Superspar Springbok - Nuwe dimensies

More documents

Recommendations

Info

SUKSESVOLLE 2011 RELAY FOR LIFE Isaac Cloete Die afgelope naweek het Kansa Namakwa streek hul derde agtereenvolgende Relay for Life funksie gehou waaraan honderde persone met belange by die geveg teen kanker deelgeneem het. Die amptelike verrigtinge, met die tema as: ―Oorwinning en hoop vir Namakwa” het op Saterdag, 25 November teen 18:00 afgeskop en aan geesdrif en ondersteuningsgees was daar geen tekort nie. Hierdie jaar het altesame 42 spanne, met die interessantse name, soos Dokkies, Bionic(Bosassa), Voetjies, DCS Toktokkies en Breaking Dawn vir hierdie goeie en edele geld-insamelingspoging ingeskryf. Dit was opvallend hoedat die spanne sekere soorte kanker met hul logo‘s, klere en kleure uitgebeeld het.Die program het dramaties begin toe die burgemeester van die Nama Khoi munisipaliteit, mnr Tommy Cloete en munisipale personeel, vir mev.Loreen Cardinal na die verhoog ―gedra‖ het. Cardinal, werksaam as ‗n verkeersbeampte by die munisipaliteit en een van die vele kankeroorlewendes(survivors) het die gaste aanwesiges toegepreek deur middel van ‗n gevoelvolle mededeling oor haar kennismaking met kanker. Sy was in Desember, 2010, met aggresiewe kanker(bors en borskas) gediagnoseer, maar is huidiglik skoon.Sy het gesê: ― ‗ n Mens moet maar jou lot aanvaar, maar steeds positief bly as dit soms moeilik gaan.‖ Die volgende 12 uur was ‗n vol en lewendige program wat musiek storie vertellings, vermaak en kompetisies ingesluit het.Kunstenaars soos Glen Bezuidenhoudt, Tommie Diergaardt het opgetree en almal wakker gehou. Die oggend(5:30) is afgesluit met skriflesing en gebed en daarna is die pryse aan die wenners uitgedeel en die totale bedrag wat ingesamel was, aangekondig.Dit was R125 000, 00 en alhoewel dit nie die R170 000 kerf gehaal het nie, was ds. Edward Swartbooi( kantoorhoof van Kansa) meer as dankbaar daarvoor. Die Namakwa omgewing, ontvang 90% van die fondse, 1 % gaan vir administratiewe doeleindes en 9% gaan aan die internasionale moederligaam van kanker. Hy het aan die Kletz gesê dat die Relay merkwaardig gegroei het sedert 2009 toe slegs 27 spanne ingeskryf het. Volgens Swartbooi kan Kansa Namakwa nog groter uitbrei as die nasionale besuur van die Kanker Vereniging net geduldig is en genoeg tyd daarvoor laat.Hy het ook sy hoop uitgespreek dat meer munisipaliteite in die Namakwa-streek sulke relays gaan aanbied. Ten slotte, het Swartbooi almal hartlik bedank vir hul toewyding, bydraes en ondersteuning. Die nuwe ambassadeur van Kansa Namakwa is mev. Nicolene Burger(Superspar Springbok),wat oorneem by mnr. Frank van den Heever(uitvoerende burgemeester:Namakwa Distriks Munisipaliteit.) Die wenspanne was: Beste Spangees:Bionic Beste Fondsinsameling:Team Rapha Beste Gesondheidsboodskap:Sonneblommetjies Nama Khoi ondersteun CANSA Relay 2011 Concordia span 26 Springbok 027 7122451 Fondsinsamelingsinkomstes Met kettingtee :Marlene le Roux van 29 September, het ons R30 250 ingesamel. Opedag/basaar 28 Oktober het ons R50 000 ingesamel. Baie, baie dankie aan almal vir die harde werk en bydraes. Ons subsidie is met R10 000 gesny en is ons genoodsaak om die R120 000 vir die jaar ekstra in te samel buiten ons gewone pogings. Geseënde Kerstyd aan almal. BEKOSTIGBARE HUISVESTING Die NG Kerk beskik oor twee huise vir pasiënte en hulle families - tydens hospitalisasie en ander doktersbesoeke, maar selfs ook tydens ander besoeke aan die stad. Besprekings kan gedoen word by: NG Kerk Oornaghuis: Lincolnstraat, Hoheizen/Welgemoed 021 913 3733 Kerkhuis Hanna Hopkins: Trillweg 49, Observatory 021 448 7301. 26 26
Beste Redakteur RE: ALGEMENE PITKOS – FEITE WAT MIN MENSE WEET DEUR FRIK (UITGAWE 30, NOVEMBER 2011) As tydelike inwoner van Port Nolloth, wil ek u net oor die algemeen (en veral met bogenoemde rubriek), gelukwens met hierdie pittige blaadjie wat u uitgee. Ek kan eerlik sê die Namakwa Kletz is die lekkerste plaaslike leesstof waarop ek nog ooit my hande gehad het en ek en my man kan gewoonlik nie wag vir die volgende uitgawe nie! Die insetsel oor die Karretjiemense was veral baie spesiaal. In sy laaste feit besing Frik die lof van die granadilla en noem terloops, dat hy nie verstaan waarom die Engels dit Passion Fruit noem nie. Wel, omdat ek een van daardie siele is wat altyd móét weet waar iets vandaan kom, het ek jare gelede die wonderlike simboliek van hierdie blomme raakgelees. Ek het gou gaan google om my van die feite te vergewis en siedaar: die antwoord in swart op wit! Sal u asb so vriendelik wees om die meegaande stukkie aan Frik deur te gee? Net vir ‘n bietjie pit in sy kos, want lyk my ons volg dieselfde diëet. ( Sien onder.) Vriendelike groete en waardering, Marietjie Badenhorst Passieblomme (passion flower/ flos passions) Die blomme van die granadilla/grenadella word nie verniet passieblomme genoem nie. Passie verwys na die lyding van Christus. Die passieblomme is deur die sewentiende-eeuse Spaanse priesters gebruik om die lyding van Christus aan die Suid-Amerikaanse inheemse bevolkings te verduidelik. Grenadellas was vir duisende jare aan die Asteke, Inkas en die inheemse Indiane bekend. As inheemse plant van die Nuwe Spanje, soos die gebied ná die Spaanse besetting bekend gestaan het, het die blomme van die grenadella ‗n belangrike en vir hierdie groepe verstaanbare, verklaringswyse van die Lydingsgebeure gebied. Die dele van die passieblom is in ongeveer 1609 geїntrepeteer deur Giacomo Bosio, ‘n Roomse kerkvader en historikus, wat die droë blomme en sketse daarvan bestudeer het en verskeie elemente van die Kruisiging van Christus daarin raakgesien het. Die simboliek van die passieblom word so verklaar: Die vyf kroonblare en vyf kelkblare versinnebeeld die tien dissipels sonder die teenwoordigheid van Judas Iskariot en Simon Petrus. Die fyn blomkroondraadjies dui op die doringkroon. Die vyf meeldrade met hul helmknoppies is simbolies vir die vyf wonde aan Christus se liggaam en die drie stempels verteenwoordig die drie spykers. Die grenadella plant is in 1745 vir die eerste maal deur Linnaeus, wat 22 spesies beskryf het, as plant geklassifiseer. Vandag is daar meer as 600 spesies. Baie inheemse grenadellas word vandag bedreig as gevolg vand uitwissing van die Suid-Amerikaanse reënwoude. Die grenadellaplant is in die agtiende eeu deur die Spanjaarde aan Europa bekendgestel en word vandag oor die wêreld heen gevind, onder andere Afrika, Asië en Australië. Die simboliek van die passieblom is egter nie universeel nie. In Japan staan dit ook bekend as The Clock-faced Plant en daar te lande word dit ook in sommige kringe as simbool vir homoseksuele Japanese jeugdiges gebruik. Bron: Passiflora Online (Google) Baie dankie vir die interessante inset. (Red.) Kletzkolom 27 Vir bydraes aan die briewekolom: stuur asb. aan : houthoop@telkomsa.net. Die redaksie ondersteun nie noodwendig die opinies van bydraes gelewer nie. Sjoe, die Kletz is weereens wonderlik en so baie om te lees – dankie vir die plasing van ons funksie. Suzette v Jaarsveld (Springbok) ―Baie dankie weereens vir ‗n puik stuk werk soos gewoonlik…‖ 27 Deon Daar is skilders wat die son tot 'n geel kol transformeer. Daar is anderwat, met die hulp van hul talent en verstand, die geel kol tot die son transformeer. -- Pablo Picasso (1881 - 1973 Grenadella blom Moedelose Jood by die Klaagmuur 'N VROUE-joernalis van CNN het gehoor van die ou Joodse man wat al baie jare lank twee keer per dag by die Klaagmuur gaan bid. Sy gaan toe na die muur en vind hom besig om te bid. Na 45 minute staan hy op, en sy stap nader en stel haarself bekend. "Hoe lank bid u al elke dag hier?" vra sy, en hy antwoord 60 jaar. "En waarvoor bid u?" "Ek bid vir vrede tussen die Christene, Jode en Moslems. Ek bid dat al die oorloë en haat moet ophou. Ek bid vir die kinders, dat hulle verantwoordelike grootmense sal word en hul medemens sal liefhe." "En hoe voel u, nadat u dit al 60 jaar lank doen?" "Ek voel of ek met 'n muur praat." Het jy geweet? V: Hoekom het banke vir muntstukke 'n varkie se vorm? A: Lank gelede is skottels en potte in Europa gemaak van 'n digte, oranje klei genaamd pygg. Toe mense muntstukke in hulle begin wegsit het, het die fles bekend geword as 'pygg banks.' Toe 'n Engelse pottebakker die woord misverstaan het, het hy 'n houer in die vorm van 'n varkie gemaak en dit het gewild geword. 11 17 11 13 11 8 9 12 21 24 25
Page 1 and 2: Uitgawe 31 Desember 2011 R6.00 In h
Page 3 and 4: Prehistoriese seereptiel in Alaska
Page 5 and 6: Wetenskaplikes ontwikkel 'slim' pla
Page 7 and 8: MYTHS ABOUT EYECARE - BUSTED OR NOT
Page 9 and 10: Tuig na Mars se maan raak die pad b
Page 11 and 12: ) DA's response to Public Protector
Page 13 and 14: Waarheen is ons trustgeld? Die DA t
Page 15 and 16: Diamantmuseum open in Kaapstad Die
Page 17 and 18: GIGBA SPILLS HALF TRUTHS ON ALEXKOR
Page 19 and 20: Strydenburg victory The by-election
Page 21 and 22: WALLEKRAAL SE BASAAR Ons basaar was
Page 23 and 24: Lekkerleesfees! Lekkerleesfees! Lek
Page 25: Hoe om jouself te verbeter Die mees
Page 29 and 30: Goeie Ou Dae 'n Leser het hierdie f
Page 31 and 32: Jy is dalk ŉ boer as... jou regter

Superspar Springbok - Nuwe dimensies

You also want an ePaper? Increase the reach of your titles

Delete template?

Save as template?