Mise en page 1

È per fà girà una tartaglia* minuti sani, nimu u pò
vince…
- Ma st’ultimi tempi si vede pocu è micca. Chì avarà ?
Bastianu, chì stà di casa accantu à Petrantone, cala
appena a voce per dì ciò ch’ellu sà :
- Hè per via di u babbu, Ghjacumusantu, chì hè à u
fronte... Hè più d’un mese chì a famiglia hè senza
nutizie. È sò tutti ind’è i pinseri negri... Maria, a
mamma, è e trè femine. A m' hà detta Fiffina, a mo
surella, chì hè amica cù Luisa, a surella maiò di
Petrantone.
I zitelli sò avvezzi à sente parlà - è à parlà - di guerra,
di fronte, di bombe, di firiti, di morti... Da u principiu
di l’annu Diciottu sò dece i paisani, tutti giovani, chì sò
morti ind`è e transcè...
Avà, Bastianu hè lanciatu, nimu u para più :
- L’hà detta Babbone eri sera à cena : « Issa guerra ùn
vole più finisce, è da agostu 14 sin’à oghje, in Santa
Riparata, sò cinquantasette... cinquantasette morti,
cinquantasette omi giovani, in piena forza… In paese,
ùn ci hè più cà donne, zitelli è vechji ! A campagna hè
à l’abbandonu. Orzu è granu ùn ci n’hè più. L’orte sò
piene à lamaghjoni, morenu e bestie, e fere sò magre
chì facenu a paura… A nostra Cursichella hè
cundannata… »
Dicendu isse parolle, avia e lacrime à l’ochji Babbone...
Ghjaseppu li taglia a parolla :
- Mì, mì à Petrantone chì ghjunghje !
Sò cuntenti i zitelli di vede u so amicu è ognunu hà
calcosa à dilli.
- Ùn ti si vede più !
10