You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
40<br />
39<br />
bala maa dëddu, réer.<br />
Déggal Aji Sax jee am solo<br />
1 Mu jëm ci njiital woykat yi, ñeel Daawuda, di kàddug <strong>Sabóor</strong>.<br />
2 May xaara xaar Aji Sax ji,<br />
mu dégg may woote, geesu ma,<br />
3 génnee ma ca kàmbug sànkute,<br />
sippee ma ca xóotey ban ba,<br />
cëppe ma ciw doj,<br />
samp ma, ma dëgër.<br />
4 Moo ma may, ma fent,<br />
woy wu ma woye sunu Yàlla.<br />
Ñu baree seede, di wormaal<br />
ak a dénku ci Aji Sax ji.<br />
5 Ndokklee, yaw mi dénku ci Aji Sax ji,<br />
te sàkkuwuloo ku bew<br />
ak kuy topp i fen.<br />
6 Yaw Aji Sax ji sama Yàlla, bare nga loo def,<br />
amuloo moroom!<br />
Bare nga kéemaan ak i mébét yoo nu sottalal,<br />
ma bëgga xamle lépp,<br />
te mu bare ba weesu lim.<br />
7 Taamuwuloo saraxi gàtt mbaa pepp,<br />
sàkkuwuloo °sarax buy lakk ba jeex,<br />
ak °saraxu póotum bàkkaar.<br />
Danga maa bënnal i nopp.<br />
8 Ma ne : «Maa ngi,<br />
téereb yoon wi indi na li ñu bind ci man.<br />
9 Sama Yàlla, maa soppa def sa coobare,<br />
sa ndigali yoon a ngi sama biir xol bi.»<br />
10 Siiwal naa sag njekk ca ndaje mu mag ma.<br />
Dama ne, Aji Sax ji duma noppi, xam nga ko.<br />
11 Làquma sag njekk, ne cell ak moom.<br />
Yaa wóor, di walloo, siiwal naa ko.<br />
Làquma ndaje mu mag ma sa ngor ak sa worma.<br />
12 Éy Aji Sax ji, bu ma xañ sa yërmande.<br />
Sa ngor ak sa worma,<br />
yal na ma feg ba fàww.<br />
13 Ay musibaa ma tanc,<br />
ne gàññ, ba weesu lim.