Plinius, naturalis historia 35,98 - Lettere e filosofia

aspiciam aut Grais servitum matribus ibo,
Dardanis et divae Veneris nurus [et tua coniunx];
sed me magna deum genetrix his detinet oris.
Iamque vale et nati serva communis amorem.'
Haec ubi dicta dedit, lacrimantem et multa volentem 790
dicere deseruit, tenuisque recessit in auras.
Ter conatus ibi collo dare bracchia circum;
ter frustra comprensa manus effugit imago,
par levibus ventis volucrique simillima somno.
rebus hoc nomen adiungitur.
regnvmqve et regia cur ergo Aeneas horum
non meminit, et considit in Thracia et aliis
locis?
parta an parata, an adquisita armis? lacrimas
dilectae pelle crevsae melius ad posteriora
referimus, ut dicat: noli flere, nec enim
captiva sum. male enim plerique dicunt, quia
habes uxorem paratam.
servitvm ut serviam; verbum finitum et
modus gerundi est.
dardanis laus a maioribus.
nvrvs laus a cognatione. sane hunc versum
quidam ita supplevit 'et tua coniunx'.
his oris in quibus colitur plus, quam in Creta.
iamqve vale recedentis significatio est: unde
et mortuis dicitur, ut "salve maxime Palla
aeternumque vale".
nati serva commvnis amorem quasi mater
sollicita, quod dixerat, eum aliam habiturum
uxorem. bene ergo propter futuram
novercam commendatur Ascanius.
manvs effvgit imago quasi imago, quae non
tenetur. naturale enim est, ut non possit
teneri. nam in sexto quod ait "da dextram
misero", auxilium significat.
par levibvs ventis puris et non vehementibus.
simillima somno sic Cicero "simillimum deo
iudico". nam genetivo debuit iungi.