NASPERS BEPERK JAAR VERSLA G 2003

Risikobestuur
Risikobestuur vervul ’n sentrale rol in die daaglikse
werksaamhede van al ons sake-eenhede. Die Naspers-
direksie is in oorleg met die direksies van die
onderskeie filiaalmaatskappye verantwoordelik vir die
bepaling van prosedures vir risikobestuur en -beheer,
asook vir die evaluering van die doeltreffendheid van
dié prosedures.
Die hoofrisiko’s waaraan die groep se sake-
ondernemings blootgestel is, sluit in:
● geo-politiese of ekonomiese onstabiliteit
● regulatoriese ontwrigting
● epidemies
● satelliet-onderbrekings
● mededinging en tegniese vernuwings
● valutaskommeling.
Hoewel genoemde risiko’s buite beheer van die direksie is,
kan versagtende maatreëls dikwels toegepas word. ’n
Oorsig met nadere besonderhede van die risiko’s vir die
groep en regstellende stappe verskyn op bladsy 42 van
hierdie jaarverslag.
Korporatiewe bestuur
Naspers is verbind tot die beginsels aanbeveel in die King-
verslag oor Korporatiewe Bestuur (King II-verslag) en is
bewus van die maatskappy se verpligtinge ingevolge die
Sarbanes-Oxley-wet (Sarbanes-Oxley) en die Amerikaanse
sekuriteite- en aandelekommissie (SEC). Die direkteure
wil die sake van die onderneming met integriteit en in
ooreenstemming met die Algemeen Aanvaarde
Korporatiewe Praktyk bedryf. Die direksie het sy strukture
VERSLAG DEUR DIE VOORSITTER
EN BESTURENDE DIREKTEUR
(vervolg)
en reëls ooreenkomstig die King II-verslag, Sarbanes-
Oxley en die toepaslike SEC-vereistes hersien en die
nodige verbeterings aan die maatskappy se korporatiewe
bestuursprosedures en beleidsrigtings reeds aangebring
óf is besig om dit aan te bring. Besonderhede hiervan
verskyn op bladsy 40 van hierdie jaarverslag.
Direksie
Ingevolge die maatskappy se statute moet een-derde van
die diensdoenende direkteure uittree by die algemene
jaarvergadering op 29 Augustus 2003. Mnre J F Malherbe
en L M Taunyane bereik aftree-ouderdom en is dus nie
herverkiesbaar nie. Hierdie direkteure word bedank vir
hul uitnemende bydraes oor die jare. Mnr Malherbe
was ’n gesiene ondervoorsitter van Naspers en is die
langsdienende lid van die direksie. Mnr T Vosloo stel
hom weer verkiesbaar.
Mense
Ons is trots op die bydrae wat gelewer is deur so baie van
ons mense in soveel lande. In ’n strawwe omgewing het
hulle deursettingsvermoë en ondernemingsgees aan die
dag gelê om die meeste doelwitte in die meeste van ons
sakeondernemings te bereik.
Laastens, dank aan ons mede-direksielede vir hul
leiding en steun gedurende ’n bedrywige jaar. ■
Ton Vosloo Koos Bekker
Voorsitter Besturende direkteur
NASPERS BEPERK JAARVERSLAG 2003
13