Create successful ePaper yourself
Turn your PDF publications into a flip-book with our unique Google optimized e-Paper software.
141<br />
xóot lool, ba weesu ma.<br />
7 Fu ma jëm, ba sore la?<br />
Fu ma daw jëm, foo teewul?<br />
8 Ma ñalgu ba asamaan, yaa nga fa!<br />
Ma tëri njaniiw, ndeke yaa nga fa!<br />
9 Ma war laafi njël,<br />
dëkki wàllaa géej,<br />
10 nga tettee ma fa ba tey,<br />
téyee ma sa ndijoor.<br />
11 Su ma noon: «Na ma lëndëm mëdd boog,<br />
ba leer gi far guddil ma,»<br />
12 du tax lëndëm lëndëmal la dara.<br />
Guddi da laa leeralal ni bëccëg,<br />
lëndëm dig leer fi yaw.<br />
13 Yaa ma sàkkal xol ak xalaat,<br />
ràbbe ma sama biiru ndey.<br />
14 Naa la sante sama bind bu raglu bii te yéeme,<br />
say jalooree di kéemaan, bir na ma!<br />
15 Sama jëmm jii làquw la,<br />
ba muy bindu ci kumpa,<br />
mel ni lu ñu ràbbe ci xóotey suuf.<br />
16 Gis nga ma, ba ma diw lumb;<br />
sa téere lim na<br />
fan yi nga ma àppal,<br />
ba ca benn a dooragul.<br />
17 Yàlla, say xalaat aka maa yéem!<br />
Ndaw lim bu réy!<br />
18 Su ma ko doon waññ, moo ëpp feppi suuf.<br />
Maa ngii yeewu, ne feek yaw ba tey.<br />
19 Éy sama Yàlla, soo reyoon ñu bon ñii.<br />
Yéen bóomkat yi, soreleen ma!<br />
20 Ñii sa tur lañuy luubale,<br />
noonoo la, di la giñey fen.<br />
21 Aji Sax ji, maaka bañ ñi la bañ<br />
te sib ñi lay gàntal.<br />
22 Dama leena bañ ba fa mbañeel yem;<br />
sama noon dëgg lañu.<br />
23 Yàlla, seetlu ma, ba ràññee sama xol;<br />
natt ma, ba ràññee sama xalaati xol,<br />
24 su ma doxe tànki xërëmtu, nga gis;<br />
te nga teg ma ci yoon wi sax.