You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
149<br />
149<br />
Nangeen màggale Aji Sax ji fa asamaan,<br />
màggale ko fa kawa kaw.<br />
2 Màggal-leen ko, yéen malaakaam yépp,<br />
màggal-leen ko, yéen gàngooram yi.<br />
3 Màggal-leen ko, yéen jant beek weer wi,<br />
màggal-leen ko, yéen mboolem biddiiw yii di nes-nesi.<br />
4 Màggal-leen ko, yéen asamaani kawli kaw,<br />
ba ca ndox ma tiim asamaan ya.<br />
5 Nañu màggal turu Aji Sax ji,<br />
kii kat a santaane, lii lépp am.<br />
6 Moo léen samp, ñu sax ba fàww,<br />
mu dogal ko, te du toxu.<br />
7 Nangeen màggale Aji Sax ji fa kaw suuf,<br />
yéen ninki-nànkay géej ak xóote yépp,<br />
8 ba ca melax yaak doj yu sedd yay taw,<br />
ak tawu yuur ak ub lay,<br />
ba ca ngëlén yu mag yay def ndigalam.<br />
9 Màggal-leen ko yéen tund yu mag yeek<br />
yu ndaw yépp,<br />
ba ci garab yiy meññ ak garabi seedar yi,<br />
10 ba ci mala yépp, yu àll ak gépp jur<br />
ak luy raam ak njanaaw,<br />
11 ak buuri àddinaak xeet yépp,<br />
ak kilifa yeek njiiti àddina yépp,<br />
12 xale bu góor ak bu jigéen,<br />
mag ak ndaw.<br />
13 Màggal-leen turu Aji Sax ji,<br />
moom doŋŋ la turam kawe,<br />
darajaam tiim asamaan ak suuf.<br />
14 Moo dooleel mbooloom,<br />
di sagu wóllëreem ñii,<br />
di mbooleem °bànni Israyil, xeet wi mu xejjoo.<br />
Màggal-leen Ki Sax!<br />
Na Israyil màggal Ki Sax<br />
1 Màggal-leen Ki Sax,<br />
Woyleen Aji Sax ji woy wu yees,<br />
màggal ko fi ndajem wóllëreem ñi.<br />
2 Na Israyil bége kii ko sàkk,<br />
doomi °Siyoŋ, laa ne, ñu bànneexoo seen buur bii.<br />
3 Nañu màggale turam am pecc,<br />
tëggal ko, xalamal ko.<br />
4 Aji Sax jee safoo mbooloom,<br />
di may néew-ji-doole teraangay ndam.