La strada del formaggio - Gustolocale
La strada del formaggio - Gustolocale
La strada del formaggio - Gustolocale
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Carnevale<br />
34<br />
Ze ciara l'aria,<br />
rasserenà,<br />
e mi sul tàcito<br />
balcon sentà<br />
vardo le màscare<br />
che sul viale<br />
bala cantando<br />
al carnevale.<br />
Ciamo na màscara<br />
inboressà.<br />
"Ciò, mascareta,<br />
come la va?"<br />
"<strong>La</strong> festa infuria,<br />
el vin no 'l manca,<br />
balo e me àgito<br />
a drita e a sanca.<br />
A go coriàndoli,<br />
stele filanti,<br />
voja de vìvare<br />
par tuti quanti,<br />
se ghe ze grùstoli<br />
e bussolai<br />
qua l'alegressa<br />
no manca mai.<br />
A magno frìtole<br />
in abondansa<br />
fin a ris-ciare<br />
el mal de pansa;<br />
ma un bon giosseto<br />
de vin novelo<br />
fa desgropare<br />
ogni buelo.<br />
Balo e desméntego,<br />
mi mascareta,<br />
che la quarésema<br />
vien vanti in freta.<br />
Anca ti, dài,<br />
vien zo a balare,<br />
la to quarésema<br />
la pol spetare".<br />
Cusì la màscara<br />
con alegria<br />
la fa l'inchin<br />
e la va via.<br />
E mi sul tàcito<br />
balcon sentà<br />
resto pa un àtimo<br />
inpapinà.<br />
Ma vuto propio,<br />
santa passiensa,<br />
che sia za ora<br />
de penitensa?<br />
E che par mi<br />
sia za finia<br />
l'ora gioiosa<br />
<strong>del</strong>'alegria?<br />
A vo de corsa<br />
zo par le scale,<br />
vojo cantare<br />
al carnevale;<br />
la festa infuria<br />
el vin no 'l manca,<br />
balo e me àgito<br />
a drita e a sanca.<br />
Capisso alora<br />
che me incantésema<br />
pi el carnevale<br />
che la quarésema,<br />
a me desméntego<br />
de la me età,<br />
rido e sganasso<br />
come un danà.<br />
Eviva i grùstoli<br />
e i bussolai:<br />
ch'el carnevale<br />
no more mai;<br />
viva le frìtole<br />
d'istà e d'inverno:<br />
ch'el carnevale<br />
dure in eterno.<br />
Balo coi tosi<br />
alsando al celo<br />
el me bicere<br />
de vin novelo,<br />
e po me giro<br />
con derision<br />
verso el me tàcito<br />
scuro balcon.<br />
Alora el tàcito<br />
ride e el me frusta:<br />
"Ciò, mascareta,<br />
cóntala giusta!"<br />
Ma 'l balo infuria,<br />
el vin no 'l manca,<br />
e mi me àgito<br />
a drita e a sanca.<br />
Giorgio Zambon<br />
de "<strong>La</strong> Panocia"<br />
di Schio