Mise en page 1

a famiglia, Petrantone, macaru cù a pena chì li strughje
u core, riesce à tene l’ochji secchi…
- Babbu, s’ellu mi pudia vede, sarebbe fieru di mè…
È si mette à pinsà u zitellu à quella sera, à e parolle di
Ghjacumusantu chì li avia parlatu cum’è à un omu.
Eramu di marzu, à l’entre di u veranu, è l’avia rigalatu
quella Cursichella di ramu…
- « Ti purtarà furtuna », m’avia dettu. Ma eiu l’aghju
persa, è avà Babbu hè mortu… Dice Mammona chì,
finch’ella ùn sarà cunnisciuta a lista di quelli chì si sò
salvati, ùn pò esse omu sicuri di nulla. Avemu aspittatu
eri à Lisula. Ma à sei ore di sera, anu annunziatu chì i
nomi ùn sarebbenu dati cà dumane. Avà, ci simu guasi,
à dumane, ma eiu à un miraculu ùn ci credu… Eppuru,
da ch’ellu farà ghjornu, andaraghju in merria à aspittà
ch’ellu sia postu l’affissu.
Pianu pianu, persu ind’è i so sonnii, chjode l’ochji
Petrantone… Calatu ind’un sidione, ùn vede mancu u
primu ragiu di u sole chì si pesa quallà, sopra à e
muntagne di Belgudè…
- O Petrantò, o Petrantò !... Aiò, discetati !
U zitellu trasalta*, si strufina l’ochji… U sole hè altu in
celu. Face u caldu.
- Chì ci hè ? Mì chì m’era addurmintatu !
Luisa, a surella maiò, si stà arritta accantu à ellu. Hà
l’ochji bagnati di lacrime. Petrantone capisce subbitu.
- Anu affissatu a lista ?
- Iè, u mo fratellu. È Babbu ùn ci hè !
Senza pudè dì una parolla di più, a giuvanotta si piatta
l’ochji cù e so mani è parte piinghjendu à via di a
camara di e femine, à u primu pianu.
Petrantone si stà solu in salottu. Mancu l’hà stunatu sta
24