Mise en page 1

otule, cusì… Anu un cannone è parechje mitragliose. Vidarete
chì un ghjornu, rimpiazzaranu i cavalli, ind’è e battaglie.
- Iè, tuttu issu materiale mudernu scambia a vita di
u suldatu… Ricurdatevi : digià, à u principiu di a
guerra, di sittembre 1914, Parigi hè statu salvatu grazia
à e vitture, i « Tazzì di a Marna »… Iss’aspettu di a
guerra - e tecniche nove - piace assai à i zitelli. Allora
elli s’avvicinanu u più pussibbule di l’omi chì
discorrenu, pè sente megliu ciò ch’elli dicenu.
- È à Verdun, e truppe fresche ghjunghjianu pè a «
via sacra » in vittura o in camiò… Ciò chì ci hà
permessu di vince issa battaglia… A dicianu torna a
simana scorsa nant’à u giurnale.
- Chì mi parli di i giurnali ! Ai lettu quellu d’oghje ?
In prima pagina, parlanu di l’affundamentu di u
« Balkan ». Ma u nome di u battellu, ùn ci hè ! Tuttu
ciò chì dispiace à i nostri capazzoni di l’Armata, u
caccianu. Taglianu l’articuli ! È cusì, nant’à a prima
pagina di u « Petit Bastiais » di sta mane, ci era più
biancu cà scrittu !
- Ma ci vole à capilli… Ùn si ponu permette di
scuragisce e ghjente dendu gattive nutizie.
- Gattive nutizie ? È a verità, chì ne faci ? Ùn simu
micca zitelli, è sapemu ciò ch’ella hè a guerra, nò ?
- O ziu Dumè, voi avete fattu quella di u Settanta, ma
quella d’oghje ùn hà nulla à chì vede cù e battaglie di
Napulione u Terzu. Oghje ci sò l’arme terribbule :
avemu parlatu di l’aviò è di i carri armati, ma esistenu
ancu cannoni maiò chì tiranu obbusi più larghi cà voi
à più di sessanta chilomitri…
- Iè, a socu… In francese si chjama « La Grosse
Bertha »… Hè un cannone bosciu.
30