Mise en page 1

« L’émigrant de Landor road » ch’ellu ùn capisce bè ma
chì li piace tantu, « La Loreley », « Saltimbanques », è
tanti è tanti altri…Tutti sò pieni di dulcezza è di
nustalgia, è li si pare chì e parolle si scorrinu cum’è
acqua. Unu d’issi puemi, cortu cortu, li stringhje u core
quand’ellu u leghje : Si chjama « L’adieu » è dice :
« J’ai cueilli ce brin de bruyère
L’automne est morte souviens - t’en
Nous ne nous verrons plus sur terre
Odeur du temps brin de bruyère
Et souviens-toi que je t’attends ».
Correnu e lacrime nant’à u visu di u zitellu chì, chjosu
ch’ellu hà u carnettu, ripete à mente issi cinque filari
cusì cummuventi. Ma ellu ùn hà compiu di circà.
Piattu sottu à una pila di robbe, scopre un antru
carnettu, di culore rossu.
- Mì ! Què ùn l’aghju mai lettu !
Sà u zitellu ch’ellu face una cosa difesa, u so core batte
à a lesta, ma a curiosità hè più forte cà a paura.
- Sì Mamma mi vidissi ! Forse l’hà piattatu per chì eiu
ùn lu possi truvà… Ùn vole dì ! Avà, u mi leghju.
Ritrova Petrantone a scrittura diritta è rigulare di u
babbu è, subbitu subbitu, ellu ùn pensa più chì ciò
ch’ellu face hè difesu : a magia di i filari d’Apollinaire
hè a più forte.
« Jadis, jadis vivait m’amie
Une princesse aux cheveux d’or… », Po :
« As-tu connu Guy au galop
Du temps qu’il était militaire
As-tu connu Guy au galop
Du temps qu’il était artiflot
A la guerre… »
38