Mise en page 1

à e to surelle… Tè, ti docu a mo Cursichella magica.
S’è tù a teni sempre addossu, ùn m’accadarà nulla : hè
un portafurtuna. Ma attenti, ùn ci vole à perdela… ».
Ùn la v’aghju mai fatta vede… ma a tengu sempre in
stacca. Ogni tantu a pigliu in manu è mi dà curagiu.
Dipoi a fine di lugliu, hè vera chì, à spessu, mi sò
dumandatu s’ella mi purtava sempre furtuna… Oghje,
ne sò sicuru : issa lettara, ch’è n’aspittavamu tantu, hè
puru ghjunta ! È vennari, Babbu sarà quì cù noi.
Luisa, a surella maiò di u zitellu, affacca tandu cù un
bacile di robbe da lavà in capu.Và à u lavandaghju* di
Piazza à E Teghje.
- O Petrantò, ùn ti ne scurdà d’andà à pasce u porcu
à a Crucetta. Mamma t’hà appruntatu un stagnone di
ghjanda è di buchje. Ùn la fà aspittà chì ella ùn sà
induve sbatte : in più di u travagliu di tutti i ghjorni, ci
vole ch’ella fia a pulizia di a casa per vennari.
Ùn la si face dì duie volte u zitellu. Ficca in stacca u so
ghjuvellu è, abbandunendu i so cumpagni, corre
subbitu subbitu à via di a so casa.
12