NASPERS BEPERK JAAR VERSLA G 2003

Drukmedia
Media24 (www.media24.com) besit koerante, tydskrifte,
drukkerye en verspreidingsondernemings. Sekere
internetondernemings is geskep wat leun op die
kundigheid van ons gedrukte publikasies.
Marktoestande het strawwer geword met talle nuwe
publikasies en die oorbesetting van die tydskrifsektor.
Nogtans was Media24 se koerante en tydskrifte in
staat om hul aandeel in die advertensiemark te behou.
Die sirkulasie van massapublikasies was onder druk,
maar noulettende aandag aan inhoud en die opening
van nuwe markte deur middel van nuwe publikasies
het die sirkulasieverlies deur gevestigde titels
vergoed.
Die drukaanlegte van sowel die koerant-
ondernemings as Paarl Media Beherend
(PMB), waarvan 73,68% deur Media24
besit word, het bevredigende resultate
behaal. Kapitaalbeleggings in
tegnologies gevorderde drukaanlegte
begin goeie opbrengste lewer.
Die drukkersbedryf se aansoek by
die Raad op Handel en Tariewe om
invoertariewe op ingevoerde papier op te hef,
het misluk. Dié besluit om papiermeule oormatig te
beskerm, sal ’n demper plaas op die mediabedryf se
vermoë om die koste van titels in bedwang te hou en om
nuwe werkgeleenthede te skep.
Koerante
Media24 Koerante het ’n opwindende jaar beleef en
gevestigde titels het hul posisie behou. Nuwe titels het
belowende resultate getoon.
OORSIG OOR WERKSAAMHEDE
(vervolg)
Die Kaapse dagblad Die Burger het die tweede fase
van sy rolpersvervangingsplan afgehandel met ’n
belegging van R56 miljoen. Danksy nuwe druk-
tegnologie is die uitleg en voorkoms van die koerant
verbeter. Die sterker resultate in die Oos-Kaap is
bemoedigend.
’n Nuwe gemeenskapskoerantegroep is gestig deur
ons Wes-Kaapse gemeenskapskoerante te konsolideer
in Boland Koerante. Kaapse Son is ’n nuwe weeklikse
poniekoerant wat in die Wes-Kaap bekend gestel is.
NASPERS BEPERK JAARVERSLAG 2003 31