You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
111<br />
jële leen penkook sowu,<br />
ak bëj-gànnaar ak wetu géej.<br />
4 Ñee ngi taxawaaloo màndiŋ mu wéet,<br />
gisuñu dëkkuwaay,<br />
5 boole xiif ak mar,<br />
ba bakkan di tàggoo.<br />
6 Ñu jàq, woo Aji Sax ji wall,<br />
mu xettlee léen seen njàqare,<br />
7 jaarale léen yoon wu jub,<br />
ngir ñu àgg cib dëkk.<br />
8 Nañu sante Aji Sax ji ngoram<br />
ak kéemaanam yi ñeel doom aadama yi.<br />
9 Mooy màndal put gu wow,<br />
di feesal ngëneel biir bu wéet.<br />
10 Ñee ngi dëkke lëndëm gu tar,<br />
ñu yeewe léen jéngi weñ yu tar.<br />
11 Ñoo gàntal waxi Yàlla,<br />
néewal ndigalal Aji Kawe ji.<br />
12 Mu teg léen naqar, ba torxal léen,<br />
ñu ne nërëm te kenn walluw léen.<br />
13 Ñu jàq, woo Aji Sax ji wall,<br />
mu walloo léen seen njàqare,<br />
14 xar seeni jéng yaar,<br />
génnee léen lëndëm gu tar.<br />
15 Nañu sante Aji Sax ji ngoram<br />
ak kéemaanam yi ñeel doom aadama yi.<br />
16 Moo rajaxe bunti xànjar,<br />
damm galani weñ.<br />
17 Ñu dofe ñalee ngi topp yoonu moy,<br />
loroo seeni ñaawteef,<br />
18 ba luy ñam di daw seen yaram,<br />
ñu jege bunti ndee.<br />
19 Ñu jàq, woo Aji Sax ji wall,<br />
mu walloo léen seen njàqare.<br />
20 Daa yónnee kàddoom, wéral léen,<br />
këfe léen cim yeer.<br />
21 Nañu sante Aji Sax ji ngoram<br />
ak kéemaanam yi ñeel doom aadama yi.<br />
22 Nañ ko sarxal °saraxi cant<br />
tey sarxolle, siiwale koy jalooreem.<br />
23 Ña ca des a ngi war gaal, dugg géej,<br />
di liggéeye mbeex mu ne xéew.<br />
24 Ñooñoo seede jaloorey Aji Sax ji,