Mise en page 1

di tutti i morti paisani ch’elli cunniscianu. Bastianu hà
persu un ziu di sittembre 14, à a battaglia di a Marna,
è dunque capisce ciò chì ognunu, ind’è a famiglia, pò
risente.
- Sai, quand’è n’avemu amparatu a nutizia, noi altri,
eramu di sittembre 14, poche simane dopu à u
principiu di a guerra…
- È cumu l’avete sapputa ch’ellu era statu tombu,
Vittore ?
- Un ghjornu, a mo zia tindia e robbe à u tinditoghju,
davanti à a casa. Hà vistu affaccà dui giandarmi cù u
merre. Unu hà cacciatu da a so stacca un fogliu di carta
turchina, è l’hà lettu à Santa. Cusì anu amparatu chì u
maritu era mortu. « Mort au champ d’honneur », anu
dettu. Santa s’hè svinuta*. Anu avutu à trascinalla in
casa… Da quellu ghjornu, ella s’hè vistuta di negru, ùn
esce più di casa, è ogni 9 di sittembre, accende una
candela nant’à a finestra.
- Vittore hè statu u primu mortu paisanu, mi pare ?
- Iè, u primu suldatu… Ma da tandu, e famiglie
campanu ind’è a paura di vede ghjunghje u merre o i
giandarmi cù u dispacciu* in manu. È l’affare accade à
spessu…
Pasquale piglia a parolla :
- Ma per babbitu, avete ricivutu calcosa, o Petrantò ?
- Per avà, nulla… Ma ai vistu, nant’à a lista di quelli
chì sò vivi, u nome di Babbu ùn ci hè. Dunque, avà
simu sicuri ch’ellu hè mortu…
Bastianu, chì ùn avia finitu di parlà, ripiglia :
- Mi ricordu, pè u mo ziu, quand’ellu hè ghjuntu ind’è
a cascia. Prima cà intarrallu, ci hè statu una veghja.
Tandu, eiu avia sei anni, ma mai mi scurdaraghju di
26