You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
128<br />
139 Damaa gis bañ yiy sàggane say wax,<br />
xol bu tàng di ma rey.<br />
140 Sang bi, maaka sopp sa kàddu<br />
gi set ni weñ gu ñu xelli!<br />
141 Ñàkk naa solo, faaleesu ma,<br />
waaye sàgganewma say tegtal.<br />
142 Sag njekk moo dig njekk ba fàww,<br />
te saw yoon a dëggu.<br />
143 Njekkar ak njàqare dab ma,<br />
say santaane di sama bànneex.<br />
144 Sa kàdduy seedee di njekk ba fàww,<br />
may ma, ma ràññee, ba dund.<br />
145 Aji Sax ji, woo naa la wall lu ma man,<br />
wuyu ma, ma topp sa dogali yoon.<br />
146 Dama ne: «Wóoy, wallu ma,<br />
ma sàmm sa kàdduy seede.»<br />
147 Damaa jëlu, di la woo,<br />
di xaar sa kàddu.<br />
148 Damay xoole guddi gépp,<br />
di jàngat sa kàddu.<br />
149 Aji Sax ji, sama baat bii, teewloo ko sa ngor ,<br />
te musal ma ni nga baaxoo musle.<br />
150 Rabatkati pexe yaa ngi jegesi,<br />
di nit ñu sore saw yoon.<br />
151 Waaye yaw Aji Sax ji, jege nga,<br />
te sa santaane yépp a dëggu.<br />
152 Yàgg naa xam ne sa kàdduy seede<br />
wax la joo saxal dàkk.<br />
153 Xoolal sama coono te xettli ma;<br />
saw yoon déy, sàgganewma ko.<br />
154 Àtte ma, ba jot ma;<br />
musal ma, yaa ko dige.<br />
155 Ku bon sore sa wall,<br />
ngir sàkkuwul sa dogali yoon.<br />
156 Aji Sax ji, sa yërmande yaa na;<br />
musal ma ni nga ko baaxoo.<br />
157 Ñi ma topp ak ñi ma bañ a bare,<br />
te taxul ma dëddu sa kàdduy seede.<br />
158 Damaa gis workat yi, sib leen;<br />
ñoo sàmmul sa kàddu.<br />
159 Seetlul ni ma soppe say tegtal.<br />
Éy Aji Sax ji, musal ma, yaa gore!<br />
160 Sa mboolem kàddu dëgg la,<br />
sa ndigal yépp di njekk, sax dàkk.