You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
43<br />
44<br />
42<br />
«Ana sa Yàlla ji?»<br />
Ma ne yàcc, ne yasar.<br />
12 Moo man, lu may yoggaaral nii?<br />
Lu may jàq?<br />
Naa yaakaar Yàlla,<br />
ba dellu sante sama Yàlla wallam.<br />
Éy Yàlla, àtte ma<br />
1 Éy Yàlla, àtte ma,<br />
layool maak xeet wu gorewul,<br />
xettli maak ku njublaŋ te dëng.<br />
2 Yaw Yàlla kat yaay sama rawtu.<br />
Lu tax nga wacc ma,<br />
may wéye tiis,<br />
ci noteelu noon?<br />
3 Ngalla yónneel sag leer ak sa dëgg,<br />
yal na ma yooyu jiite,<br />
yóbbu ma sa tund wu sell,<br />
sa dëkkuwaay ba.<br />
4 Kon Yàlla, naa àgg sa sarxalukaay;<br />
yaw Yàlla, yaay sama mbégte, di sama bànneex.<br />
Yaw Yàlla, sama Yàlla,<br />
naa la màggale xalam.<br />
5 Moo man, lu may xàddi, ne yogg?<br />
Lu may jàq nii?<br />
Tee maa yaakaar Yàlla, ba santati ko,<br />
moom sama Yàlla mi may wallu?<br />
Xeet waa ngi jooy<br />
1 Mu jëm ci njiital woykat yi, di taalif bu ñeel askanu Kore wu góor.<br />
2 Éy Yàlla, noo déggal sunu bopp,<br />
sunuy maam a nu wax<br />
jëf ja nga jëf, ca seeni jant,<br />
bu yàgga yàgg.<br />
3 Yaw ci sa bopp yaa dàq xeet yi,<br />
jëmbët fa maam ya;<br />
yaa mbugal xeet yi,<br />
ñoom, nga yiwi léen.<br />
4 Du seen saamar lañu nangoo réew mi moos,<br />
seen dooley bopp it mayu léen ndam.<br />
Yaa ko defe kàttan ak doole,