Sandweiler Gemengebuet 2011 n°2
Sandweiler Gemengebuet 2011 n°2
Sandweiler Gemengebuet 2011 n°2
Create successful ePaper yourself
Turn your PDF publications into a flip-book with our unique Google optimized e-Paper software.
<strong>Sandweiler</strong> Buet<br />
10 - 11<br />
Aweiung Duerfplaz Jemp Stein den 17. September <strong>2011</strong><br />
Ried vum Scheffen Paul Ruppert<br />
Léif Awunnerinnen an Awunner, am Numm vum Scheffen-<br />
a Gemengerot sinn ech frou Iech op der Duerfplaz<br />
Jemp Stein ze begréissen.<br />
Chers habitants de la Commune de <strong>Sandweiler</strong>. Au<br />
nom du Collège Echevinal et du Conseil Communal je<br />
vous remercie d’être venu sur la place centrale Jemp<br />
Stein qu’on va inaugurer aujourd’hui.<br />
Famill Stein, léif Invitéen, dir Dammen an Hären aus<br />
dem Scheffen a Gemengerot, Här Architekt Bob Strotz,<br />
Vertieder vun de <strong>Sandweiler</strong> Vereiner, an den Betrieben,<br />
déi op dëser Plaz geschafft hun, ech stin haut<br />
den Owend hei nët nëmmen a menger politescher<br />
Funktioun als Scheffen, mé virun allem als <strong>Sandweiler</strong><br />
Bierger dén hei opgewuess ass, an dén houfreg ass op<br />
dat, virwat mir haut hei feieren.<br />
Joerzengtelang war am Kär vu <strong>Sandweiler</strong> kaum nach<br />
en gemitterlecht Zesummekommen méigelech. Dén<br />
ville Verkéier durch d’Uertschaft huet nët nëmmen<br />
d’Uertschaft an 2 Deeler gedeelt – ech erennere mech<br />
dass iwert Unterführungen oder Überführungen nogeduecht<br />
gin ass – mé dén villen Autoverkéier huet<br />
och de Kär vun der Uertschaft regelrecht zerstéiert.<br />
Et war einfach nët flott fir sech hei opzehaalen, zevill<br />
staark waren déi negativ Aflëss vum Autoverkéier:<br />
Kaméidi, Ofgasen, Gefoor… Fester wéi d’Kiirmes oder<br />
Museksconcert’en sinn op méi roueg Platzen an der<br />
Uertschaft verluecht gin.<br />
Zenter e puer Joer ass d‘Verkéierssituatioun eng aaner<br />
an d’Méigelechkeet vun enger neier Duerfplaz huet<br />
sech ugebueden.<br />
De Schefferot dén aus de Wahlen vun 2005 erviirgangen<br />
war, huet gleich dëse Projet an Ugrëff geholl an<br />
an der Sëtzung vum Januar 2008 ass de Projet, dén<br />
vum Architekt Bob Strotz ausgeschafft gin war, vum<br />
Gemengerot a Präsenz vun allen Conseilljéen eestëmmeg<br />
– wat fir <strong>Sandweiler</strong> jo nët ëmmer evident ass<br />
- décidéiert gin.<br />
Et huet een an de leschte Méint während der Bauphase<br />
verschiddentlech och Kritiken héieren, z.B.: nët genuch<br />
Grengs, zevill Beton, virwaat sin déi Buedbidden gutt?,<br />
Wat kascht dat alles?… Den Här Strotz huet herno<br />
nach d’Gelegenheet selwer op sein Konzept anzegoen.<br />
Ech wollt just soen, dass den deemolegen Schefferot<br />
déi Ideen vum Architekt richteg fond huet, fir eng Platz<br />
ze schaafen, wou engerseits vill Raum soll sin fir eppes<br />
opzestellen – et ass un Fester mat enger Bühn an och<br />
un e Maart geduecht gin, wou befestegt Fläch néideg<br />
ass; an op der aanerer Seit soll déi Plaz ower och<br />
alueden fir ze bleiwen, fir sech wuel ze villen. Duerfir<br />
sinn esou Elementer wéi den Iwerdaach, d’Bänken, de<br />
Podium, d’Waasserspill an de Projet integréiert ginn.<br />
Mir weien haut déi Plaz an, wou déi <strong>Sandweiler</strong> Leit an<br />
Zukunft sech sollen zoufälleg begéinen, sech rendezvous<br />
gin, sech ophaalen, Fester feieren, asw. … et soll<br />
den zentralen Kär vun der Uertschaft <strong>Sandweiler</strong> ginn<br />
an eng wichteg gesellschaftlech a sozial Roll spillen. Et<br />
soll erem Liewen zereck kommen an de Kär vun der<br />
Uertschaft – a wann daat gelengt, da sinn déi 2,6 Mio<br />
€, déi d’Duerfplaz kascht huet, gutt investéiert.<br />
Ech soen allen corps de métiers déi op dëser Plaz geschafft<br />
hun Merci fir Aarbecht, gerad esou wéi eisem<br />
Gemengenpersonal an de Gemengenaarbechter ower<br />
och de <strong>Sandweiler</strong> Geschäftsleit an den Awunner fir<br />
hir Gedold mat dem Chantier. Wann een dat haut alles<br />
geseit muss een soen: Et war derwärt.<br />
Eis Duerfplaz soll de Numm droen vun engem <strong>Sandweiler</strong><br />
Bierger, dem Jemp Stein. De Steins Jemp, dén<br />
ech d’Chance hat nach diirfen kennen ze léieren, huet<br />
duech seng détailléiert Zechnungen a sein Schaffen<br />
am Geschichtsverein vill derzou beigedroen, dass<br />
d’Geschicht vu <strong>Sandweiler</strong> konnt dokumentéiert gin.<br />
Hien huet z.B. e Kadaster mat de Stroosen an den Häiser<br />
opgestallt, wou een schéin geseit wéi d’Uertschaft<br />
sech iwert Joeren eraus entweckelt huet. Seng Aarbecht<br />
huet vill Leit a mech och schon ganz fréi faszinéiert,<br />
well et wichteg ass, seng Vergangenheet ze<br />
kennen wann een d’Zukunft wëll plangen.<br />
Mir war vun Ufang un kloer: Wat géif sech besser eegenen<br />
als Unerkennung vum Jemp Stein senger Aarbecht,<br />
wéi dës Plaz no him ze benennen. Ech sin frou,<br />
dass am Gemengerot dat konnt esou décidéiert gin,<br />
a mir wärten herno eng Erënnerungplaquette un de<br />
Jemp Stein, déi vum Geschichtsverein santwilre entworf<br />
ginn ass, präsentéieren.<br />
Merci och dem Marcel Wagner fir sein Artikel am Lëtzebuerger<br />
Wort<br />
Ech soen iech merci fir d’Nolauschteren a ginn d’Wuert<br />
wieder un den Bob Strotz, den Architekt vun der Duerfplaz.