Mise en page 1

Prefettu pè a ghjurnata. Dumane, rientre in Aiacciu. A
so vitezza massima hè di 90 à l’ora... È avete vistu, e so
lanterne sò eletriche !
I zitelli sò ghjunti à e soie. Vularianu discorre torna cù
u cunduttore chì sà tante cose nant’à e vitture, ma
tandu compie a ceremonia, è in più bella, vicinu à a
funtana affaccanu miraculi di persone, frà e quale tutti
i capazzoni incustumati chì s’approntanu à lascià u
paese.
Petrantone si ne rientre in casa soia. Avà chì hè mortu
u babbu, ellu sà chì a so vita sarà cambiata per sempre.
Ci vularà à travaglià ancu di più per aiutà a mamma.
Ella face ciò ch’ella pò per piattà u so dulore, ma ogni
tantu si sarra in camara per pienghje…
U zitellu hè prontu à fà vede à tutti ch’ellu hè curagiosu
è ch’ellu pò travaglià guasi cum’è un omu…
È quand'ellu risintarà troppu curdogliu, ùn avarà cà da
pinsà à isse vitture splendide ch’ellu hà vistu davanti à
a funtana.
- È po forse chì un ghjornu, quand’ella sarà compia
issa guerra è ch’e saraghju un omu, forse mi pudaraghju
cumprà anch’eiu una vittura cusì…
35