Mise en page 1

- È po ci sò ancu i gasi murtali chì vi tombanu da ch’è
vo i rispirate, i lampa fiara, e mitragliose rapide, i
battelli currazzati è i sottumarini cum’è quellu chì hà
turpigliatu u « Balkan »…
- Hà a ragiò Santu… E guerre di u nostru seculu
saranu terribbule. Issu veranu, è sin’à un mese fà, e
nutizie di u fronte eranu pessime, macaru cù
l’Americani chì ci aiutanu dipoi annu. L’Alimani anu
lanciatu un attaccu generale cù l’arme chì arrecanu
l’insiscu* ! Ancu di grazia, oghje sò elli chì rinculanu…
Ma s’è no vincimu, ci vole à spirà ch’issa guerra sia
l’ultima…
U mondu po ci hè in piazza à a ghjesgia ! Oghje, ci hè
una ceremonia ufficiale pè a morte di Ghjacumusantu.
In ogni paese induv’ellu ci hè statu una vittima di u
« Balkan », u Sottu Prefettu, u Deputatu, u Cunsigliu
Generale, u Merre cù i so cunsiglii, è ancu u Vescu è
unipochi di curati, aduniscenu a pupulazione per un
omagiu à u sparitu.
Davanti à una tribbuna di legnu fasciata d’una bandera
turchina, bianca è rossa, i persunagi ufficiali si stanu
arritti, in fila, sticchiti è incustumati.
Daretu à elli, i paisani, omi, donne, vechji è zitelli, stanu
à sente i discorsi. Nant’à e late, i giandarmi in tinuta
prisentanu l’arme, è l’anziani suldati di a Guerra di u
Settanta alzanu bandere chì chjoccanu cù u ventu. À a
tribbuna, u Sottu Prefettu hà a parolla. Ogni tantu ellu
s’addirrizza à a famiglia di Ghjacumusantu chì si stà
ghjustu sottu, accantu à u merre.
« …car il est mort en faisant son devoir sacré de soldat,
au service de sa Patrie qui lui sera pour toujours
reconnaissante… »
31