You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
124<br />
51 Nit ñu bew ñi ñaawal nañu ma lool,<br />
waaye dëdduwma saw yoon.<br />
52 Éy Aji Sax ji, damaa fàttliku sa àtte ya woon,<br />
daldi muñ.<br />
53 Sama xol daa fees ndax ñu bon<br />
ñiy wacc saw yoon.<br />
54 Sa dogali yoon laay woyantoo,<br />
fu ma mana sance.<br />
55 Aji Sax ji, tudd naa la guddi,<br />
di sàmm saw yoon.<br />
56 Lii laa séddoo,<br />
maa topp sa tegtali yoon.<br />
57 Aji Sax ji, yaw laa séddoo;<br />
di digee sàmm sa kàddu.<br />
58 Xol bu la wéetal laa sàkkoo saw yiw,<br />
ngalla baaxe ma, yaa ko dige.<br />
59 Damaa seetlu sama jëfin,<br />
dëpp, topp sa kàdduy seede.<br />
60 Maa ngi gaawtu,<br />
yeexewma say santaane moos!<br />
61 Buumi ñu bon ñaa ngi may laaw,<br />
te sàgganewma saw yoon.<br />
62 Xaaju guddi laay jóg,<br />
di la sante sa àttey njekk.<br />
63 Maa xejjoo képp ku la ragal,<br />
tey topp say tegtal.<br />
64 Aji Sax ji, sa ngor dajal na àddina;<br />
xamal ma sa dogali yoon.<br />
65 Aji Sax ji, def nga la nga dige woon,<br />
Sang bi, defal nga ma ngëneel.<br />
66 Xamal ma ngëneeli àtte ak xam-xam,<br />
maa doyloo say santaane.<br />
67 Maa jàddoon, nga duma ma,<br />
léegi sa kàddu laay sàmm.<br />
68 Yaaka baax tey baaxe;<br />
rikk xamal ma say tegtal.<br />
69 Ñu bew ñee yàq sama der ak i sos,<br />
te ma topp say tegtal, wéetal la.<br />
70 Ñu ngi nii, seen bopp yi, tafas;<br />
te man may tàqamtikoo saw yoon.<br />
71 Ngëneel la ma duma yi jural,<br />
ngir jànge naa ci say tegtal.<br />
72 Sa ngëneelu yoon wi nga digle<br />
moo ma gënal ay junniy xaalis ak wurus.