NASPERS BEPERK JAAR VERSLA G 2003

DIREKSIE
VERKLARING VAN VERANTWOORDELIKHEID
DEUR DIE DIREKSIE
Die finansiële jaarstate van die groep en die maatskappy is
die verantwoordelikheid van die direkteure van Naspers
Beperk. In die nakoming van hierdie verantwoordelikheid
steun hulle op die bestuur van die groep wat die
finansiële jaarstate op bladsye 46 tot 140 ooreenkomstig
Suid-Afrikaanse Standpunte oor Algemeen Aanvaarde
Rekeningkundige Praktyk voorberei het, en ook ’n
rekonsiliasie van gekonsolideerde netto inkomste en
gekonsolideerde aandeelhouersbelang na hul ekwivalente
in terme van algemeen aanvaarde rekeningkundige praktyk
in die Verenigde State van Amerika voorberei het. As
sodanig sluit die state bedrae in wat op beoordelings berus,
asook skattings wat deur die bestuur gemaak is. Die
inligting word volledig en op ’n verantwoordelike wyse
weergegee.
Die direkteure aanvaar verantwoordelikheid vir die
integriteit en die billike weerspieëling van die finansiële
jaarstate, en oordeel dat die stelsels en interne finansiële
beheermaatreëls wat deur die bestuur getref is,
doeltreffend is. Op grond van ramings en beskikbare
kontantbronne het die direkteure geen rede om te glo dat
die groep binne afsienbare tyd nie ’n lopende saak sal
wees nie. Die lewensvatbaarheid van groep en maatskappy
VERKLARING DEUR DIE MAATSKAPPYSEKRETARIS
Ek, George Meiring Coetzee, Maatskappysekretaris van Naspers Beperk, sertifiseer dat die maatskappy vir die jaar onder
bespreking alle verslae wat van ’n publieke maatskappy vereis word, by die Registrateur van Maatskappye ingedien het en dat
sodanige verslae, na die beste van my kennis en wete, waar, korrek en bygewerk is.
G M Coetzee
Maatskappysekretaris
20 Junie 2003
44 NASPERS BEPERK JAARVERSLAG 2003
word deur die finansiële state ondersteun.
Die finansiële state is deur die onafhanklike
ouditeursfirma, PricewaterhouseCoopers Ing., geouditeer,
aan wie onbeperkte toegang tot alle finansiële rekords en
betrokke data, insluitend notules van alle vergaderings van
aandeelhouers, die direksie en komitees van die direksie,
verleen is. Die direkteure is van mening dat alle
bestuursverklarings wat tydens die oudit aan die
onafhanklike ouditeure gerig is, geldig en toepaslik was.
PricewaterhouseCoopers Ing. se ouditverslag verskyn op
bladsy 45.
Die finansiële state is op 20 Junie 2003 deur die
direksie goedgekeur en namens hulle onderteken deur:
T Vosloo J F Malherbe
Voorsitter Ondervoorsitter