Create successful ePaper yourself
Turn your PDF publications into a flip-book with our unique Google optimized e-Paper software.
126<br />
95 Man la ñu bon ñi tëru, nar maa sànk;<br />
waaye sa kàdduy seede laay niir.<br />
96 Gis naa ne lu mat lu ne am na kemu,<br />
waaye sa santaane mat, ba weesu kemu.<br />
97 Maaka sopp saw yoon,<br />
di ko jàngat bés bu jot.<br />
98 Li ma xelal ba ma raw noon yi,<br />
mooy sa santaane, yi ma jagoo fàww.<br />
99 Maa gëna ñaw képp ku may jàngal,<br />
nde sa kàdduy seedeey sama njàngat.<br />
100 Maa ëpp mag ñi dég-dég,<br />
nde say tegtal laa topp.<br />
101 Luy yoon wu aay, ma moyu,<br />
ba mana sàmm sa kàddu.<br />
102 Say santaane it dëdduwma ko,<br />
nde yaw yaa ma jàngal.<br />
103 Sa kàddooka maa neex,<br />
ba dàqal ma lem tem-tem!<br />
104 Say tegtal laay ràññee,<br />
ba tax ma bañ luy yoonu fen.<br />
105 Sa kàddu laay niitoo samay tànk,<br />
muy leeral samaw yoon.<br />
106 Giñ naa te di ko dëggal,<br />
ne dinaa sàmmoonteek sa ndigali njekk.<br />
107 Toskare naa ba ci lool;<br />
éy Aji Sax ji, musal ma, yaa ko dige.<br />
108 Aji Sax ji, rikk nangul ma kàdduy ñaan yi ma lay jébbal,<br />
te xamal ma say ndigal.<br />
109 Sama bakkan ci xott saa yu ne,<br />
waaye fàttewuma saw yoon.<br />
110 Ñu bon ñi ma gasal um pax<br />
taxul ma wàcc say tegtal.<br />
111 `Maa séddoo fàww sa kàdduy seede,<br />
loolooy seral sama xol.<br />
112 Damaa dogoo jëfe sa dogali yoon,<br />
saxoo ko ba mu jeex. [xg/ mooy sama yool ba fàww.].<br />
113 Maa bañ kuy ŋarale,<br />
maa sopp saw yoon.<br />
114 Sama rawtu, sama kiiraay, yaw a.<br />
sa kàddu laay xaar.<br />
115 Yéen ñiy def lu bon, xiddileen ma,<br />
ba ma sàmmoonteek sama santaaney Yàlla.<br />
116 Yaa ko dige, dooleel ma, ma dund;<br />
bul tas sama yaakaar.