Mise en page 1

persu, dunque u babbu, ùn lu vidarà più…
- È ellu, cusì, sarà u cinquantottesimu… Chì
disgrazia issa guerra ! Chì scumpientu ! Quantu saranu
oghje i zitelli chì, cum’è mè, pienghjenu un babbu ?
Ellu si stringhje forte à a mamma. O li pienti ! Sta volta,
di u capriulè ùn si n’occupa. Babbone hè falatu cù u
sumere di Filice, un so amicu, sin’à Lisula, à ricuvarà à
Petrantone è à a mamma. Hè ellu chì cunduce. L’altra
fera hè ligata daretu à a carretta è siguita.
Quand’elli francanu u paisolu di Palmentu, u sole si
piatta daretu à Sant’Anghjulu. Guardenduli passà, l’omi
chì sò in piazza si caccianu u cappellu o a baretta… In
paese sò accolti da a famiglia è da l’amichi. Certi ùn ci
volenu crede :
- Ùn ti ne fà, o Marì ! Sò sicuru chì Ghjacumusantu
hè sempre vivu… L’ai da rivede à Babbitu, o Petrantò…
Ma u zitellu, speranza ùn ne hà più. Ricullendu da
Lisula, avia dumandatu à Maria :
- Sà nutà Babbu, o Mà ?
Ella avia aspittatu appena prima cà risponde, ind’un
soffiu :
- Innò, u mo figliolu. M’hà palisatu un ghjornu
ch’ellu hà sempre avutu a paura di l’acqua…
22