You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
69<br />
67<br />
Ku ñu fitnaal a ngi ñaan<br />
1 Mu jëm ci njiital woykat yi, dëppook galan bu ñuy wax Tóor-tóor, ñeel Daawuda.<br />
2 Éy Yàlla, wallu ma!<br />
Ndox maa ngi ma tollu ci put.<br />
3 May suux ci ban bu xóot,<br />
te awma fu ma teg tànk.<br />
Maa ngi nii ci ndox mu xóot,<br />
gannax yi mëdd ma.<br />
4 Ma woote wall ba tàyyi,<br />
sama put gi wow koŋŋ.<br />
Ma séentu la, yaw sama Yàlla,<br />
ba samay gët giim.<br />
5 Sama kawari bopp sax,<br />
ñi ma bañ ci daraa ko ëpp.<br />
Ñu bare doole, bëgg maa sànk,<br />
noonoo ma ci dara.<br />
Sàccuma, nara fey!<br />
6 Yaw Yàlla, xam nga sama jëfi dof,<br />
te samay tooñ umpu la.<br />
7 Yàlla bu ma rusloo ñi la yaakaar,<br />
yaw Boroom bi, Aji Sax ji, Boroom gàngoor yi,<br />
yàlla bu ma gàcceel ñi la topp,<br />
Yaw Yàllay Israyil.<br />
8 Yaa tax ma dékku, ñu di ma sewal,<br />
ma rus ba sëlmoo gàcce.<br />
9 Jaambur laa léegi ci saay bokk,<br />
mel ni doxandéem sama biir doomi ndey.<br />
10 Damaa xér ci sa kër gi, ba jeex tàkk,<br />
te jëf ji ñu la sewale man la dal.<br />
11 May jooy, di woor,<br />
ñu di ma sewal.<br />
12 Ma sol i saaku, di ko ñaawloo,<br />
ñu di ma léebu.<br />
13 Waa pénc ma di ma tooge,<br />
màndikat yi di ma woyal.<br />
14 Waaye man, Aji Sax ji, yaw laay dagaan.<br />
Éy Yàlla, na tey di bésub yiw.<br />
Ngalla nangul ma ci sa ngor lu yaa<br />
ak sa wall gu wóor.<br />
15 Xettli ma ci ban bi, ma baña suux,
Change language