Mise en page 1

sia una festa ! Petrantone guarda l’acelli di mare, acule
marine* è marangoni*, chì ogni tantu si spiccanu di
l’acqua pè sponesi nant’à un scogliu, è mette à sunnià…
- Cusì belli, quand’elli anu l’ale sparte ! Babbu m’hà
dettu chì sopra à e transcè passanu per aria mascine chì
s’assumiglianu à l’acelli. « Aéroplanes » si chjamanu in
francese, ma certi dicenu « avions ». In corsu, si pò dì
« aviò » : hè più faciule.
À u zitellu, li farebbe piacè di vedene unu d’iss’aviò…
Ma per avà, hè un battellu ch’ellu aspetta, è quand’ellu
guarda l’orizonte, ùn vede sempre nulla…
Allora, à pocu à pocu li venenu i pinseri… Per dassi
curagiu, ellu ficca a manu in stacca per tuccà u so
portafurtuna. Nulla !
- Mì chì ùn ci hè più !
Subbitu cerca ind’è l’altra borsa.
- Ahù ! Ùn ci hè ! Ah, chì l’aghju persu !
À Petrantone tandu, macaru cù u sole digià altu, li vene
cum’è u fretu…
- Ùn l’aghju più ! Aghju persu a mo Cursichella ! Hè
gattivu segnu…
À l’orizonte, fume ùn si ne vede.
- È issu battillacciu chì ùn vole ghjunghje !
U zitellu vularia falà cù a mamma, dilli ch’ellu hà
persu a so Cursichella, sparte cun ella i so pinseri, ma
ùn riesce à staccà i so ochji da l’orizonte. È passa u
tempu… Avà, quaiò nant’à u portu, rimori ci n’hè di
menu, rise ùn si ne sente più… Petrantone capisce chì
tutti quelli chì aspettanu sò inchieti. U sole hè ghjuntu
à u so puntu u più altu. U zitellu principia à avè a fame,
ma ùn vole lascià u so postu d’osservazione… Un
rimore, cum’è una trepidazione, quallà ver’di u
17