NASPERS BEPERK JAAR VERSLA G 2003

AANTEKENINGE
AANTEKENINGE BY DIE
GEKONSOLIDEERDE FINANSIËLE JAARSTATE
(vervolg)
2. Vernaamste rekeningkundige beleid (vervolg)
(o) Inkomste-erkenning (vervolg)
58 NASPERS BEPERK JAARVERSLAG 2003
Tegnologiekontrakte en -lisensies (vervolg)
Inkomste uit professionele dienskontrakte word erken volgens die persentasie-van-voltooiing-metode gebaseer
op die aantal uur gelewer relatief tot die totale geraamde aantal uur vir vaste prys kontrakte en gebaseer op die
ure gelewer vermenigvuldig met die uurlikse tarief vir tyd- en materiaalopdragte. Hierdie dienste sluit in: strategiese
interaktiewe televisie konsultasie, middelware-poortwerk en integrasiedienste vir dekodeerder- vervaardigers
en vlokkiestel-handelaars; netwerkoptimalisering- en veldvalidasietoetse; aanpassing van kerntoepassings
of integrasietoetsing van derdepartytoepassings; optimaliserings- en implementeringsdienste vir uitrol van
HTML-enjins en rondblaaiers na dekodeerders en internettoestelle; en inhoudtransformasie en -opleiding.
Inkomste word oor die algemeen erken volgens die persentasie-van-voltooiing-metode indien die risiko
verbonde aan kliënt-aanvaarding klein is. Inkomste uit professionele dienste met ’n hoë vlak van kliënt-aanvaardingsrisiko
word erken op die voltooide-kontrak-metode. Tipes ooreenkomste met ’n hoë kliënt-aanvaardingsrisiko
sluit in dienste wat beduidende produksie, modifikasie of optimalisering van sagteware verg. Aangesien
SA-AARP geen spesifieke riglyne bied ten opsigte van die inkomste-erkenning van tegniese professionele
dienste nie, word hierdie ooreenkomste erken volgens die spesifieke rekeningkundige riglyne in die Verenigde
State van Amerika, insluitende ARB No 45, deur gebruikmaking van die relevante riglyne in SOP 81-1,
soos voorgeskryf deur SOP 97-2. In gevalle waar hierdie dienste nie beduidende produksie, modifikasie of
optimalisering benodig nie, word inkomste erken apart van die sagteware lisensie-inkomste en word dit erken
soos wat die dienste gelewer word, soos vereis deur SOP 97-2.
Die groep sluit ooreenkomste met netwerkoperateurs, waarvolgens toepassingsagteware gelisensieer word aan
netwerkoperateurs in ruil vir ’n persentasie van die intekengeld wat hulle verdien vanaf hul klante. In gevalle
waar al die sagteware ingevolge die ooreenkoms gelewer is, word inkomste erken soos die netwerkoperateur die
groep se inkomste-deling rapporteer, wat normaalweg op ’n kwartaallikse basis plaasvind. Onder ooreenkomste
waar die groep onderneem het om ongespesifiseerde toekomstige toepassings te lewer, word die inkomste op
gelewerde toepassings erken op ’n subskripsiebasis oor die termyn van die ooreenkoms.
Kitsboodskap-inkomste
Kitsboodskap-inkomste verteenwoordig die groep se belang in die inkomste uit kitsboodskapdienste (KBD) wat
bestaan uit toegevoegde waarde dienste en ander verwante produkte wat gelewer word aan selfoon- en
rekenaargebruikers in terme van ’n aantal samewerkingsooreenkomste met verskeie selfoonoperateurs.
Die KBD-inkomste word primêr erken gebaseer op die maandelikse state wat van die operateurs ontvang word.
Die inkomste word netto van die operateurs se deel van die inkomste en geskatte oninvorderbare bedrae erken,
wat uit operateurs se transmissie- en faktureringsprobleme ten opsigte van tegniese probleme bestaan, aangesien
die groep die operateurs beskou as die primêre rolspelers in die inligtingtransmissie- en afleweringsproses, wat
’n kritieke en intregrale deel van die groep se draadlose toegevoegde waarde-dienste vorm.
Onderriggelde
Onderriggelde is nie-terugbetaalbaar en word erken volgens die reguitlyn-metode oor die duur van die
toepaslike kursus.
Rente-inkomste
Rente word erken op ’n tydsgrondslag, gebaseer op die effektiewe opbrengs op die onderliggende bates.
Dividendinkomste
Dividende word erken wanneer die reg op betaling gevestig is.