Mise en page 1

- Mì, avemu ghjucatu à piastra…
- Ma senza tè, hè difficiule à vince !
Petrantone i lascia parlà, po piglia a parolla. Si vede
ch’ellu hè felice, ellu chì era cusì tristu i ghjorni scorsi.
- Ùn sapete a nutizia ? Babbu hà da ghjunghje in
permissione… Hà ricivutu una lettara Mamma. A m’hà
fatta leghje à mè chì ella, in francese, ùn hè tantu
pratica. Babbu sarà quì vennari da mane, u sedeci
d’agostu. Falaremu à bon’ora à aspittallu à u portu di
Lisula cù u capriulè… Dice ch’ellu hà da fà a traversata
nant’à un battellu chì si chjama u « Balkan »…
U zitellu caccia da a so stacca un ogettu chì luccica
cum’è oru.
- Mirà ciò ch’ellu m’hà rigalatu l’ultima volta,
quand’ellu hè vinutu in permissione.
Petrantone mostra un ghjuvellu in forma di Corsica.
I cumpagni sò maravigliati.
- Cusì bella !
- Fà ch’e a veca megliu !
- Hè oru ?
- Innò chì ùn hè oru, risponde Petrantone. Hè
ramu… V’aghju da cuntà cum’è l’aghju avutu… À u
fronte un ghjornu, babbu hà salvatu a vita à un
camaratu chì era artistu ind’è u civile. Pè ringraziallu,
quellu l’hà sculpittatu ind’un obbusu issa Cursichella di
ramu è l’hà dettu : « Ti purtarà scianza. »
Babbu l’hà tinuta in borsa più d’un annu. Ma à a so
ultima permissione, à a vigilia di a so partenza, in casa,
o li pienti ! Allora, ellu m’hà chjamatu in camara : “ U
mo figliolu, sì u solu masciu di a famiglia. Ùn ti vogliu
vede pienghje. Sì tù chì devi dà curagiu à mammata è
11