You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
105<br />
106<br />
naa kañ sama Yàlla li feek may tooy.<br />
34 Sama kàddu gii, yal na ko neex.<br />
Man de maa ngi bége Aji Sax ji!<br />
35 Yal na bàkkaarkat raaf fi kaw suuf,<br />
te ku bon noppee nekk.<br />
Naa sant Aji Sax ji ci saa xol bii.<br />
Màggal-leen Ki Sax!<br />
Aji Sax ji sàmm na kóllëre<br />
1 Santleen Aji Sax ji, tudd turam,<br />
xamley jalooreem ci biir xeet yi,<br />
2 woy ko, tagg ko,<br />
yégle mboolemi kéemaanam!<br />
3 Damooleen turam wu sell.<br />
Kuy wut Aji Sax ji, yal na am bànneexu xol.<br />
4 Gëstuleen Aji Sax jeek dooleem,<br />
di ko sàkku saa su ne.<br />
5 Fàttalikuleen ay jalooreem<br />
ak i misaalam ak i àtteem.<br />
6 Yéen askanu Ibraayma, jaamam ba,<br />
yéen ñiy sëti Yanqóoba, ñiy tànneefam,<br />
7 kee di sunu Yàlla Aji Sax ji,<br />
di àtte suuf sépp,<br />
8 di fàttaliku ba fàww kóllëreem,<br />
di bàyyi xel ba ci junniy maas kàddoom<br />
9 ga mu digoon Ibraayma,<br />
giñal ko Isaaxa,<br />
10 dëggalal ko Yanqóoba, sàrtal ko,<br />
fase kook Israyil mooma kóllëre gu sax.<br />
11 Mu ne: «Yaw laay jox réewum Kanaan,<br />
muy sa cér, nga séddoo.»<br />
12 Ba °bànni Israyil dee ñu néew,<br />
diy doxandéem ca réew ma,<br />
13 di wëreelu ci biir xeetoo xeet,<br />
ak nguuroo nguur,<br />
14 mayul nit mu not léen,<br />
te yaral na léen ay buur,<br />
15 ne leen: «Buleen laal samay tànneef,<br />
buleen lor samay yonent.»<br />
16 Moo wàcce ab xiif ca réew ma,<br />
dagge fa luy gub,<br />
17 yónnee ku léen jiitu,<br />
muy Yuusufa ma ñu jaayoon njaam,<br />
18 tànk ya, ñu jéng jéng yu tar,<br />
baat ba, ñu yeewe caqu weñ.
Change language