Mise en page 1

U mutore schjuppitteghja, cappiendu un fume negru.
- Umbà ! Què ùn vale e vitture di l’altru ghjornu, dice
Martinu.
- Ma induve sò i prigiuneri ? Eiu ùn vecu à nimu...
Forse saranu digià passati ?
- Innò, mirà, mirà ! risponde Bastianu mustrendu a
bocca, quallà, davanti à Sant’Antone.
I zitelli sentenu un rimore di farri strascinati, po
scoprenu cum’è una prucissiò d’omi vistuti di grisgiu chì
affaccanu nant’à a strada. Tutti i trenta passi, à fiancu
à elli, un giandarme à fucile in manu…
- Mì, mì quant’ellu ci n’hè ! Sò almenu centu, dice
Roccu.
- Aghju capitu perchè elli viaghjanu pianu : avete
vistu e catene ch’elli anu à i pedi ?
Infatti, i prigiuneri sò piazzati per dui, è ognunu hà u
pede mancu strintu ind’un bracciulettu di farru ligatu
da a catena à quellu chì siguita. Sò stunati i zitelli : hè
a prima volta ch’elli ne vedenu tanti, è mai sin’à oghje,
ùn eranu incatinati.
- Di sicuru, hè per via di i morti di u battellu, dice
Bastianu.
Pianu pianu, a fila di i prigiuneri s’avvicina da u locu
induv’elli sò i zitelli. Tandu, da Piazza à a ghjesgia,
s’alzanu voce furiose :
- Assassini !
- V’avemu da tumbà à tutti !
Petrantone, da induv’ellu hè, pò vede unepoche di
persone, omi è donne, chì, guardendu passà l’Alimani,
i minaccianu di pugnu. Ellu, puru dopu à a morte di u
babbu, ùn hà mai pinsatu ch’issi povari prigiuneri
fussinu rispunsevuli di a tragedia di u « Balkan ». Sà chì
45