Mise en page 1

punente ! Avarà intesu bè ? Li si pare di ricunnosce un
mutore. Eppuru u mare hè sempre disertu… Ellu ùn
capisce più. Tandu scopre un pinnechju di fume chì
colla sopra à a culletta in direzzione di L’Algaiola.
- U trenu ! Hè u trenu chì ghjunghje da Calvi !
Forse u battellu avarà accustatu quallà ? Allora Babbu
sarà à u trenu ! Aghju da falà à dilla à mamma…
Ma ind’è u mentre ch’ellu s’avvia ver’di u portu, sente
voce è mughji chì collanu da a gara, al dilà di u ponte :
hè piantatu u trenu, è nant’à a calata, ci hè cum’è un
scumbugliu, un sussuru… Hè luntanu a gara ma u
zitellu hè ochjifinu, è scopre u smaniccime di a folla chì
cresce ingiru à i vagò.
- Sta volta ne sò sicuru : hè accadutu calcosa !
Corre corre Petrantone à via di u portu per cuntà à a
mamma ciò ch'ellu hà vistu è intesu. Corre chì li si pare
di vulà. Sfiatendu, ritrova à Maria. Ella, sbiadata da i
pinseri, hè in cumpagnia d’un’ antra donna. Traminduie
s’appoghjanu à u capriulè. Ùn pò mancu parlà.
- O u mo figliolu... hè più di miziornu, è u battellu ùn
ci hè !
- Hè ghjuntu u trenu da Calvi, o mà. Ci vole ch’è no
passimu à vede (cala appena a voce u zitellu). Quant’à
mè hè accadutu calcosa, mì !
Maria torna bianca ancu di più. Li manca u rispiru.
- Corri subbitu, o Petrantò ! Eiu ti righjungu cù u
capriulè… Vai, vai prestu u mo figliolu !
Senza occupassi di l’altre ghjente chì s’avvicinanu per
chere nutizie, u zitellu parte currendu à via di a gara…
Macaru cù a folla chì passa è chì vene nant’à a calata,
a prima persona ch’ella vede Maria, falendu da u
capriulè, hè Petrantone chì pienghje à core rottu,
19