hemen duzue PDF formatuan - Badihardugu
hemen duzue PDF formatuan - Badihardugu
hemen duzue PDF formatuan - Badihardugu
Create successful ePaper yourself
Turn your PDF publications into a flip-book with our unique Google optimized e-Paper software.
Deba ibarreko euskararen ezaugarriak<br />
(328, 335), eldu aurretikan ‘heldu aurretik’ (330), nunbaittetikan ‘nonbaitetik’ (339),<br />
Zumarratikan ‘Zumarragatik’ (343)…<br />
(5) Bizkai aldeko ezaugarritzat daukagu ablatibo zaharreko -rik erabiltzea mendirik mendi<br />
tankerako esapideetan, baina ez da uste zuzena: Goierrin eta Urolaldean ere ezaguna da,<br />
eta baita, beraz, Deba ibar osoan ere. Juan Martin Elexpuruk (2004) honako hauek jaso<br />
zituen, besteak beste, Bergaran: makiña bat eskeko ibiltzen zan sasoi baten etxeik etxe<br />
‘hainbat eskale ibiltzen zen sasoi batean etxerik etxe’(s.v. eskéko), erliak loraik lora gozuan<br />
billa ibiltzen die ‘erleak lorerik lore gozoaren bila ibiltzen dira’ (s.v. gózo), iguindduta nago<br />
tabernaik taberna ibiltzen ‘nazkatuta nago tabernarik taberna ibiltzen’ (s.v. iguinddu), goiz<br />
guztia dendaik denda ikusmiran ibili naiz ‘goiz guztia dendarik denda begira ibili naiz’ (s.v.<br />
ikusmíra), lenengo mendi gaillurra artu giñuan, eta gaiñik gain joan giñan tontorreraiño<br />
‘lehenengo mendi gailurra hartu genian, eta gainik gain joan gintuan tontorreraino’ (s.v.<br />
mendi-gáillur).<br />
(6) Bizkaiko ekialdean bezala, hurbiltze adlatiboko -rutz(e) atzizki berezia erabiltzen da<br />
Deba ibar gehienean: ezkerrerutz, etxeruzkuan ‘etxerako bidean’, goizalderutz, udabarri<br />
alderutz…<br />
Gainerako hizkeretan, berriz, erakusleetan (honutz, horrutz, harutz) eta hitz gutxi<br />
batzuetan (barrurutz, beherutz, gorutz) baizik ez da erabiltzen. Oñati, Antzuola, Elgoibar,<br />
Mendaro eta Deba daude eremu horretan, baina gaur egun -rutz sarri entzuten da herri<br />
horietako gazteen jardunean.<br />
(7) Aditz izena mugimenduzko aditzen osagarri denean, eta norabidea edo helburua<br />
adierazten duenean, NON kasuan erabiltzen da Bizkaian. Baita Leintzen eta Aramaion<br />
ere, eta azken herri horretakoak dira adibideak (Ormaetxea 2002): beras gure niñdduen<br />
erutie bere errire maas batzen ‘berarekin nahi ninduen eramatea bere herrira mahats biltzen’<br />
(83), ia etorten asen domekan baskaitten ‘ea etortzen haizen igandean bazkaritan’<br />
(125).<br />
Aldiz, Deba ibarreko gainerako hizkeretan —Mallabia ere tartean dela— NORA kasua<br />
aukeratu da, Euskal Herri osoan bezala.<br />
(8) Bizkaian bezala, erakusleek erro bera dute singularrean eta pluralean ia Deba ibar<br />
osoan: honek ‘honek / hauek’, horrek ‘horrek / horiek’, harek ‘hark / haiek’, honen ‘honen /<br />
77