You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
125<br />
73 Say loxoo ma sàkk, tabax ma,<br />
may ma ag dégg, ma mokkal say santaane,<br />
74 ñi la ragal gis ma, bég;<br />
nde sa kàddu laa yaakaar.<br />
75 Aji Sax ji, ràññee naa ne say ndigal njekk la,<br />
te worma nga ma dumaa.<br />
76 Ngalla dëfale ma sa ngor;<br />
Sang bi, yaa ko dige.<br />
77 Nanga ma ganesee sa yërmande, ma dund;<br />
saw yoon ay sama bànneex!<br />
78 Yal na ñu bew ñi torox,<br />
ñoo ma lor ak seeni sos,<br />
te man may gëstu say tegtal.<br />
79 Yal na ku la ragal waññiku fi man,<br />
ba xam sa kàdduy seede.<br />
80 Yal naa toppe say tegtal xol bu la wéetal,<br />
ba duma rus.<br />
81 Sàkku naa sag wall ba xol jeex,<br />
di xaar sa kàddu.<br />
82 Séentu naa sab dige, ba saay gët giim;<br />
kañ nga may xettli?<br />
83 Damaa mujj ras ni mbuusum der mu saxar jàpp,<br />
waaye sàgganewma say tegtal.<br />
84 Ñaata fan laay toogati, Sang bi?<br />
Kañ ngay mbugal ñi ma topp ?<br />
85 Ñu bew ñi gasal nañu ma ay yeer,<br />
yu saw yoon diglewul.<br />
86 Sa santaane yépp worma la;<br />
te dees maa toppey sos, wallu ma!<br />
87 Nes tuut ñu sànke ma fi kaw suuf,<br />
te man dëdduwma say tegtal.<br />
88 Musale ma sa ngor,<br />
ba jëfe sa kàdduy seede.<br />
89 Aji Sax ji, sa kàddooy sax dàkk,<br />
taxaw jonn fa asamaan.<br />
90 Sa worma, ba maasoo maas,<br />
yaa samp suuf, mu sax.<br />
91 Ci sa ndigal la lépp taxawe ba tey,<br />
lépp ànd, di la jaamu.<br />
92 Su ma bégewuloon saw yoon,<br />
sànkoo sama toskare ji.<br />
93 Duma fàtte mukk say tegtal,<br />
ci nga may musale.<br />
94 Yaa ma moom, wallu ma;<br />
say tegtal laay sàkku.