Mise en page 1

- Sì di Santa Riparata ?
- Iè, stocu à U Poghju… quassù, mirà, ver di A
Stazzò… Perchè ?
- Allora cunnosci a famiglia Martelli ?
- Martelli, simu parechji in paese… Eiu mi chjamu
Martelli, Petrantone Martelli…
- È à Ghjacumusantu Martelli, u cunnosci ?
- Hè Babbu… Ma ellu hè mortu ind’è l’affundamentu
di u « Balkan ». Sò duie simane oghje. Mirà, què hè u
portafurtuna ch’ellu m’avia rigalatu. Ma furtuna à noi,
ùn ci n’hà purtatu tanta… Hè per quessa ch’e l’aghju
ghjittatu…
U suldatu, tandu, guarda à Petrantone cù un’aria strana
è li dice :
- O u mo zitellu, tè, chjinati quì nant’à sta petra.
T’aghju da cuntà calcosa chì t’avarebbe da fà piacè…
Petrantone, senza capisce, si mette à pusà è aspetta.
- A matina di u 15 d’agostu, imbarchendu nantà issu
famosu battellu, aghju ritrovu à Babbitu. Eramu amichi
da u principiu di a guerra ma, di Farraghju 15, eiu sò
statu mandatu nant’à u fronte di a Somma, è ellu s’hè
firmatu nant’à a Marna… Da tandu, ùn ci eramu mai
più visti… Poi pinsà cum’è no simu stati cuntenti di
ritruvacci quellu ghjornu in Marseglia ! Ma nant’à
quellu battillacciu, l’ore passavanu, è ùn lasciavamu u
portu. Un prublemu di pressione di e caldaghje… Ci
vole à dì chì u « Balkan » avia guasi quaranta anni, è
era un miraculu ch’ellu pudissi sempre navicà… Allora,
è aspetta è aspetta, Babbitu n’hà avutu una techja.
M’hà prupostu di sbarcà à l’appiattu per andaccine in
cità à beieci qualcosa. Cusì avemu fattu…
Petrantone ascolta u so core chì pichja di più à in più
56