Superspar Springbok - Nuwe dimensies

More documents

Recommendations

Info

Namakwa’s kou klippe De Beers is al vir omtrent 80 jaar in die diamantbedryf in Namakwaland en het al miljarde rande se diamante uit die gebied gemyn. De Beers is nou besig om Namakwaland te verlaat en laat baie min vir die Namakwlanders as erfenis na – behalwe groot areas ongerehabiliteerde mynhope. Tot op hede is baie min van hul sosiale verantwoordelikhede nagekom. De Beers het nou die Namakwalandmyne aan Transhex verkoop en die gemeenskappe is ongelukkig omdat ook Transhex , wat alreeds in die gebied myn, baie min van hul sosiale verantwoordelike nagekom het. Die transaksie het R225 miljoen beloop en is in vennootskap met Emarald Panther Investment (EPI) en Transhex wat elk ‗n 50 % aandeel het. Die gemeenskappe was oor die jare nog net werkers op die myne en het geensins gedeel in die rykdom en het geen voordele geput uit die myne nie. Geen transformasie in die mynboubedryf het plaasgevind nie en die gemeenskappe was ook nie gekonsulteer oor die transaksie soos deur die Minerale en Petroleum Hulpbronwet vereis word. Die Departement van Minerale en Energie (DME) sal na verwagting binnekort besluit oor die oordrag van mynregte aan Transhex. Die gemeenskappe poog nou om die Minister te oortuig om hierdie besluit uit te stel, totdat behoorlike konsultasie met belanghebbende en geaffekteerde gemeenskappe gevoer is. Dit is van kardinale belang dat gemeenskappe vooraf moet weet hoe die transaksies hulle gaan affekteer, sodat hulle kan pro-aktief en nie re-aktief reageer nie. Daar is ‗n omgewingsbestuursplan by die <strong>Springbok</strong> biblioteek wat deur De Beers beskikbaar gestel is, maar dit sluit geen kosteberaming vir die rehablitasie en restorasie in nie. Onafhanklike konsultante het beraam dat die koste vir die rehablitasie en restorasie na beraming sowat ‗n biljoen rand kan beloop. Die restorasie volgens onafhanklike konsultante kan sowat 150 permanente werksgeleenthede skep vir die volgende 15 jaar. Die gemeenskappe kan direk daarby baatvind en dit kan gesien word as ‗n gulde geleentheid vir werkskepping. De Beers kan ongelukkig nie sy verantwoordelikheid oordra aan ‗n maatskappy soos ‗n Transhex wat nie die finansiële kapasiteit het om dit te kan doen nie. Transhex het nog glad nie sy myne in Hondeklipbaai gerehabliteer nie en kan ongelukkig ook nie nog pa-staan vir De Beers se myne nie. Die R225 miljoen vir die transaksie skiet ver te kort en voldoen nie eens beraamde koste van rehablitering nie. Die DME het ‗n verantwoordelikheid om nie van die gemeenskappe te vergeet wat direk hierdeur geraak word nie. Mnr. Dawid Markus, ‗n inwoner en aktivis van Hondeklipbaai wys daarop dat ―dit gebeur te gereeld dat groot mynmaatskappye die land se natuurlike hulpbronne uitbuit sonder om die skade wat aangerig word, te herstel. ‗n Bewys hiervan is die skade wat berokken is in Nababeep, Okiep en Carolusberg, terwyl die mynmaatskappy jare gelede reeds onttrek het sonder om enige rehablitasie en restorasie te doen. Die gemeenskappe moet nou met die gelag sit.‖ Die maatskappye en groot besighede moet hulle verpligtinge nakom en daar moet spesiaal gefokus word op sosiale volhoubaarheid en ekonomiese bemagtiging. As daar nie op die nasionalisering van myne gekonsentreer word nie, is die ope vraag ―wat is die alternatief?‖ Die stem van die gemeenskappe waar daar gemyn word, word nie gehoor nie. De Beers het in verlede week se Mining Weekly gesê, dat daar 5000 werksgeleenthede geskep gaan word wat nie op die mynbou geskoei is nie, onder andere 1500 geleenthede by ‗n windplaas. Volgens die besigheidsplan egter is daar slegs ongeveer 40 werksgeleenthede wat geskep word vir die oprigting van die windplase en ongeveer 3 permanente werksgeleenthede vir die instandhouding van die plaas. Wat die perlemoenplaas betref is daar nie voordele nie en dividende gaan eers oorbetaal word sodra daar winste getoon word; dit kan maklik eers oor tien jaar wees. Volgens Christie Pisane, algemene bestuurder van De Beers is ‗n besigheidsontwikkelingssentrum in Kleinzee gestig en dit het alreeds 400 werksgeleenthede geskep. Waar is die werksgeleenthede waarvan hy praat? Dit is tyd dat die gemeenskappe in Namakwaland hierdie tipe dinge debateer en nie toelaat dat die mynmaatskappye en spesifiek De Beers, ons mense om die bos lei nie. Die gemeenskap van Hondeklipbaai het ‗n geregistreerde grondeis op die gronde van De Beers wie nou die grond wil verkoop en weghardloop van hul verantwoordelikhede. ―Jou velkleur straf jou‖ volgens Markus ― en die swartes het nie regte op grond nie. Dit is tyd dat ons vir ekonomiese vryheid moet veg en onsself verlos van die slawementaliteit en deel vorm van die ekonomiese hoofstroom.‖ ‗n Aksiegroep is gestig as ‗n mondstuk vir die inwoners van Namakwaland om die mynmaatskappye verantwoordelik te hou om hul verpligtinginge - sosiale, ekonomiese on omgewings - teenoor die inwoners van Namakwaland na te kom. Vir verdere inligting oor hierdie aksie kan die volgende lede van die aksiegroep geskakel word: Ester Engelbrecht (0726113775) of Dawid Markus (0719508523) Nota: op bladsy 31 – artikel oor landbouprojekte wat Trans Hex reeds in die Richtersveld saam met die gemeenskappe suksesvol bedryf. Namakwa Kletz sal op gereelde basis berig oor ander projekte waarmee hulle in hierdie area besig is. Spesifieke rehabilitasieprojekte gaan ook binnekort meer suid begin word. Namakwa en Siyanda suig aan die agter speen 12 Die Departement van Koöperatiewe Regering, Tradisionele Sake en Huisvesting het sy jaarlikse verslag ingedien. Opvallend uit hierdie verslag is dat veral Namakwaland die stiefkinders is van die provinsiale regering. Uit die jaarverslag van hierdie departement het dit duidelik geword dat Namakwaland en Siyanda die minste huise ontvang het. Dit blyk ook duidelik dat daar vir hierdie jaar en ook volgende jaar nie vir huise beplan is nie. Die DA is van mening dat dienslewering skeef getrek is ten gunste van sekere areas. Die DA is oortuig dat meer gedoen kan word vir hierdie twee streke wat die skatkis van die provinsie is. Verder meer, is gelde uit infrastruktuur en opgradering van paaie minimal. Hierdie groot infrastruktuur projekte behoort hope werksgeleenthede te skep. Die DA het aan hierdie departement gevra om te verduidelik hoekom dit so is. Die regerende party is weer besig om politiek met mense se lewens te speel en gebruik staatsinstansies wat dienste aan almal moet lewer, daarvoor. Die antwoord van die departement op die vraag was dat hulle eers agterstande in ander areas wil uitwis. Hulle het ook belowe om aandag hieraan te skenk. Die DA sal hierdie beloftes en verwikkelinge dophou en deur die Nama-Khoi munisipaliteit aan die hele gemeenskap oordra. (ALLEN GROOTBOOM, LPW DA NOORD-KAAP: KIESAFDELINGSHOOF) No ! 2 Verbal Abuse EGSKEIDING Die ou man in die Kaap bel sy seun in Windhoek die dag voor Ou Kersaand en sê: "Ek haat dit om jou dag te bederf, maar ek moet jou vertel ek en jou ma gaan na 45 jaar se getroude lewe skei." "Pa! Waarvan praat jy?" skree die seun. ... "Ja," sê die pa. "Ons het niks meer vir mekaar te sê nie en ons kan mekaar net nie meer langer verduur nie. Ek is moeg om hieroor te praat, so sal jy asseblief jou suster in Randfontein bel en haar vertel." Die ontstelde seun haas hom om die slegte nuus aan sy suster oor te dra. By die aanhoor daarvan ontplof sy: "Dit sal die blerrie dag wees," skree sy. "Laat dit in my hande!" Sy bel haar pa in die Kaap en skree: "Julle gaan NIE skei NIE! Moet niks doen voordat ek nie daar is nie. Ek gaan my broer bel en ons sal albei more daar wees. Moet NIKS voor die tyd doen nie. HOOR PA MY?" en sy hang op. Die ou man skakel sy selfoon af, draai na sy vrou en sê: "Opgelos! Hulle kom vir Kersfees huis toe en hulle betaal hulle eie petrolgeld." While creating wives, God promised men " that good and obedient wives 12 would be found in all corners of the world.And then He made the earth round. 12
Waarheen is ons trustgeld? Die DA takke in Wyk 3 in die Kamiesberg, het `n DIE DA REIK UIT-program van stapel gestuur na die onlangse takherstruktuering regoor die provinsie. Die takke in Wyk 3, poog om deur die program elke maand iets konstruktief in hul dorpe te doen, tot voordeel van hulle onderskeie gemeenskappe. Op Dinsdag 06 Desember 2011, het lede van die plaaslike DA-tak en ander vrywilligers die begraafplaasterrein van hoek tot kant gaan skoffel, gehark en gevee. Die Wyksraadslid, Rld.Hilgard Links, het die aksie van die inwoners geloof en voorts gesê " Jy gee maar min as jy van jou besittings gee, jy gee eers werklik, wanneer jy van jouself gee. " Die verversings is voorsien met vriendelike komplimente van Rld. Hilgard Links. DA Kongres 2012 Provinsiale Leier: Weer Andrew Louw ? Provinsiale Voorsitter :Sal die dobbelsteen op Harold Mgluwa val? Dís hoe jy dit doen! 'n Paar jaar gelede het 'n Spaanse dorp 'n tweelingverhouding met een in Suid-Afrika gesluit. Die burgemeester van die Suid-Afrikaanse dorp het die Spaanse dorp besoek. Toe hy die paleisagtige woning van die Spaanse burgemeester sien, het hy gewonder hoe hy so 'n huis kan bekostig. Spanjaard: "Sien jy daai brug? Die EU het geld geskenk vir 'n vierlaanbrug, maar deur 'n enkellaanbrug met verkeersligte op te rig, kon hierdie huis gebou word."'n Jaar later is daar 'n omgekeerde besoek en die Spanjaard was verstom oor die Suid-Afrikaner se huis met die goue krane, marmervloere en jacuzzi. Hy vra toe hoe dit bekostig is. Suid-Afrikaner: "Sien jy daai brug daar?" Spanjaard: "Nee?" Trustees trap (vir 3de keer) klei voor parlement oor ‘verlore’ R18-m 13 ontwikkelingsgeld Derde keer is skeepsreg lui die spreekwoord, maar vir die trustees van die Alexkorontwikkelingstigting (AOS), ‘n instelling wat sedert 1993 broodnodige ontwikkeling in veral arm Namamkwalandse gemeenskappe moet bring, was verlede Vrydag ‘n warm dag voor die parlementêre portefeuljekomitee oor minerale hulpbronne. Die ses trustees is geskrobeer oor hul steeds versuim om stawende dokumente, oor hoe meer as R18-miljoen se ontwikkelingshulp spandeer is, voor te lê. Hul afwesige kollegas het skriftelik laat weet dat hulle nie die reisfondse het, eksamenopsieners is of verlof kon kry. Mnr. Fred Gona, die komiteevoorsitter het gesê die komitee is teleursteld dat die trustees, weereens nié hul finansiële beamptes samgebring het. Derhalwe is belangrike vrae deurentyd met slegs ‘n optrek van ‘n skouer, halwe antwoorde en soms openlike aggressie begroet. Gona het op ‘n stadium self gedreig om die sekuriteitswagte te roep om mnr. Josua Losper, ‘n trusteelid (hy is ook die speaker van die Nama Khoi-munisipaliteit) op te sluit toe die twee in ‘n woordestryd betrokke was. Die gort was gaar toe mnr. Lakus van Rooi, die voorsitter van die Namakwalandse ontwikkkelingsagentskap (Namda) verseg het om enige vrae te beantwoord. Hy het die komitee driftig versoek om die vrae eerder ―formeel‖ aan Namda - Namda is gevorm toe die trustees die AOS glo ―ontbind‖ het - te rig. Ook dat dit sy ―grondwetlik reg (is) om nie verder oor die kwessie te praat‖. Gona het gesê Van Rooi ―weet duidelik nie waar hy is. ―Jy dink jy is in ‘n straat êrens in die Noord-Kaap. ―Ons het jou gedagvaar om hier te wees. Dit is die eerste grondwetlike verpligting wat jy het‖. Me. Beverley Vries, ‘n trusteelid, het toe verder verduidelik dat Namda Edms. Bpk. as ‘n ―besigheidsarm‖ gevorm is en dat die AOS en Namda sedert 2004 ―onaktief‖ is. Namda Edms Bpk. sou onder andere lenings aan opkomende besighede en studente verskaf. Sowat R5-miljoen se lening is aan gemeenskappe gemaak, waarvan slegs R1000 terugbetaal is. Vries het erken dat sy en me. Ellen Delie (ook teenwoordig) ook geen terugbetalings op hul Namda-lenings van R10 000 gedoen het. Studente, wat nie hul studiebeurse kon terugbetaal, kon gemeenskapwerk verrig. Gona het teruggekap en gesê die komitee het hul eie speurwerk gedoen en gevind dat beleggings steeds in twee liggame plaasvind én dat sodanige beleggings nie gedokumenteer is. Dat die AOS R6.1-miljoen (dit is benewens die R18-miljoen) in Maart 2009 en R900 000 in 2010 ontvang het en dat selfs die Suid-Afrikaanse Mikrofinansieringsfonds (SAMAF) al probleme met Namda gerapporteer het. Volgens ‘n komiteelid, me. Faith Bikani sou dit beter wees indien ‘n regsproses eerder met die AOS en Namda gevolg word, synde die trustees die komitee se tyd en die publiek se geld mors. Gona het die trustees gewaarsku om weer op 24 Januarie 2012, mét hul finansiële beamptes te verskyn. Hulle moet ook alle geouditeerde finansiële verslae teen 2 Januarie by die komite inhandig. ( Julian Jansen-Rapport) Nama Khoi sukkel steeds met waterprobleme As gevolg van `n pyplyn wat oor jare nie na behore in stand gehou is nie, betaal inwoners van die NamKhoi gebied nou vir hierdie voorafgaande swak bestuur. Die hoof toevoerpyp is vir 12km totaal verweer. Sedibeng Waterraad het intussen die lyn oorgeneem en het reeds die eerste 6km vir vervanging identifiseer . Die omleining word bogronds gedoen, maar is weens tegniese probleme nog nie opgekoppel nie.Die pyp het die afgelope tyd sporadies op verskeie plekke gebars en dit het meegebring, dat ten spyte van voorbereidings getref, die watervlakke vinnig gedaal het en inwoners dae sonder water gesit het. Na herstel van die gebarste dele word water teen `n laer druk deurgevoer, wat a.g.v. die topografie van bv. <strong>Springbok</strong>,veroorsaak dat alle dele nie gelyk water kry nie. Alhoewel Nama Khoi slegs die water by Sedibeng aankoop en nie meer verantwoordelik is vir die pyplyn, het dit waar moontlik is, water na die gemeenskap pe aangery. Die munisipaliteit beskik egter oor beperkte hulpbronne en baie mense moes lank wag vir water.NamaKhoi vra om verskoning aan inwoners a.g.v. ongerief ervaar. Inwoners word aangemoedig om, wetende dat ons gereeld waterkrisisse het, voorsorg te tref en maar altyd `n spaar kan of twee met water aan te hou. `n Watertenk vir noodsituasies is ook `n goeie belegging. 13 12 14
Page 1 and 2: Uitgawe 31 Desember 2011 R6.00 In h
Page 3 and 4: Prehistoriese seereptiel in Alaska
Page 5 and 6: Wetenskaplikes ontwikkel 'slim' pla
Page 7 and 8: MYTHS ABOUT EYECARE - BUSTED OR NOT
Page 9 and 10: Tuig na Mars se maan raak die pad b
Page 11: ) DA's response to Public Protector
Page 15 and 16: Diamantmuseum open in Kaapstad Die
Page 17 and 18: GIGBA SPILLS HALF TRUTHS ON ALEXKOR
Page 19 and 20: Strydenburg victory The by-election
Page 21 and 22: WALLEKRAAL SE BASAAR Ons basaar was
Page 23 and 24: Lekkerleesfees! Lekkerleesfees! Lek
Page 25 and 26: Hoe om jouself te verbeter Die mees
Page 27 and 28: Beste Redakteur RE: ALGEMENE PITKOS
Page 29 and 30: Goeie Ou Dae 'n Leser het hierdie f
Page 31 and 32: Jy is dalk ŉ boer as... jou regter

Superspar Springbok - Nuwe dimensies

Create successful ePaper yourself

Delete template?

Save as template?