mengen, datt een e PPP, en „public<br />
private partnership“ wuel ka maachen, mä<br />
awer net an där doter Form; datt dat dee falsche<br />
Wee war, fir öffentlech Interessien a privat<br />
Interessië mat ënner een Hutt ze kréien; datt<br />
mer, wa mer e Stadion brauchen, dee vun der<br />
öffentlecher Hand solle baue loossen.<br />
Mir mengen awer och, datt dat doten nach<br />
eng Kéier de Bewäis ass - an de Mëtteg hu mer<br />
jo schonn doriwwer geschwat -, datt mer ganz,<br />
ganz dréngend eis Instrumenter brauchen, fir<br />
eis <strong>La</strong>ndesplanung dann och wierklech kënnen<br />
ëmzesetzen, fir och Planungssécherheet ze<br />
kréien, fir och doduerjer méi attraktiv ze gi fir<br />
Investisseuren, déi aus dem Ausland kommen.<br />
Well wann der do kommen, déi soen, mir<br />
wëllen e Projet zu Wickreng maachen oder zu<br />
Léiweng oder soss iergendwou, an all Kéiers<br />
gëtt dat deen Duerjerneen, wéi mer en hei<br />
hunn, dat ass sécherlech net dat, wat mer brauchen<br />
als Wirtschaftsstanduert Lëtzebuerg, deen<br />
Image de marque, dee mer do brauchen, fir attraktiv<br />
fir Investitioune vu baussen ze sinn.<br />
Mir brauchen eng aner Politique foncière. Dat<br />
ass awer och eng ganz nei Konklusioun aus där<br />
Debatt, déi mer hei d’lescht Woch gefouert<br />
hunn. A mer sollen eis wierklech eng Kéier an<br />
aller Rou zesummesetzen, fir ze kucken: Wéi<br />
kënne mer esou eventuell Interessenskonflikter<br />
tëschent privaten Interessien an öffentlechen<br />
Interessien dann och regelen an auserneenhalen?<br />
An och, wa Léiweng elo net gebaut<br />
gëtt, ech mengen, dës Diskussioun hei, déi<br />
wäert eis nach eng Zäitche beschäftegen, an<br />
d’Konklusiounen, déi kënnen eis nach wäit<br />
bréngen.<br />
Merci.<br />
w Plusieurs voix.- Très bien!<br />
w M. le Président.- Ech soen dem Här<br />
Meisch Merci. Als nächste Riedner ass den Här<br />
François Bausch agedroen. Här Bausch, Dir hutt<br />
d’Wuert.<br />
w M. François Bausch (déi gréng).- Här President,<br />
Dir Dammen an Dir Hären, ech wëll op<br />
véier Punkten an där Debatt hei agoen, am<br />
Zesummenhang mat der Geschicht Léiweng<br />
respektiv alles dat, wat sech ronderëm an der<br />
Diskussioun erausgestallt huet.<br />
Beim éischte Punkt wëll ech zréckkommen op<br />
dat, wat mäi Kolleeg Camille Gira an der Kommissioun<br />
d’lescht Kéier hei opgeworf huet, wou<br />
e sech beschäftegt huet nach eng Kéier mam<br />
Historique vun deenen Terrainen do respektiv<br />
domat, wat alles scho virgesi war, a mat den<br />
Ursaachen, firwat datt déi fréier Reklassementer<br />
net autoriséiert gi si vun deene verschiddenste<br />
Ministeren.<br />
An ech wëll virun allem nach eng Kéier zréckkommen<br />
op deen zweete Refus vun 1991, deemools<br />
vum deemolegen Ëmweltminister Alex<br />
Bodry, well mir hu jo elo am Kader vun den<br />
Äntwerte vun der Regierung hei eng Duerstellung<br />
kritt, déi eigentlech relativ seltsam ass.<br />
Et gëtt, éischtens, sech drop bezunn nëmmen<br />
op den eigentlechen Naturschutz a virun allem<br />
op d’Iwwerschwemmungsproblematik, an et<br />
gëtt gesot, et wier jo par rapport zu deemools<br />
haut eng ganz aner Situatioun. Bei den Iwwerschwemmungsgebidder<br />
hat de Minister deemools<br />
gesot, dat hunn ech iwwregens - also<br />
d’lescht Woch gesot - relativ speziell fonnt, et<br />
hätt een elo, ech mengen, en hat sech ausgedréckt,<br />
mechanesch Méiglechkeete fonnt, fir déi<br />
Iwwerschwemmungsproblematik do an de Grëff<br />
ze kréien an Zukunft. Dat ass relativ speziell.<br />
Mä wat mech virun allem schockéiert, dat ass<br />
an den Äntwerten, wann ech liesen hei, datt<br />
gesot gëtt, datt vun deemools op haut eng Rei<br />
nei Faits accomplis geschitt wiere ronderëm déi<br />
Zon, déi jo eng ganz aner Situatioun géifen<br />
hierstellen.<br />
Do gëtt, éischtens, drop higewisen, datt entretemps<br />
vis-à-vis en Hotel gebaut gi wier, datt<br />
d’Autobunn virgesi wier, fir déi do op sechs<br />
Bunnen, also zweemol dräi Spuren auszebauen,<br />
an datt donc déi Argumentatioun, déi den Här<br />
Bodry 1991 gefouert hat, firwat en e Refus ginn<br />
hätt fir deemools dee Projet aus Naturschutzgrënn,<br />
net méi gi wier, well jo haut<br />
souwisou d’Situatioun eng aner wier.<br />
Bon, éischtens muss ee soen, wa mer den<br />
Natur schutz esou seriö huelen, datt mer zwar<br />
engersäits mengen 1991, et wier derwäert, datt<br />
een dat als Naturschutzzon klasséiert, an dann<br />
awer einfach lauter Faits accomplis schaaft ronderëm,<br />
an dann einfach herno mécht, seet,<br />
d’Situatioun hätt sech geännert, da fannen ech<br />
dat relativ schlëmm.<br />
Ech wëll och do soen, datt all normale Bierger,<br />
all klenge Mann, deen e Gaardenhaischen<br />
nëmme wëllt bauen hannenaus bei sengem<br />
Haus, wann et an engem Naturschutzgebitt ass<br />
oder nëmmen drukënnt, dee kritt dat refuséiert!<br />
A mir ginn do als Stat, als Öffentlechkeet gi<br />
mer e Bild of fir den normale Bierger dobaussen,<br />
dat desastréis ass, well mer einfach hei<br />
soen, et gëtt zwou Kategorië vu Bierger an<br />
deem <strong>La</strong>nd: Et gëtt den normale Bierger, dee<br />
fir säi Gaardenhaischen net däerf dat maachen,<br />
an et gëtt e Promoteur, deen, wann e wëllt,<br />
alles duerchgesat kritt, wat e wëllt. Dat ass dat<br />
Bild, wat mer ofginn, dat ass einfach desastréis,<br />
a mir kënnen esou eng Argumentatioun wierklech<br />
net akzeptéieren!<br />
Et kënnt awer dann en anere Punkt derbäi, op<br />
dee gëtt nach ëmmer net geäntwert. An zwar<br />
huet de Camille Gira d’lescht Woch gesot, datt<br />
net nëmmen d’Naturschutzgesetzgebung vum<br />
Minister Bodry deemools ugewannt ginn ass,<br />
fir de Refus ze maachen, mä och d’Gesetz<br />
iwwert de Vulleschutz an d’Vulleschutzdirektiv<br />
vun 1979. Am Text stoung, firwat de Refus gemaach<br />
ginn ass. An an där Hisiicht huet sech<br />
mat Sécherheet näischt geännert, esou datt mir<br />
Iech wäerten hei viraussoen, datt Der hei wäert<br />
Kloe kréie géint déi ganz Geschicht do, an datt<br />
déi Kloen och, eiser Meenung no, ganz grouss<br />
Chancë wäerten hunn, e Succès ze hunn; wa se<br />
en net virun de Lëtzebuerger Geriichter hunn,<br />
da mindestens beim Europäesche Geriichtshaff.<br />
Well et ass eng europäesch Direktiv, déi hei dra-
Change language