Mise en page 1

sò parechji i paisani à muntagnà cù un capriulè carcu
à cascette di scarpi grossi, di stifali è di scarpi fini…
Ghjustu à puntu, simu à a fine d’agostu : Ziù Dumenicu
deve principià à appruntà a so marcanzia. I zitelli u
vedenu sempre cù piacè. Ci vole à dì ch’ellu hè un
persunagiu, issu vechju : settant’anni, vistutu d’una
tinuta di marina, a faccia meza piatta da un paghju di
mustacci grisgi tamanti à una spazzuletta, l’ochji
chjuchi, negri, chì ridenu sempre, a so baretta di
marinaru inciuffata sin’à l’arechje. Parla pocu è micca,
è s’ellu apre a bocca, hè per cantichjulà vechje canzone
di marina amparate à u regimentu, durante a Guerra di
u Settanta.
Quand’elli affaccanu i zitelli, ellu s’appronta à taglià una
sola ind’una pella di vaccina. Ghjustu un’uchjata pè
salutalli, è cuntinueghja à travaglià. Bastianu è
Petrantone sò smaravigliati di vedelu manighjà u
trinchettu di manera cusì precisa, senza mai sbagliassi
nè fassi un tagliu à una manu.
Davanti à u so scambellu, tutti l’arnesi sò assistati : ci
sò i trinchetti di tutte e dimensione, l’alesine, e forme,
i martelli, i fili, e scatule di stacchette è quelle di a pece
chì adoranu tantu… In fondu à a buttega sò infilati
bucinelli di pelle fine è fogli di coghju più grussulanu da
fà sole pè i scarpi grossi.
- O Ziu Dumè, site prontu pè issa fiera ?
Ùn risponde u vechju, ma mullendu u so trinchettu,
insegna cù a manu unepoche di cascette di legnu
accatastate daretu à u scambellu, po dece o dodeci
paghje di scarpi nove framante, poste nant’à una tavula
azzingata à u muru. Po si mette à parlà, ellu chì ùn apre
à spessu a bocca :
43