NASPERS BEPERK JAAR VERSLA G 2003

AANTEKENINGE
AANTEKENINGE BY DIE
GEKONSOLIDEERDE FINANSIËLE JAARSTATE
(vervolg)
40. Verskille tussen Suid-Afrikaanse Standpunte oor Algemeen Aanvaarde
Rekeningkundige Praktyk en Verenigde State Algemeen Aanvaarde
Rekeningkundige Beginsels (vervolg)
Onlangs uitgereikte rekeningkundige standaarde
VSA-AARB
In Julie 2002 het die FASB FAS No. 146, ‘Accounting for Costs Associated with Exit or Disposal Activities’ (FAS 146)
uitgereik. Hierdie standpunt vereis dat maatskappye kostes verbonde aan stakings- of vervreemdingsaktiwiteite erken in
die jaar waarin dit aangegaan word, eerder as op die datum wat ’n aanspreeklikheid ontstaan ten opsigte van ’n stakingsof
vervreemdingsplan. Hierdie standpunt vervang die huidige riglyne wat verskaf word deur EITF Issue No. 94-3,
‘Liability Recognition for Certain Employee Termination Benefits and Other Costs to Exit an Activity (including Certain
Costs Incurred in a Restructuring)’. Hierdie standpunt sal van toepassing wees vir die groep vir die jaar geëindig 31
Maart 2004. Die vereistes van FAS 146 sal van toepassing wees op alle toekomstige vervreemdingsaktiwiteite.
In November 2002 het die FASB Interpretation No. 45 (FIN 45), ‘Guarantor’s Accounting and Disclosure
Requirements for Guarantees, Including Indirect Guarantees of Indebtedness of Others’ uitgereik. Hierdie interpretasie
brei uit op die rekeningkundige riglyne wat voorgeskryf is in FAS 5 ‘Accounting for Contingencies’, FAS 57 ‘Related
Party Disclosures’ en FAS 107 ‘Disclosures about Fair Value of Financial Instruments’ en inkorporeer sonder enige
veranderings die riglyne van FIN 34 ‘Disclosure of Indirect Guarantees of Indebtedness of Others, an interpretation of
FASB Statement No. 5’ wat vervang gaan word. FIN 45 brei uit op die bestaande openbaarmakingsvereistes vir
waarborge, insluitende leningswaarborge soos bystandskredietbriewe. Dit bepaal ook verder dat ’n maatskappy
aanvanklik ’n las moet erken vir die billike waarde of markwaarde van die verpligtinge wat die maatskappy aanneem
ten opsigte van die waarborg op die datum waarop die waarborg uitgereik word en die inligting moet openbaar word in
die interim en jaarlikse finansiële state. FIN 45 word toegepas vir alle waarborge wat uitgereik of verander is na
31 Desember 2002. Die groep is tans besig om die impak van FIN 45 te evalueer en is reeds bewus van
waarborgverpligtinge teenoor studente wat ontstaan het met die verloop van sekere private onderwys konsessiehouers.
Indien die konsessiehouers sou versuim om hul verpligting teenoor die studente na te kom, sou die groep
verantwoordelik wees om teenprestasie te verskaf. Die waarborgverpligting is slegs van toepassing op huidige studente
wat op die datum van verkoop geregistreer was en duur tot en met die voltooing van die kursus, wat na verwagting
binne ’n jaar sal wees. Die finansiële impak van hierdie potensiële verpligting is nog nie gekwantifiseer nie, maar
bestuur is van mening dat dit nie ’n wesenlike effek sal hê op die groep se bedryfsresultate, finansiële posisie of
kontantvloei nie.
In Januarie 2003 het die Financial Accounting Standards Board FASB Interpretation No. 46 ‘Consolidation of Variable
Interest Entities, an interpretation of ARB No. 51’ (FIN 46) uitgereik. FIN 46 verskaf riglyne ten opsigte van: 1) die
identifisering van ondernemings waaroor beheer verkry word op ’n ander wyse as stemreg, bekend as Veranderlike
Belang Entiteite (‘VBE’); en 2) watter onderneming die primêre begunstigde is en wanneer die onderneming die VBE
moet konsolideer. Hierdie nuwe konsolidasiemodel is van toepassing op entiteite: 1) waar die ekwiteitsbelegger (indien
enige) nie ’n beherende finansiële belang het nie; of 2) wie se ekwiteitsbelegging onvoldoende is om daardie
onderneming se aktiwiteite te finansier sonder verdere finansiële bystand van ander partye. Addisioneel hiertoe vereis
FIN 46 ook dat beide die primêre begunstigde en alle ander partye met ’n beduidende veranderlike belang in ’n VBE
addisionele openbaarmakings moet maak. FIN 46 is van toepassing op alle nuwe VBE’s wat na 31 Januarie 2003 gestig
of verkry is. Vir VBE’s wat voor 1 Februarie 2003 gestig of verkry is, moet die vereistes van FIN 46 toegepas word
vanaf die eerste interim periode wat volg na 15 Junie 2003. Sekere openbaarmakingsvereistes is onmiddellik van
toepassing. Die groep is tans besig om die impak van FIN 46 te beoordeel en is reeds bewus dat die groep die primêre
begunstigde is van ’n ‘captive’ versekeringsmaatskappy wat die herversekering van sekere digitale en analoog
dekodeerders dek. Die groep se maksimum blootstelling aan verlies is gelyk aan die vervangingswaarde van al die
dekodeerders wat gedek is van ongeveer R164 miljoen, minus bedrae herverseker deur ’n derde party ten bedrae van
R24 miljoen. Verder het die groep ’n belang in ’n gesamentlike onderneming wat analoog dekodeerders aan klante
verhuur, ingevolge waarvan die groep die primêre begunstigde is. Op 1 April 2003 het die groep die oorblywende
50%-belang in die gesamentlike onderneming bekom vir ’n nominale waarde. Die netto bates bekom beloop R4 miljoen.
In April 2003 het die FASB FAS 149 ‘Amendment of Statement 133 on Derivative Instruments and Hedging Activities’
(FAS 149) uitgereik. Hierdie standpunt verander en gee duidelikheid oor die finansiële erkenning en meting van
afgeleide instrumente, insluitende sekere afgeleide instrumente wat ingesluit is in ander kontrakte (gesamentlik na
verwys as afgeleide instrumente) en verskansingsaktiwiteite volgens FASB Statement No. 133 ‘Accounting for
Derivative Instruments and Hedging Activities’. FAS 149 sal van toepassing wees vir die groep op alle kontrakte
aangegaan of verander na 30 Junie 2003. Die groep het nog nie bepaal of die aanvaarding van die standpunt ’n
wesenlike invloed op die groep se bedryfsresultate of finansiële posisie sal hê nie.
In Mei 2003 het die FASB FAS 150 ‘Accounting For Certain Financial Instruments with Characteristics of both
Liabilities and Equity’ (FAS 150) uitgereik. Hierdie standpunt bepaal hoe ’n uitreiker finansiële instrumente met
eienskappe van beide laste en ekwiteit moet klassifiseer en meet en vereis dat ’n uitreiker sekere finansiële instrumente
wat binne sy bestek is, as ’n bate of as ’n las moet klassifiseer in sekere omstandighede. FAS 150 sal van toepassing
wees op finansiële instrumente aangegaan of verander na 31 Mei 2003, en andersins vanaf 10 Junie 2003 vir die groep.
Bestuur is van mening dat die aanvaarding van hierdie standpunt nie ’n wesenlike uitwerking sal hê op die groep se
bedryfsresultate of finansiële posisie nie.
NASPERS BEPERK JAARVERSLAG 2003
133