Create successful ePaper yourself
Turn your PDF publications into a flip-book with our unique Google optimized e-Paper software.
65<br />
6 Mooy baayoo jirim, di àtte jëtun,<br />
kookoo di Yàlla ja fa dëkkuwaayu sellngaam.<br />
7 Yàllaay dëël ku wéet,<br />
di afal ci biir xéewal ku ñu tëjoon,<br />
ku déggadi rekk ay dëkke suuf su ne sereŋ.<br />
8 Céy Yàlla, yaa génn, jiitu sa mbooloo,<br />
daagu, dugg màndiŋ ma. °Selaw.<br />
9 Suuf yëngu,<br />
asamaan sóob<br />
fi kanam Yàlla, boroom tundu Sinayi,<br />
Yàllay Israyil ja!<br />
10 Yàlla, waame nga tawal,<br />
leqlee ko réew mi nga séddoo, fa mu sonne,<br />
11 sa mbooloo dëkke fa.<br />
Yàlla yaa leel néew-ji-doole sag mbaax.<br />
12 Boroom beey joxe ndigal,<br />
gàngooru jigéen indi xibaar:<br />
13 «Buur yaak seeni gàngoor a ngay dawa daw,<br />
jongomay kër gi di séddale lël ja.<br />
14 Yéen ñiy waaf ci gétt gi, bésub xare,<br />
gànjar a ngi, di laafi pitax yu ñu xoob xaalis,<br />
dunq ya teg wurus wuy ray-ray.»<br />
15 Ba fa Aji Man ji tasaaree buur ya,<br />
tawub yuur a ngay soobe tundu Salmon.<br />
16 Yaw tundu Yàlla wi, yaw tundu Basan,<br />
tundu Basan, tund wi ci coll yi,<br />
17 looy xeelook say coll, di fiire<br />
tund wi Yàlla namma dëkke?<br />
Aji Sax ji kat, fa lay dëkk ba fàww!<br />
18 Watiiri xarey Yàlla di ñaar fukki junni (20.000),<br />
ba ci junniy junni.<br />
Boroom bi ne ca seen biir,<br />
di boroom tundu Sinayi fa biir sellngaam.<br />
19 Yaa yéeg fa kawa kaw,<br />
jàpp i jaam, yóbbaale.<br />
Yaa nangooy galag ci nit ñi,<br />
ba ci ñiy fippu<br />
ndax li Yàlla Ki Sax dëkke °Siyoŋ.<br />
20 Cant ñeel na Yàlla bésoo bés.<br />
Moo nuy jaboote. Yàllaa nuy musal. Selaw.<br />
21 Sunu Yàllaa di Yàlla jiy walloo,
Change language