Mise en page 1

Lisula, un gran prufessore di midicina chì face u giru di
tutte e cità di Corsica pè scuntrà i medichi. Sarà ellu
chì ghjunghje. Anu da parlà d’issa malatia cusì strana
chì dà a frebba forte, avà, in pienu estate…
- Cum’ella l’hà chjappa Anna, a cugina di Mamma, in
Palmentu… E ghjente sò inchiete. Ci sò chì parlanu di
culerà, di pesta…
- Dicenu ancu chì ind’è certi paesi, ci sò i morti, ma
chì nimu a vole palisà…
- Spiremu ch’issu capazzone pudarà fà calcosa…
Morti ci n’hè abbastanza à u fronte…
Ghjunti in paese, i zitelli anu da sparte i fichi.
- Vai à circà una sporta ind’è tè, o Bastià. Ti ne
pigliarei a mità… Eiu t’aspettu quì, à u frescu.
Ind’è u mentre chì u so amicu colla in casa soia, sopra
in la stretta, Petrantone carezza à Ficcanasu. Sta mane,
u cane ùn l’hà accumpagnati in campagna chì ùn ci era.
Avà, cuntentu di ritruvà u so patrone, l’animalu si
stripula in tarra, aspittendu carezze ancu di più. Cù a
coda, spazza e petre di a chjappata.
- Pianta, pianta chì faci a polvare ! Mì cum’ella...
U zitellu s’ammutulisce. Trà mezu à duie petre tonde,
propiu à u locu pulitu da Ficcanasu, hà vistu luccicà
calcosa. Cù un steccu, caccia subbitu a tarra, è tandu
ricunnosce u portafurtuna ch’ellu avia persu, duie
simane fà, quellu funestu sedeci d’agostu.
- A mo Cursichella!... Era cascata quì… di sicuru à u
mumentu di parte cù u capriulè… È oghje a ritrovu !...
Grazia à tè, o Ficcanà !
U cane felice di vede à Petrantone cusì cuntentu si
mette arrittu nant’à e so zampe è, appughjatu à u
zitellu, li vole liccà a faccia.
50