hemen duzue PDF formatuan - Badihardugu
hemen duzue PDF formatuan - Badihardugu
hemen duzue PDF formatuan - Badihardugu
Create successful ePaper yourself
Turn your PDF publications into a flip-book with our unique Google optimized e-Paper software.
Soziolinguistika<br />
Ez dut horrenbestez esan nahi, herri euskaldunetan dauden irakasleek bertako hizkera<br />
jakin behar dutela nahitaez. Ezta hurrik eman ere! Askotan, gainera, ezinezkoa izaten<br />
da hori, ordezkoak-eta egiten tarte laburregiak egoten direlako herri bakoitzean.<br />
Baina lanean diharduten herriko hizkera jakin ez arren, begirunea eduki behar zaio behinik<br />
behin, eta buru argikoa izatea ere komeni da, zuzen dagoena alferrik zuzentzen ez<br />
ibiltzeko. Elgetan, esate baterako, zuzenak dira martitzena, eguaztena, eguena eta barikua,<br />
eta ez dago horiek baztertuta, asteartea, asteazkena, osteguna eta ostirala lau urteko<br />
umearen buruan zertan sartu.<br />
Euskara batua zabaltzeko modua eta mezua ere goitik behera aldatu behar lirateke.<br />
Herri hizkeren ordezko modura aurkeztu ohi da orain arte euskara batua, herri hizkerak<br />
baino zuzenagoa, aberatsagoa eta egokiagoa balitz bezala. Hori ez da inondik inora egia.<br />
Mundu zabaleko hizkuntzalari guztiek diote aho batez ez dagoela berez eta izatez besteak<br />
baino txarragoa edo besteak baino hobea den hizkerarik.<br />
Euskaldunok batak besteari erraz eta eroso ulertzeko egin zen euskara batua, ez<br />
euskalkiak txarrak eta ezgauza zirelako. Erdialdeko euskalkian oinarritu zen euskara<br />
batua, baina ez zen hori euskalkirik onena, zuzenena eta aberatsena zelako aukeratu,<br />
oso bestelako arrazoiengatik baizik: hiztun askok erabiltzen duelako, Gipuzkoan herri<br />
haziak eta azpiegitura sendoa daudelako, eta Gipuzkoa Euskal Herriaren erdigunean<br />
dagoenez, hango euskalkia euskaldun guztioi ulertzeko erraz samarra gertatzen zaigulako.<br />
Ezaugarri soziolinguistikoak dira, beraz, erdialdeko euskalkia aukeratzeko<br />
arrazoiak; ez euskalki horren bikaintasuna eta gainerakoen ezdeustasuna.<br />
Azken batean, atzerriko hizkuntzak ikasteko modua erabili behar genuke euskara<br />
batua zabaltzeko orduan. Ingelesa ikasten dugunean, esate baterako, ez zaigu esaten<br />
euskara txarra eta ezdeusa delako ikasi behar dugula, ingelesa jakiteak beste herri<br />
batzuekin errazago hartu-emanetan sartzeko, beste herri batzuetan erosoago ibiltzeko,<br />
liburuak irakurtzeko eta era guztietako albisteak zuzenago eta lasterrago jasotzeko balio<br />
digulako baizik.<br />
Euskara batuak, era berean, beste alderdi batzuetako euskaldunekin hartu-eman erosoagoa<br />
izateko, Euskal Herri osoan barrena lasaiago ibiltzeko, liburu eta hedabideetara<br />
errazago iristeko balio duela erakutsi behar genuke, eta ez herri hizkeren ordezko edo<br />
herri hizkeren lehiakide izateko. Modu horretan jokatuta, hiztunek lasterrago eta gogo-<br />
181